29سے زائد وارداتوں میں مطلوب بدنام زمانہ خطرناک دو ڈاکو ساجد عرف لالہ اور زبیر عرف اکرم دوران پولیس مقابلہ ، ڈکیتی ، رابری,ڈکیتی / رابری معہ قتل کے مقدمات میں ملوث ڈاکوکوٹرادھاکشن کے نواح میں اپنے ہی ساتھیوں کی فائرنگ سے ہلا ک،ڈی پی اوقصور قصور (محمد عمران سلفی سے) ڈی پی اوقصور سید علی ناصر نے بتایا کہ ڈکیتی ، رابری، ڈکیتی/ رابری معہ قتل،پولیس مقابلہ اور اسلحہ ناجائز کی29سے زائد وارداتوں میں مطلوب بدنام زمانہ خطرناک دوڈاکو ساجد عرف لالہ اور زبیر عرف اکرم تھانہ کوٹرادھاکشن کے علاقہ ریلوے ٹریک کے قریب دوران پولیس مقابلہ اپنے ہی ساتھیوں کی فائرنگ سے ہلاک ہو گئے ۔ ملزمان اپنے ساتھیوں کے ہمراہ راہگیر سے موٹرسائیکل چھین کر فرار ہورہے تھے ۔تفصیلات کے مطابق گزشتہ رات رفاقت نامی شخص نے 15پر اطلاع دی کہ دو موٹرسائیکلوں پر سوار 4کس نامعلوم ملزمان نے چھانگا مانگا کے علاقہ چھانگا مانگا روڈ سے نقدی 8000/-روپے ،موٹرسائیکل اور موبائل فون چھین کر جانب کوٹرادھاکشن فرار ہوگئے ہیں۔اس اطلاع پر ایس ایچ او کوٹرادھاکشن نے ہمراہ دیگر ملازمان چھانگا مانگا روڈ ریلوے ٹریک کے قریب پر ناکہ بندی کی۔ملزمان نے پولیس پارٹی کو دیکھ کر پوزیشن سنبھالتے ہوئے مختلف اطراف سے سیدھی فائرنگ شروع کردی ۔پولیس پارٹی نے بھی حق حفاظت خود اختیاری کے تحت فائر کیے تھوڑی دیر کے بعد جب فائر نگ کا تبادلہ رکاتو پولیس پارٹی نے قریب جا کر دیکھا تو ایک ڈاکو مردہ حالت جبکہ دوسراڈ زخمی حالت میں پڑا تھاجو اپنے ہی ساتھی ڈاکوئوں کی فائرنگ سے ہلاک اور زخمی ہوئے جن کے قریب سے چھینی گئی موٹرسائیکل اور دو عد د پسٹل برآمد ہوئے ۔جبکہ بقایا دو کس ملزمان اندھیرے کا فائدہ اٹھاتے ہوئے بھاگ جانے میں کامیاب ہوگئے۔ زخمی ڈاکو نے اپنا نام ساجد عرف لالہ جبکہ ہلاک ہونے والے ڈاکو کانام زبیر عرف اکرم بتلایا ۔زخمی ڈاکو کو برائے علاج معالجہ ہسپتال لیجایا جا رہا تھا کہ راستہ میں ہی ہلاک ہوگیا ۔ہلا ک ہونے والے دونوں ڈاکو ضلع قصور ،لاہور اور اوکاڑہ کو ڈکیتی ،رابری ، ڈکیتی / رابری معہ قتل،پولیس مقابلہ اور اسلحہ ناجائز کی29سے زائد وارداتوں میںمطلوب تھے ۔پولیس نے نعشوں کو قبضہ میں لیکر پوسٹمارٹم کروا کر فرار ہونے والے دو کس ملزمان کے خلاف مقدمہ درج کر لیا ہے۔جنکی تلاش کیلئے تین عدد سپیشل ٹیمیں تشکیل دے دی گئیں ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈی پی اوقصور نے 312پولیس افسران و اہلکاران میں تعریفی اسناد اور نقد انعامات تقسیم کیے عوام کے جان و مال کی حفاظت کیلئے اپنی زندگیوں کو خطرے میں ڈال کر تحفظ کی فراہمی کرنے والے پولیس افسر اور اہلکار محکمہ کے لیے باعث فخر ہیں قصور(محمد عمران سلفی سے)عوام کے جان و مال کی حفاظت کیلئے اپنی زندگیوں کو خطرے میں ڈال کر تحفظ کی فراہمی کرنے والے پولیس افسر اور اہلکار محکمہ کے لیے باعث فخر ہیں اور جرات اور شجاعت کی مثال ہیں اور ایسے افسروں اور اہلکاروں حوصلہ افزائی کا سلسلہ مستقل بنیادوں پر جاری رکھا جائے گا ڈی پی او قصور سید علی ناصر رضوی نے ان خیالات کا اظہار گزشتہ روز ڈسٹرکٹ پولیس لائن قصور میں افسران و اہلکاران میں نقد انعامات اور تعریفی اسناد تقسیم کرنے کی تقریب سے خطاب کر تے ہوئے کیا ۔انہوں نے کہا کہ کالا یونیفارم زیب تن کرنے والا ہر افسرو اہلکار خدمت خلق کے جذبہ سے سرشار ہونا چاہیے اس موقع پر تما م افسران و اہلکاران نے اس عزم کا اظہار کیا کہ لوگوں کی جان و مال کی حفاظت کی خاطر اپنا سب کچھ نچھاور کردینے سے بھی گریز نہ کریں گے ۔تقریب میں ایس پی انویسٹی گیشن بقاء محمد بگٹی ،ڈی ایس پی صدر مرزا عارف رشید ،ڈی ایس پی ٹریفک محمد اکرام خاں ،ڈی ایس پی سپیشل برانچ حسن دانیال بشیر و دیگر پولیس افسران نے شرکت کی ۔پولیس افسران و اہلکاران میں یہ انعامات خطرناک مجرمان اشتہاریو ں کی گرفتاری ،بہادری کا مظاہرہ کرنے ،عوام کیساتھ خوش اخلاقی سے پیش آنے اور دیگر جرائم میں ملوث خطرناک ملزمان کو کیفر کردارتک پہنچانے کیلئے اعلیٰ کارکردگی کے مظاہرہ پر دئیے گئے ۔تقریب میں ایس ایچ او اے ڈویژن انسپکٹر ملک طارق محمود ،انسپکٹر مقبول احمد ،انسپکٹر مظفر ،ایس ایچ او چھانگا مانگا سردار محمد حسین، اے ایس آئی فیاض احمد، اے ایس آئی حافظ ساجد، اے ایس آئی اسرار احمد ، اے ایس آئی شوکت علی سمیت ضلع بھر کے 312پولیس افسران واہلکاران میں نقد انعامات اور سرٹیفکیٹ تقسیم کیے گئے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈی سی او سلمان غنی اور ڈی پی او سید علی ناصر رضوی کا سیکورٹی انتظامات کا جائزہ لینے کیلئے تحصیل پتوکی اور گنڈا سنگھ بارڈ کا دورہ قصور(محمد عمران سلفی سے)ڈی سی او قصور سلمان غنی اور ڈی پی او سید علی ناصر رضوی کا سیکورٹی انتظامات کا جائزہ لینے کیلئے تحصیل پتوکی اور گنڈا سنگھ بارڈ کا دورہ ۔ تفصیلات کے مطابق ڈی سی او قصور سلمان غنی اور ڈی پی او سید علی ناصر رضوی نے گزشتہ روز تحصیل پتوکی میں سیکورٹی کے حوالے سے کئے گئے انتظامات کا جائزہ لینے کیلئے دورہ کیا ۔ انہوں نے یونیورسٹی آف ویٹرنری اینڈ اینمل پتوکی ،بلوکی پاور پراجیکٹ واں آدھن ، مختلف فیکٹریوں ،ٹراماسنٹر پھولنگر ، میڈیکل کالج، چلڈرن کمپلیکس پھولنگر اور دیگر مقامات کا دورہ کیا اور سیکورٹی کے حوالے سے کئے گئے انتظامات کا تفصیلی جائزہ لیا ۔ اس موقع پرانکے ہمراہ متعلقہ افسران بھی موجود تھے ۔ انہوں نے خاص طور پر مختلف پروجیکٹس اور فیکٹریوں میں کام کرنیوالے چائنز کی سیکورٹی کو چیک کیا اور متعلقہ افسران اور اداروں کے سربراہان کو حکم دیا کہ سیکورٹی کے حوالے سے مزید انتظامات بہتر کئے جائیں اور اس میں کسی قسم کی کوتاہی نہ برتی جائے ۔ علاوہ ازیں ڈی سی او سلمان غنی اور ڈی پی او سید علی ناصر رضوی نے ونگ کمانڈر رینجرز کرنل عادل نسیم کے ہمراہ گنڈا سنگھ بارڈر پر بھی سیکورٹی انتظامات کا تفصیلی جائزہ لیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ڈی سی او کے زیر صدارت اوور سیز پاکستانیوں کے مسائل کا جائزہ لینے کے حوالے سے ڈسٹرکٹ کمیٹی کا اجلاس قصور(محمد عمران سلفی سے)ڈسٹرکٹ کوآرڈینیشن آفیسر قصور سلمان غنی کے زیر صدارت اوور سیز پاکستانیوں کے مسائل اور انکے حل کا جائزہ لینے کے حوالے سے ڈسٹرکٹ کمیٹی کا اجلاس گزشتہ روز ڈی سی او کمیٹی رو م میں منعقدہ ہوا۔ جس میں ایڈیشنل ڈسٹرکٹ کلکٹر قصور ، اسسٹنٹ کمشنرزقصور ، پتوکی ، چونیاں ، کوٹ رادھاکشن ، ای ڈی او ایجو کیشن ،ای ڈی او ہیلتھ ، ڈسٹرکٹ اٹارنی قصور، انچارج نادرا قصور ،پولیس ، واپڈا اور دیگر محکموں کے افسران نے شرکت کی ۔ ڈی سی او نے تمام محکموں کے افسران کو حکم دیا کہ جن جن محکموں میں اوورسیز پاکستانیوں کی شکایات یا مسائل کے کیسز زیر التواء کا شکار ہیں انکو فوری طور پر حل کیا جائے ۔ ڈسٹرکٹ اٹارنی کو ہدایت کی کہ وہ سول کورٹ میں اوورسیز پاکستانیوں کے جو کیسز ہیں انکی پیروی کرکے انہیں جلد اجلد نمٹایاجائے تا کہ اوورسیز پاکستانیوں کو انصاف فراہم کیا جا سکے ۔ اسکے علاوہ ڈی سی او نے محکمہ واپڈا کے افسران کو ہدایت کی کہ وہ اوورسیز پاکستانیوں کو اووربلنگ اور ناجائز بھیجے گئے بلز کا جائزہ لیکر انکو صحیح بل جاری کریں ۔ انہوںنے مزید ہدایت کی کہ اوورسیز پاکستانی قوم کا قیمتی سرمایہ ہیں اور انکے جان و مال کی حفاظت حکومت کی ذمہ داری ہے اور اس کیلئے تمام وسائل بروئے کار لائے جائینگے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ چیئر مین زکوٰة و عشر کمیٹی چوہدری محمد صادق کے زیر صدارت ضلعی ممبران کا اجلاس ہمارا مشن پسماندہ اورغریب افراد کو تعلیم و تربیت کے ذریعے معاشرہ میں بلند مقام دلانا ‘غریبوں کی مدد کرنا ہے ‘چوہدری محمد صادق قصور(محمد عمران سلفی سے)چیئر مین زکوٰة و عشر کمیٹی ضلع قصور چوہدری محمد صادق کے زیر صدارت ضلعی ممبران کا اجلاس گزشتہ روز انکے آفس میں منعقد ہوا۔ جس میں ڈسٹرکٹ زکوٰة آفیسر اشفاق احمد خاں ، ڈی او سوشل ویلفیئر عباد علی جتالہ ، شیراز شوکت بٹ ، ملک بشیر احمد ، میاں نصراللہ امین ، چوہدری محمد جاوید ، مسز نسرین طارق سیال ، مسز تنویر کوثر اور دیگر نے شرکت کی ۔ اجلاس میں چیئر مین زکوٰة و عشر کمیٹی چوہدری محمد صادق نے نئے نامزدہونے والے ضلعی زکوٰة و عشر کمیٹی کے ممبران کو مبارکباد دیتے ہوئے کہا کہ ہم سب کا صرف ایک ہی مشن ہے کہ ضلع کے پسماندہ اورغریب افراد کو تعلیم و تربیت اور ہنر کے ذریعے معاشرہ میں بلند مقام دلانا اور بے سہارا ،غریب اور مستحق افراد کو طبی سہولیات کی فراہمی ہماری اولین ترجیح ہوگی ۔انہوں نے مزید کہا کہ صرف اور صرف مستحق افراد کو امداد کی فراہمی میں شفافیت کو ہر قیمت پر یقینی بنایا جائیگا ۔چوہدری محمد صادق نے کہا کہ ہماری کوشش ہو گی کہ مستحقین کیلئے گزارہ الائونس ، تعلیمی ادارہ جات ، دینی مدارس ، ہیلتھ کیئر ، شادی گرانٹ ، تعلیمی وظائف ، فنی اور ہسپتالوں کو زیادہ سے زیادہ زکوٰة فنڈز جاری کئے جائیں تا کہ لوگوں کی زیادہ سے زیادہ امداد کی جا سکے ۔ غریب نادار اور مستحق لوگوں کی خدمت ہی میری اولین ترجیح ہو گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(محمد عمران سلفی سے)اسسٹنٹ ڈائریکٹر پلانٹ پروٹیکشن لوٹ مار میں مصروف، کھاد ڈیلروں کی نیندیں حرام،آوٹ آف سلیبس پرچہ بنا کر سب کو فیل اور رشوت لیکر فیل شدہ امیدواروں کو پاس کرنامعمول بنالیا ، زرعی ادویات اٹھا کر اسے نوٹوں کی چمک سے واپس کرنا بہترین مشغلہ بنا لیا، حکام کرپشن کا نوٹس لیں ، شہری اور کھاد ڈیلرز پھٹ پڑے ، تفصیلات کیمطابق قیصر محمودجوئیہ اسسٹنٹ ڈائریکٹر پلانٹ پروٹیکشن نے لوٹ مار میں سب کو پیچھے چھوڑ دیا ، اور محنت کش کھاد ڈیلروں و زمینداروں کی نیندیں حرام کردیں ، ڈیلرشپ ، انوائس ، سٹاک رجسٹر میں اندراج سمیت مختلف اعتراضات لگا کر دکانداروں کو لوٹنے کا سلسلہ گزشتہ 1سال سے جاری ہے ،بڑھکیں لگانا اور مختلف مقدمات میں پھنسانے کی باتیں کرنا قیصر محمود جوئیہ کا پسندیدہ مشغلہ بن چکا ہے کھاد ڈیلروں کی ٹریننگ میں آوٹ آف سلیبس پرچہ بنا دیا جاتا ہے اور فیل شدہ امیدوارواں کو رشوت دیکر پاس کردیا جاتا ہے ، اسسٹنٹ ڈائریکٹر پلانٹ پروٹیکشن نے بعض بیلداروں کو اپنا ٹائو ٹ رکھا ہوا ہے جو پورے ضلع بھر کے زرعی ادویات اور کھاد ڈیلروں سے منتھلی وصول کرتے ہیںاور قیصر محمود جوئیہ کو رشوت کا مال جمع کرواتے ہیں جبکہ جب صاحب بہادر لوٹ مار کیلئے باہر فیلڈ میں جاتے ہیں تو ادویات اٹھا لینا اور ہزاروں روپے وصول کرنا معمول بنا رکھا ہے ، اسسٹنٹ ڈائریکٹر پلانٹ پروٹیکشن سے جب رابطہ کیا گیا تو انہوں نے تمام الزمات کی تردید کی اور کہا کہ آپ خبریں لگائیں مجھے فرق نہیں پڑتا نہ کوئی میرے خلاف کاروائی کرسکتا ہے ،ڈیلروں محمدساجد، اکبر، نذیر ، نظام دین نے ڈی سی او قصور ، کمشنر لاہورڈویثرن ، سیکرٹری زراعت پنجاب ، محتسب اعلی پنجاب،گورنر پنجاب، وزیراعلی پنجاب سے سخت نوٹس لینے کا مطالبہ کیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(محمد عمران سلفی سے)اسٹیج کامیڈی ڈرامہ ‘لشکارے’آج سے خان محل تھیٹر میں شروع ہو گا ، جو ایک ہفتہ تک جاری رہے گا ،عمیرعلی انصاری کے مطابق اس فیملی ڈرامہ کی کاسٹ میں پاکستان کے نامور اسٹیج آرٹسٹ دعاء چوہدری، دلبر، نیلم شہزدای سمیت کامیڈی کنگ ساقی خان ،اسلم مستانہ ودیگر شامل ہیں ، اس ڈرامہ کو یوآے پروڈیکشن نے پرڈیوس کیا ہے جبکہ تحریر وہدایت جاوید راحت نے کی ہے
قصور(محمد عمران سلفی سے)قصور پولیس کا نیشنل ایکشن پلان کے تحت بھاری نفری کے ساتھ راجووال میںسرچ آپریشن، دو مشکوف افراد گرفتار۔ڈی پی او قصور سید علی ناصر رضوی نے مشکوک افراد کی خفیہ اطلاع پر قصور کے علاقہ راجووال مین سرچ آپریشن کے لئے دو ڈی ایس پی صاحبان اور ایس ایچ او منڈی عثمانوالہ ،کھڈیا ں خاص اور دیگر پولیس افسران اور بھاری نفری کے ساتھ علاقہ کا گھیراو کر لیا اور گھر گھر کی تلاشی لی اور اور وہاں پر موجود افراد سے علاقہ میں رہنے اور نئے آنیوالے افراد سے متعلق پوچھ گچھ کی اور دو مشکوک افراد کو حراست لیا اور دوران سرچ آپریشن ناجائز اسلحہ برآمد کر لیا ہے ۔ قصور(محمد عمران سلفی سے)کچہری پیٹرول پمپ کے قریب دو موٹرسائیکل سواروں کی فائرنگ سے ایک شخص ہلاک ہو گیا۔ ٹبی کمبواہ کا رہائشی کامران علی کچہری پمپ کے قریب ایک کھوکھا چلاتا تھاکہ گزشتہ رات اپنے کھوکھے پر موجود تھاکہ دو نا معلوم موٹرسائیکل سواروںکو دیکھ کر اچانک پیٹرول پمپ کی جانب بھاگا جس پر موٹرسائیکل سواروں نے اس کا پیچھا کیا اور فائرنگ کر کے اسے قتل کر دیا اور فرار ہوگئے۔ پولیس تھانہ بی ڈویثرن نے نعش کو قبضہ میں لیکر پوسٹ مارٹم کے لئے بھیج دیا ہے، پولیس کے مطابق قتل کسی پرانی دشمنی یا جھگڑے کا نتیجہ لگتا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ضلع قصور میں لوازمات مکمل ہو نے کے باوجود چیکنگ ٹیموں نے نجی تعلیمی اداروں کے شریف مالکان کی نیندیں حرام کر رکھی ہیں ،ڈی پی او قصور سے نوٹس لینے کی اپیل قصور(محمد عمران سلفی سے)ملک میں بڑھتی ہو ئی دہشت گردی اور تعلیمی اداروں کو نشانہ بننے پر پنجاب حکومت کی جانب سے تعلیمی اداروں میں سخت چیکنگ کا سلسلہ جاری ہے تعلیمی اداروں کی سیکیورٹی کے حوالے سے بات کیجائے تو ضلع بھر میں ضلعی انتظا میہ دن رات کو شاں ہے اور یہ خوش آئند ہے کہ ہمارے تعلیمی ادارے محفوظ رہ سکیں مگر یہ بھی بات سامنے آرہی ہے کہ سرکاری و نجی تعلیمی اداروں کی سکیورٹی کو عملی طور پر چیک تو کیا جاتا ہے مگر کچھ پو لیس آفسران متعدد سکولوں میں سکیورٹی لوازمات پو رے ہو نے کے باوجود بھی سادہ لوح اور شریف لو گوں کو دن رات پریشان کر رہے ہیں سٹی قصور میں کچھ ایسے بھی نجی تعلیمی ادارے ہیں جن میںسکیورٹی کے تمام فرائض پو رے ہو نے کے باوجود چیکنگ ٹیموں نے سکول مالکان کی نیندیں حرام کر رکھی ہیں رات کا کو ئی بھی ٹا ئم ہو چیکنگ ٹیمیں سکول مالک کو گھر سے اُ ٹھا کر دھمکیاں دے کر چلے جاتے ہیں بتایا جاتا ہے کبھی ایسے بھی ہو تا ہے کہ سکول ٹا ئم خواتین ٹیچر اپنی کلاس میں ٹیچنگ کر رہی ہوتی ہیں تو اچانک چو روں کی طرح چیکنگ ٹیمیں زبر دستی سکول میں گھس کر تدریسی نظام کو درہم برہم کردیتے ہیں جس میں خواتین حضرات کو بے ہودہ الفاظ میں ڈانٹا جاتا ہے افسوس کی بات یہ ہے جہاں سکیورٹی ذمہ داریاں پو ری ہوتی ہیں وہاں باربار چیکنگ کاکیا مقصد بنتا ہے نجی تعلیمی اداروں کے مالکان کی DPOقصور اور وزیر اعلیٰ پنجاب سے نو ٹس لینے کی اپیل کی ہے تا کہ تدریسی عمل کو خراب نہ کیا جائے ایسا کرنے سے تعلیمی اداروں میں طلباء طالبات کا تعلیم کا نظام درہم برہم ہو رہا ہے جہاں سکیورٹی کے ناقص انتظا مات ہیں وہاں ہر طرح کی کاروائی کیجائے۔
ڈی ایس پی خالد ڈاھا کو کروڑ سے تبدیل کر کے سپیشل برانچ ڈی جی خان میں تعینات کر دیا گیا
اپریل میں اعجاز فاروقی شوٹنگ بال ٹورنامنٹ کا انعقاد کیا جائے گا، حاجی غلام محمد خان
