قصور (بیور و رپورٹ) پولیس کا جرائم پیشہ افراد کے خلاف سخت کریک ڈاؤن جاری، 5 اشتہاریوں سمیت 14جرائم پیشہ افراد گرفتار ، شراب کی بوتلیں ،چرس اور ناجائزاسلحہ برآمد کرلیا گیا تفصیلات کے مطابق جرائم پیشہ افراد کے خلاف جاری کریک ڈاؤن کے دوران گزشتہ روزپولیس نے پھولنگر ، پتوکی اور سرائے مغل سے 5بدنام زمانہ منشیات فروشوں شفیق عرف شیقو ،اکرم جاوید ،ارشد،عبدالرشید ،اور بلال کو کو گرفتار کر کے ملزمان کے قبضہ سے 190بوتل ولائتی شرا ب ،120لیٹر دیسی شراب اور آدھا کلوگرام چرس برآمد کی اسی طرح دو ملزمان نوید اور امجد کے قبضہ سے 2پسٹل برآمد کیے گئے ۔اسی طرح چھانگا مانگا کے علاقہ چک 32میں ایک قحبہ خانے سے ملزم جاوید عرف رانجھا اور پروین بی بی کو رنگے ہاتھوں گرفتار کیا گیااسی طرح سنگین مقدمات میں ملوث 5مجرمان اشتہاریوں عبدالرشید عرف شیدن ، جاوید مسیح ،زمان ، اورنگزیب اور حامد کو گرفتار کرلیا گیا ہے۔پولیس نے مختلف دفعات کے تحت مقدمات درج کر کے تفتیش شروع کردی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(بیورورپورٹ)ڈسٹرکٹ کوارڈی نیشن آفیسر قصور عمارہ خان اور ڈی پی او سید علی ناصر رضوی کے زیر صدارت چہلم حضرت امام حسینؓؓ کے موقع پر سیکورٹی اور دیگر انتظامات کا جائزہ لینے کے حوالے سے گزشتہ روز ضلعی امن کمیٹی کا اجلاس ڈی سی او کمیٹی روم میں منعقد ہوا۔ جس میں ڈی او سی عبدالسلام عارف ‘اسسٹنٹ کمشنر قصور آمنہ رفیق ‘اے سی چونیاں عائشہ غضنفر ‘اے سی کوٹ رادھاکشن سرمد تیمور ‘ٹی ایم اوز ‘تما م مکا تب فکر کے علما ء کرام ‘ممبران امن کمیٹی اورتا جروں نے شرکت کی۔ڈی سی او قصور عمارہ خان نے کہا کہ حضرت امام حسینؓ کی تعلیمات پوری امت اسلامیہ کیلئے مشعل راہ ہے اور ہم سب کا یہ فرض ہے کہ ہم انکے عظیم پیغام کو سمجھیں ۔ انہوں نے کہا کہ چہلم حضرت امام حسینؓ کے موقع پر حکومتی ضابطہ اخلاق پر سختی سے عملدرآمد کروایا جائیگا تا کہ کسی بھی قسم کی شرپسندی سے بچا جا سکے ۔ ڈی سی او نے کہا کہ ضلعی انتظامیہ چہلم حضرت امام حسینؓ کے موقع پر تمام مجالس اور جلوسوں کی سیکورٹی اور صفائی ستھرائی کے انتظامات کرنے کے حوالے سے تمام وسائل بروائے کارلائے گی ۔انہوں نے تمام مکاتب فکر کے علماء اکرام سے اپیل کی کہ وہ اتحا د بین المسلمین کے فروغ کیلئے اپنا کر دارادا کریں ۔اس موقع پر ڈی پی او سید علی ناصر رضوی نے کہا کہ ہم امید کرتے ہیں کہ تمام مکاتب فکر کے علماء اکرام چہلم حضرت امام حسینؓ کے دوران بھائی چارے اور اتحاد و یگانگہت کی فضاء کو قائم رکھنے کیلئے پولیس کا بھرپور ساتھ دینگے ۔ اس موقع پر تمام مکاتب فکر کے علماء اکرام نے اپنی اپنی آراء و تجاویز دیں اور چہلم حضرت امام حسینؓ کے موقع پر مثالی امن ‘بھائی چارے اور اخوت کی روایت کو برقرار رکھنے کا یقین دلایا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(بیورورپورٹ)پاکستان تحریک انصاف کی امیدوار پی پی 175 میڈم مزمل مسعودبھٹی نے کہا ہے کہ حکمران جعلی دستاویزات کا سہارا لے رہے ہیں، حکمران تاخیری حربوں کے ذریعے عدالتی احتساب سے نہیں بچ سکتے، بھارت اور اسرائیل کا گٹھ جوڑ پاکستان کی سلامتی کیلئے خطرہ ہے۔ بلدیاتی اداروں کو اختیارات دیئے جائیں کیونکہ اختیارات کے بغیر بلدیاتی ادارے بے معنی ہیں،بیمار اور لاغر گورنر کی نامزدگی سندھی عوام کے ساتھ مذاق ہے، بھارت کے جارحانہ عزائم کو ناکام بنانے کیلئے پوری قوم پاک فوج کے ساتھ ہے، ان خیالات کا اظہار انہوں نے ڈیرہ پر ملاقات کرنیوالے علماء کے وفد سے گفتگو کرتے ہوئے کیا،انہوں نے مزید کہا کہ پانامہ لیکس کے مقدمہ کو غیر ضروری طور پر لٹکایا جارہا ہے،پاک فوج نے دفاع وطن اور انسداد دہشتگردی کیلئے بے مثال قر بانیاں دی ہیں،حکومت بھارت کی پاکستا ن میں مداخلت کو عالمی سطح پر بے نقا ب نہیں کرسکی،ہمار ا وزیر اعظم کل بھوشن کا نام کیوں نہیں لیتا، پاکستانی قوم کو اپنی بہادر افواج پر فخر ہے،میڈم مزمل مسعودبھٹی نے مزید کہا کہ غریب عوام غربت اور مہنگائی کی آگ میں جل رہی ہے لیکن حکمرانوں کو عوامی مشکلات کا کو ئی احساس نہی حکومت نے داعش جیسے سنگین خطرے سے بھی آنکھیں بند کررکھی ہیں پنجاب میں دہشتگردی کے خلاف آپریشن نہ ہوا تو ضرب عضب میں پاک فوج کی قر بانیاں ضائع ہو جائینگی بھارت کے توسیع پسندانہ عزائم خطے کے تمام ممالک کیلئے خطرہ ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(بیورورپورٹ)پاکستان مسلم لیگ ن کے امیدوار ایم این اے اورٹریڈونگ کے ضلعی صدر چوہدری زاہدحسین راجپوت نے کہا ہے کہ گزشتہ 4ماہ کے دوران غیر ملکی سرمایہ کاری میں48.5فیصد اضافہ خوش آئند ہے ،گوادر بندر گاہ فعال ہونے سے اور پاک چین اقتصادی راہداری منصوبہ پر آمدورفت شروع ہونے سے غیر ملکی سرمایہ کاروں کا رخ پاکستان کی طرف ہوگیا ہے اور غیر ملکی سرمایہ کاری میں مسلسل اضافہ ہورہا ہے ان خیالات کا اظہار انہوں نے فیروز پور اور سبزی منڈی کے تاجروں کے وفود سے گفتگو کرتے ہوئے کیا،انہوں نے کہا کہ اسٹیٹ بنک آف پاکستان کی رپورٹ کے مطابق مالی سا ل کے پہلے چار ماہ کے دوران مجموعی غیر ملکی سرمایہ کاری48.5فیصد اضافہ سے ایک ارب41کروڑ 85لاکھ ڈالر رہی جبکہ گزشتہ مالی سال کے اسی عرصے میں مجموعی غیر ملکی سرمایہ کاری کی مالیت95کروڑ52لاکھ ڈالر رہی تھی،چوہدری زاہدحسین راجپوت نے کہا کہ غیر ملکی سرمایہ کاری میں اضافہ سے ملک میں نئی انڈسٹریز کے قیام سے روزگار کے وافر مواقع دستیاب ہونگے اور ملک خوشحالی و ترقی کی راہوں پر نامزد ہوگا انہوں نے کہا کہ ملکی معیشت استحکام پذیر ہے اور ملکی زرمبادلہ کے ذخائر میں اضافہ سے ملک خوشحالی و ترقی کی راہوں پر گامزن ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(بیورورپورٹ)سابق نائب ضلع ناظم وامیدوار ایم این اے حاجی مقصود صابرانصاری نے کہا ہے کہ پاک ترک سکولوں کے اساتذہ کے معاملہ کو انسانی بنیادوں پر دیکھا جائے،20سال سے رہائش پذیر اساتذہ اور ان کے اہل خانہ نے کون سے ملکی قوانین کو پامال کیا کہ انہیں راتوں رات ملک چھوڑنے کا حکم دے دیا گیا ، کیا اسے آزاد اور خود مختار ملک کہتے ہیں کہ کہیں سے کوئی اشارہ بھی آ جائے تو غلاموں والا سلوک شروع کر دیا جائے ۔ان خیالات کا اظہار انہوں نے سابق صدا بہار ایم پی اے حاجی غلام صابرانصاری کی عیادت کیلئے آنیوالے شہریوں سے ملاقات میں کیا ،اس موقع پر انکے سیکرٹری اللہ دیتہ بھٹی ودیگر موجود تھے ، حاجی مقصود صابرانصاری کہ اطلاعات یہی ہیں کہ جو ترک شہری بھی یہاں سے جاتا ہے اسے ائر پورٹ سے سیدھا جیل بھیج دیا جاتا ہے، پاک ترک سکولوں کے اسا تذہ کے معاملہ پر غلامانہ ذہنیت والی حکومت بے حسی ترک نہیں کرے گی،اس معاملہ پر چیف جسٹس آف سپریم کورٹ انسانی بنیادوں پر سوموٹو نوٹس لیں اور پاک ترک سکولوں کے اساتذہ اور انکے اہل خانہ کیلئے کوئی درمیانی راستہ نکالیں جن اساتذہ اور انکے اہل خانہ کو اذیت ناک صورت حال سے دو چار کیا جا رہا ہے ان کا جرم کس عدالت سے ثابت شدہ ہے؟ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(بیورورپورٹ)نوجوان وکلاء کو پاکستان کی بہتر ی کیلئے سیاست میں اپنارول ادا کرنا چاہیے معاشرے میں تبدیلی معاشرے میں تبدیلی قانون دان ہی لا سکتے ہیں ۔ یہ ڈسٹرکٹ بار قصور کے سالانہ انتخابات 2017-18میں ممبر مجلس عاملہ کے امیدوار سردار راشد علی ڈوگر نے میڈیاسے گفتگو کرتے ہوئے کی ۔انہوں نے کہا کہ میں نے الیکشن میں حصہ لینے کا فیصلہ دوستوں اور ہمدردوں کے اصرار پر کیا ہے انہوں نے کہا کہ مجھے نوجوان وکلاء اور سینئر وکلا ء کی بڑی اکثیر یت کی حمایت حاصل ہے ۔ میں قصور کے بار کے وکلاء کے بنیادی مسائل کو حل کرنے کے ساتھ ساتھ معاشرے میں بہتری کیلئے اپنا کلیدی کردار ادا کروں گا ،انہوں نے کہا کہ پاکستان ایک وکیل نے بنایا تھا اور اب وکلاء برادری ہی اس ملک کو بچائے گی اور کرپٹ حکمرانوں سے پائی پائی کا حساب لے گی ۔ سردار راشد علی ڈوگر نے مزید کہا کہ ڈسٹرکٹ بار قصور میں وکلاء کے مسائل کا ایک انبار ہے جسے پیچھلے ادوار میں حل کرنے کیلئے سرے سے ہی توجہ نہیں دی گئی جو کہ ایک افسوس ناک امر ہے ۔ انہوں نے کہا کہ میں انشاء اللہ کامیاب ہو کر حقیقی بنیادوں پر کام کروں گا اور وکلا ء برادری کے مسائل کو حل کرنے کیلئے اپنی تمام تر توانائیاں بروئے کار لاؤں گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(بیورورپورٹ)شہراورگردونواح میں پانی ملے گشت کی فروخت عروج پر اکثرجگہوں پر غیرمعیاری گوشت فروخت ہورہاہے جوانسانی صحت کیلئے مضرہے پانی لگانے سے 35فیصدگوشت کاوزن اضافہ ہوجاتاہے ۔مخصوص انتڑیوں کے ذریعے پانی ڈالہ جاتاہے۔ شہریوں نے ڈی سی او قصورسے فوری نوٹس لینے کامطالبہ کردیا ۔تفصیلات کے مطابق قصاب جانور کو ذبح کرکے مخصوص انتڑیوں کے ذریعے اس میں پانی داخل کرتے ہیں جو ہرحصہ میں پہنچ جاتاہے اورگوشت کا وزن اضافی ہوناشروع ہوجاتاہے۔ جس گاہک نے دوکلوگوشت خریدناہے اس کو ڈیڑھ کلو ملتاہے ۔آدھاکلو کے پیسے قصاب کوپانی کی وجہ سے بچ جاتے ہیں۔تحقیقات کے مطابق جن انتڑیوں کے ذریعے پانی داخل ہوتاہے ان میں جانور کی بیماریوں کے جراثیم ہوتے ہیں جوتندرست انسانوں میںیرقان کاسبب بن سکتاہے جبکہ دوسری طرف بیماراورلاغرجانورلائے جاتے ہیں اورگھروں میں ذبح کرکے سلاٹر ہاوس لائے جاتے ہیں جن پر کارخاص کرندوں کے ذریعے مہریں لگادی جاتی ہیں کیونکہ صبح سویرے ویٹرنری ڈاکٹروں کاآنامشکل اورناممکن ہوتاہے۔جبکہ حکومت پنجاب کا کہناہے کہ شہریوں کوصاف ستھرا اورمعیاری گوشت فراہم کیاجائے ویٹرنری ڈاکٹر نے اپناموقف دیتے ہوئے بتایاکہ ہماری کوشش ہوتی ہے کہ تندرست جانور ذبح کیاجائے سوفیصدہم گارنٹی لیکے دے سکتے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(بیورورپورٹ)پسند کی شادی کا تنازع ،اسلحہ کے زور پر نوجوان شخص کی بیوی اغوا ، پولیس مصروف کاروائی ،تفصیلات کے مطابق پکہ قلعہ روشن آباد کالونی کے صدام حسین نے بتایا کہ وہ اپنی بیوی صائمہ بی بی کیساتھ بستی برات شاہ چوک میں آرہا تھا کہ ملزمان ریاض ،صفدر علی سمیت دیگر تین کس نامعلوم افراد نے اسلحہ کے زور پر اسکی بیوی کواغوا ء کرلیا اور مجھے تشددکانشانہ بناڈالا ملزمان جاتے ہوئے موبائل ،نقدی 20ہزار اور 2تولہ سونا ساتھ لے گئے ،وجہ عناد یہ ہے کہ صائمہ بی بی اور صدام حسین نے اپنے گھروالوں سے بھاگ کر پسند کی شادی کررکھی تھی ،لڑی کے گھروالوں سے انہیں خدشہ ہے کہ اسکی بیوی کو وہ قتل کردینگے ،مدعی صدام حسین نے انصاف کامطالبہ کیا ہے۔
سٹیٹ یوتھ پارلیمنٹ آف پاکستان کی تقریبِ حلف برداری
بدین کے نواحی شہر کھوسکی میں پولیس دو بھائی مبینا طور پر اغوا
