قصور (بیورورپورٹ) سابق سیکرٹری اطلاعات انجمن طلباء اسلام پاکستان محمد تنویر شاہد نے کہا ہے کہ پاکستان کی ایٹمی صلاحیت پر کسی قسم کی سودے بازی نہیں کی جاسکتی ہماری ایٹمی قوت وطن عزیز پاکستان کے بقاء کی ضمانت اور دشمنوں پر بالادستی کی دلیل ہے انہوں نے سرتاج عزیز کے بیان کہ امریکہ ہمارا ایٹمی پروگرام ختم کروانا چاہتا ہے یہ کہا کہ امریکہ عالم اسلام اور خصوصاً پاکستان کا بدترین دشمن ہے دنیائے اسلام کی واحد ایٹمی قوت دشمنان اسلام کو کھٹکتی ہے،ان خیالات کا اظہار انہوں نے الفضل ہوٹل پر پاکستان فلاح پارٹی کے زیراہتمام اپنے اعزاز میں افطار پارٹی سے خطاب کرتے ہوئے کیا ، اس موقع پر آل پاکستان پرائیویٹ سکولز ایسوسی ایشن کے مرکزی صدر شبیراحمدہاشمی ،جنرل سیکرٹری پی ایف پی چوہدری محمودالہی چشتی، بلال احمدانصاری ، چوہدری سمیع اللہ جٹ ودیگر بھی موجود تھے ، آل پاکستان پرائیویٹ سکولز ایسوسی ایشن کے مرکزی صدر شبیراحمدہاشمی نے کہاکہ امریکہ بھارت اور اسرائیل تو ہمارے ازلی ابدلی دشمن ہیں مگر اب کچھ برادر اسلامی ممالک بھی بھارت کے ہاتھوں پاکستان کے خلاف استعمال ہو رہے ہیں افغان بارڈر پر افغان افواج کا حملہ اور اس میں دو فوجی افسروں سمیت ہمارے جوانوں کی شہادت اس بات کا منہ بولتا ثبوت ہے کہ ایسے میں امریکہ اور ملک دشمن قوتوں کے خلاف پاکستانی قوم کو متحد ہونا ہو گا اور اس مسئلہ پر مسلح افواج کے سربراہوں کو سرجوڑ کر حکمت عملی اپنانا ہو گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور (بیورورپورٹ)ناجائز منافع خور ی اور ناپ تول میں ہیرا پھیری کرنے والے کسی قسم کی رعایت کے مستحق نہیں ضلعی انتظامیہ اور پولیس دونوں ملکر گراں فروشوں اور ذخیرہ اندوزوں کا سختی سے محا سبہ کرے گی ۔ان خیالات کا اظہار ڈی پی اوقصورسید علی ناصررضوی اور ڈی سی اوعمارہ خاں نے گزشتہ روزقصور سبزی و فروٹ منڈی کے وزٹ کے دوران کیا ۔اس موقع پرڈی ایس پی سٹی عبدالقیوم گوندل،ایس ایچ او اے ڈویژن اشفاق حسین کاظمی ،عہدیداران مارکیٹ کمیٹی بھی موجود تھے۔ ڈی پی اوقصور نے کہا کہ اس امر کو یقینی بنانے کے سلسلہ میں ضلع کو چار سرکل میں تقسیم کر کے ڈی ایس پیز کی سر براہی میں ایس ایچ اوز پر مشتمل پولیس کی ٹیمیں تشکیل دے دی گئی ہیں جو اپنے اپنے علاقہ میں اشیا ئے ضروریہ و خوردونوش کی قیمتوں میں خود ساختہ اضافہ کیخلاف فوری ایکشن لیں گے۔ انہو ں نے کہا کہ سبزی منڈیو ں میں آنیوالی سبزیوں اور پھلوں کی نیلامیوں کیلئے ریونیو اور پولیس افسران کے ذریعے مانیٹرنگ کی جا رہی ہے اور مارکیٹ میں طلب ورسد کے اتار چڑھاؤ پر کڑی نظر رکھی جا رہی ہے ۔انہوں نے مزید کہا کہ منڈی میں کسی دکاندار یا آڑھتی کو کوئی حق نہیں کہ اشیائے خوردونوش ،سبزی اور پھلوں کی خودساختہ قیمتیں مقرر کرکے مہنگے داموں فروخت کرے ایسی صورت میں جرمانے کیساتھ ساتھ سخت قانونی کاروائی بھی کی جائے گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(بیورورپورٹ)سردار کالونی میں ڈاکوؤں نے شہری سے نقدی،موبائل فون اور دیگر قیمتی اشیاء لوٹ لیں اور فرار ہوگئے،تفصیلات کے مطابق ڈینگی پورہ کا رہائشی محمد وسیم پرانے لاری اڈا سے پیدل اپنے گھر واپس جارہاتھا کہ راستے میں ڈاکوؤں نے اسلحے کے زور پر روک کر 20 ہزار روپے نقدی،موبائل فون اور دیگر قیمتی دستاویزات لوٹ لیں اور فرار ہوگئے، پولیس مصروف کارروائی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(بیورورپورٹ)ڈی سی او قصور عمارہ خان کے حکم پرگراں فروشوں کے خلاف کارروائی کرتے ہوئے سپیشل مجسٹریٹ و تحصیل دار غضنفر نوید نے دو گرانفروشوں کے خلاف مقدمات درج کرکے ملزمان کو جیل بھیج دیا،تفصیلات کے مطابق عوامی شکایات پر ڈی سی او عمارہ خان نے سپیشل مجسٹریٹ و تحصیل دار غضنفر نوید کو تھانہ صدر کے علاقہ رنگ پور میں گراں فروشوں کے خلاف کارروائی کرنے کا حکم دیا،جس پر انہوں نے رنگ پور چھاپہ مار کر دو دکان داروں محمد عرفان اور سلطان کو زائد قیمت پر اشیاء خوردونوش فروخت کرتے ہوئے رنگے ہاتھوں گرفتار کرکے ان کے خلاف مقدمات درج کرکے جیل بھیج دیا ہے،اس موقع پر انہوں نے صحافیوں سے گفتگو کرتے ہوئے کہا کہ گراں فروش کسی قسم کی رعایت کے مستحق نہیں ہیں جو ماہ رمضان میں عوام الناس کو لوٹنے میں مصروف ہیں ،ان کے خلاف کارروائیاں مزید تیز کی جارہی ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور (بیورورپورٹ)شہید ذوالفقار علی بھٹو کی بیٹی محترمہ بے نظیر بھٹو نے مسلم امہ کی پہلی خاتون وزیر اعظم بن کر نہ صر ف پاکستان کا امیج بدلا بلکہ پوری دنیا میں اسلام سے متعلق ایک سوفٹ کو ہائی لائٹ کیا ۔ بے نظیر بھٹو شہید نے اپنی جان دیکر جمہوریت کے پودے کو پروان چڑھایا جس کے سائے میں آج میاں نواز شریف بیٹھے ہیں جمہوریت کے چیمپین ہونے کے دعویدار ہیں ۔میاں نواز شریف کی حکومت ملک میں اقدار میں رہنے کا اخلافی جواز کھو چکے ہیں،اب راہ فرار نہیں راہ بے اختیار کا وقت آگیا ہے ۔ان خیالات کا اظہار پیپلز پارٹی کے مرکزی رہنما و سابق ایم این اے چوہدری منظور احمد نے بے نظیر بھٹو شہید کی 63ویں سالگرہ کے موقع پر یوتھ وبگ ضلع قصور کی جانب سے منعقدہ ایک تقریب میں کارکنان سے خطاب کرتے ہوئے کیا ۔ اس موقع پریوتھ ونگ ضلع قصور کے صدر محمد آصف ، نائب صدر حافظ ثاقب علی، سیکٹریری اطلاعات ڈاکٹر محمد اکرم چوہدری ودیگر موجو د تھے اس موقع پر یوتھ ونگ کے صدر محمد آصف نے کہا کہ بھٹو خاندان کی قربانیوں کی داستان سے ملک کا کون سے فرد واقف نہیں ،آج ملک میں جمہوریت کا وجود ہے ہی بھٹو خاندان کی بدولت، اگر میاں نواز شریف نے اپنا قبلہ درست نہ کیا اور پانامہ لیکس پر سنجیدگی نہ دکھائی تو عید کے بعد کارکنان بلاول بھٹو کی کال پر سٹرکوں پر ہوں گے اور اس بار میاں برردارن کو ملک سے بھاگنیبھہ نہیں دیں گے۔
صدر پاکستان کویت کے شہر المعارض مشرف میں لگائی جانے والی میڈان پاکستان نمائش کے سٹالز کا دورہ کیا
SSB کپ رمضان باسکٹ بال ٹورنامنٹ میں 2 میچوں کا فیصلہ راجہ جہانزیب اور زین مین آف دی میچ قرار دئے گے
