خانیوال (راشد ملک سے) پولیس تھانہ سٹی کا گدگروں کے خلاف کریک ڈائون ،عوام کو پریشان کرنے والا گداگر گرفتار تفصیل کے مطابق گزشتہ روز پولیس تھانہ سٹی نے گداگروں کے خلاف کریک ڈائون کرتے ہوئے لاہورموڑ کے رہائشی شخص محمد مشتاق ولد پٹھانہ کو خانیوال شہر سے بھیگ مانگتے ہوئے گرفتار کرکے مقدمہ درج کرلیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ خانیوال (راشد ملک سے )مختلف روڈ حادثات سمیت گیسٹروکے مرض میں کئی افراد مبتلا ڈسٹرکٹ ہسپتال میں علاج جاری تفصیل کے مطا گزشتہ روز خانیوال سمیت گرد نواح میں رونماہونے والے روڈ حادثات میں اظہر حسین ،ناصر ولد منشاء ،اظہر حسین ولد منشاء سمیت کئی افراد روڈ حادثات میں زخمی ہوگئے جبکہ گیسٹرو کے مرض میں مبتلا حاجی حبیب اللہ ولد عطاء اللہ ،عالیہ سمیت دیگر بھی گیسٹرو کے مرض میں مبتلا ہوکر ہسپتال میں زیر علاج ہیں ۔ تمام متاثرہ افراد کو ڈسٹرکٹ ہسپتال میں ابتدائی طبی امداد دی جارہی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ خانیوال (راشد ملک سے )پالتو بیل کو وقت پر چارہ نہ ڈالنے پر بیل نے مالک کو ٹکر مار کر زخمی کردیا ، شدید زخمی حالت میں ڈسٹرکٹ ہسپتال منتقل تفصیل کے مطابق گزشتہ روز بستی امام بخش کا رہائشی وقاص ولد مختیار کام کے سلسلہ میں اپنے پالتو بیل کو چارہ ڈالنا بھول گیا کافی دیر گزر جانے کے باوجود جب وہ بیل کو چارہ ڈالنے گیا تو ناراض بیل وقاص کو ٹکر مار کر دی جس کے باعث وہ شدید زخمی ہوگیااور اسے شدید زخمی حالت میں ڈسٹرکٹ ہسپتال منتقل کردیا گیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ خانیوال (راشد ملک سے )نوید شہید کرکٹ کلب 168/10-Rخانیوال کا اجلاس منعقد ہوا جس کی صدارت شوکت علی نے کی ا جلاس میں سالانہ نئی باڈی کا انتخابات2017کیا نوید شہید کرکٹ کلب خانیوال کا اعلان کیا گیا جس میں سرپرست اعلیٰ چوہدری محمدسلیم، چیئرمین ڈاکٹر بلال احمد، صدر شوکت علی ،نائب صدر عامر رشید،جنرل سیکرٹری حافظ اسرار ،جوائنٹ سیکرٹری چوہدری شاہد ،فنانس سیکرٹری جواد انور، پریس سیکرٹری عمر سردار، ٹیم کپتان محمداعجازانور، نائب کپتان ذیشان افضل، ٹیم کوچ بہادر علی بٹ نیٹ کپتان راحدمنتخب ہوگئے ، سالانہ اجلاس میں ہذا کلب کی کاکرردگی 2016-17میں اچھی کارکردگی کا مظاہرہ کیا جس میں نوید شہید کرکٹ کلب خانیوال کے کھلاڑیوں میں ٹریک سوٹ اور کرکٹ سفید کٹ عہدیداران ،اور کھلاڑیوں کو اپنے دستے مبارک سے انعامات تقسیم کئے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ خانیوال (راشد ملک سے )تیسرا آل پنجاب کرائون گولڈ ٹرافی کرکٹ ٹورنامنٹ2017زیراہتمام کرائون کرکٹ کلب خانیوال سپورٹس اسٹیڈیم خانیوال جاری میچ میں ہراج کرکٹ کلب خانیوال کو سرائے سدھو کرکٹ کلب سرائے سدھو کے خلاف واک اوو ر مل گیا اور اس طرح ٹورنامنٹ کے سیمی فائنل کے لئے کوالیفائی کرلیا ٹورنامنٹ کے دوسرے میچ میں انجمن کرکٹ کلب خانیوال نے کنگ الفیصل کرکٹ کلب خانیوال کو78رنزسے ہراکر اپنے سیمی فائنل میچ میں کوالیفائی کرلیا ایمپائرنگ کے فرائض خیرمحمدقریشی ،ارشد ملتانی سے سرانجام دیئے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ خانیوال (راشد ملک سے ) ڈسٹرکٹ بار ایسوسی ایشن خانیوال کے نومنتخب صدر محمد عمر چیمہ اور نومنتخب جنرل سیکرٹری راجہ سہیل ظفر کو سابقہ کابینہ کے صدر سعید اختر چوہدری اور جنرل سیکرٹری چوہدری محمدشاہد اقبال نے چارج ہینڈ اوورکیا بارروم میں پروقار تقریب کا انعقاد وکلاء سمیت نومنتخب کابینہ اور سابقہ کابینہ کے عہدیداران کی شرکت تفصیلات کے مطابق بارروم خانیوال میں نومنتخب کابینہ کو سابقہ کابینہ نے باضابطہ طورپر چارج ہینڈ اور کردیا اس موقعہ پر صدر بار محمد عمر چیمہ اور جنرل سیکرٹری بارراجہ سہیل ظفر ایڈووکیٹ نے اپنے خیالات کااظہار کرتے ہوئے کہا کہ معزز ممبران بارنے جس اعتماد کااظہار کرتے ہوئے ہمیں بھاری اکثریت سے کامیاب کیا ہے ہم اس اعتماد کی قدر کریں گے اور کابینہ سال2017ء بار کی ترقی اور وکلاء کی فلاح وبہبود کیلئے اپنی تمام ترصلاحیتوں کو بروئے کا ر لائے گی اس موقعہ پر سابقہ کابینہ سال 2016ء کی کارکردگی کو بھی سراہا گیا تقریب میں جاویدہاشمی ایڈووکیٹ ممبرپنجاب بارکونسل، ممبرجوڈیشل کمیشن پاکستان کے علاوہ ملک غلام سرور اعوان، رانا جعفر علی خاں، مہر رفیق ملانہ، رانا عبدالمجید شاہین، رائو خالد محمود،چوہدری ساجد محمود چوہان، محمد رشید بوہڑ، ملک ممتاز حسین ، مہررائیس سیال، چوہدری حامد مسعود ، چوہدری کلیم ارشد کے علاوہ وکلاء کی کثیر تعداد موجود تھی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ خانیوال (راشد ملک سے )جرائم پیشہ عناصر کیخلاف گھیرا تنگ کیا جائے ‘مجرما ن اشتہاریوں کی گرفتاری کو یقینی بنائیں ‘منشیات فروشوں اور ناجائز اسلحہ میں ملوث مافیا کی سرکوبی کیلئے سخت سے سخت اقدامات کیے جائیں ‘زیر تفتیش مقدمات کو یکسو کرکے چالان بروقت مجازعدالتوں میں بھجوائیں ۔ان خیالات کا اظہار ڈسٹرکٹ پولیس آفیسر جہانزیب نذیر خان نے گذشتہ روز ضلع بھرکے پولیس افسران کو ہدایات جاری کرتے ہوئے کیا ۔انہوں نے کہاکہ فرنٹ ڈیسک پولیس ڈیپارٹمنٹ میں ایک سنگ میل کی حیثیت رکھتا ہے اس کی کامیابی کیلئے تمام پولیس افسران اپنا کردار ادا کریں تاکہ عوام صیح معنوں میں اس سے مستفید ہوسکے ۔انہوں نے کہاکہ جرائم کے خاتمہ کیلئے اپنے سابقہ تجربات کو بروئے کار لاتے ہوئے موثر حکمت عملی کو اپنائیں تاکہ عوام کے جان ومال کے تحفظ کو یقینی بنایا جاسکے ۔انہوں نے مزید کہاکہ تمام ایس ایچ اوز اپنے اپنے علاقوں سے منشیات فروشوں اور ناجائز اسلحہ میں ملوث مافیا کا خاتمہ یقینی بنائیں اور اگر کسی بھی علاقے سے منشیات فروشی کا معاملا میرے نوٹس میں آیا تو اس ایس ایچ او کیخلاف سخت محکمانہ کاروائی عمل میں لائی جائیگی ۔ڈی پی او نے کہاکہ مجرمان اشتہاریوں کیخلاف جاری مہم کو مزید موثر او رمربوط بنائیں اور سنگین مقدمات میں ملوث مجرمان اشتہاریوں کوزیادہ سے زیادہ گرفتار کریں ۔انہوں نے مزید کہاکہ زیر تفتیش مقدمات کو فوری یکسو کریں اور چالان بروقت مجازعدالتوں کو بھجوائیں ۔انہوں نے سرکل آفیسر ز کو ہدایت کی آپ کی ذمہ داری ہے کہ روزانہ کی بنیا دپر زیر تفتیش مقدمات کا جائزہ لیں اور تمام قانونی تقاضے پورے کرتے ہوئے مقدمات کے چالان مرتب کروا کر عدالتوں کو بھجوائیں ۔انہو ںنے کہاکہ اگر کوئی تفتیشی آفیسر مقدمات کی تفتیش کے دوران بددیانتی کا مرتکب گیا تو اس کی محکمہ میں کوئی جگہ نہیں ۔انہوں نے کہاکہ تمام پولیس آفیسرز اپنے فرائض منصبی کی ادائیگی خلوص نیت اور ایمانداری سے سرانجام دیں اور محکمہ کے وقار کو بلند کرنے میں اپنا اپنا کردار ادا کریں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ خانیوال (راشد ملک سے )موٹر سائیکل درخت سے ٹکرانے کے باعث 20 سالہ نوجوان موقع پر جاں بحق تفصیل کے مطابق بستی عزیز آباد کا رہائشی نوجوان علی حسن ولد اختر علی موٹر سائیکل نمبریKWL 808 پر سوار ہوکر 74 تھراجاں والا گائوں سے خانیوال کی جانب آرہاتھاکہ راستہ میں تیز رفتاری کے باعث موٹر سائیکل بے قابو ہوگیا اور درخت سے ٹکرا گیا جس کے باعث 20 سالہ نوجوان علی حسن موقع پر ہی دم توڑ گیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ خانیوال (راشد ملک سے ) ایک شخص کو آوارہ جبکہ ایک کو پالتو کتے نے کا ٹ کر زخمی کردیا دونوں کو ڈسٹرکٹ ہسپتال منتقل کردیا گیا تفصیل کے مطابق چک نمبر68 دس آر کے رہائشی سجاد ولد نعمت علی کو آوارہ کتے نے کاٹ کر زخمی کردیا ۔ جبکہ سول لائنز کا رہائشی محمد فہیم ولد فضل کتیا کے بچوں کو اٹھا کر لے جارہا تھا کہ اچانک ماں کی ممتا جاگ اٹھی اور اس نے محمد فہیم پر حملہ کردیا جس کے باعث وہ شدید زخمی ہوگیا ۔ دونوں زخمیوں کو ابتدائی طبی امداد کے بعد ڈسٹرکٹ ہسپتال منتقل کردیا گیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ خانیوال (راشد ملک سے ) موجودہ حکومت عوام کو بنیادی سہولتوں کی فراہمی پر اربوں روپے خرچ کررہی ہے ۔سی پیک کی تکمیل سے پاکستان ترقی یافتہ ممالک کی صف میں شامل ہو جائے گا اور عوام کی تقدیر بدل جائے کی ان خیالات کا اظہار ممبر قومی اسمبلی محمد خان ڈاہا نے وزیر اعلی پنجاب کی جانے سے دی جانے والی دس کروڑ(100ملین)کی خصوصی گرانٹ سے خانیوال شہر کے لیے تعمیر کی جانے والی (اربن سیوریج سکیم مسنگ ایریاز و اضافی آبادیا ں سٹی خانیوال ) کے سنگ بنیاد رکھنے کے موقع پر شرکاء سے خطاب کرتے ہوئے کیا ۔انہوں نے کہا کہ وہ عوام کی بلاامتیاز خدمت پر یقین رکھتے ہیں ۔وزیر اعلیٰ پنجاب نے ان کی درخواست پر عوام کی مشکلات کو مدنظر رکھتے ہوئے نئی اور پرانی آبادیوں کے لیے نئی سیوریج لائن کے لیے دس کروڑ کی گرانٹ جاری کی جس سے بارش اور اور سیوریج کا پانی شہر میں جمع نہیں ہوگا۔یہ سیوریج لائن نیو سبزی منڈی چوک ،بلاک نمبر9,سٹیڈیم روڈ سے ہوتی ہوئی فٹبال چوک اور گرلز کالج چوک ۔جبکہ آرسی چوک ،جہانیاں ریلوے پھاٹک،ہڈی گودام ،عظیم ٹاون تک بچھائی جائے گی جبکہ نیو سبزی منڈی تک 20ہزار فٹ لمبی سیوریج لائن سے گندا پانی نئے سیوریج پاونڈ میں ڈالا جائے گا شہریوں کا دیرینہ مطالبہ پورا ہو جائے گا ۔ انہوں نے مزید کہا کہ وہ شہریوں کے لیے وزیر اعظم پاکستان میاں محمد نواز شریف اور وزیر اعلی پنجاب میاں شہازشریف سے خصوصی گرانٹس کے حصول کے لیے ہر ممکن کوشیش کررہے ہیں ۔اس موقع پر خطاب کرتے ہوئے سابق صوبائی وزیر ٹرانسپورٹ حاجی عرفان خان ڈاہا نے کہا کہ سی پیک گیم چینچر ہے جس کی تکمیل سے نہ صرف پاکستانی عوام کی تقدیر بدل جائے گی بلکے پاکستان ترقی یافتہ ملکوں کی صف میں شامل ہو جائے گا۔ انہوں نے کہا کہ سی پیک کے باعث پوری دنیا کی نظریں پاکستان لگی ہوئی ہیں ۔اور وہ سی پیک میں شامل ہونے کے خواہش مند ہیں حاجی عرفان خان ڈاہا نے کہا کہ ملک دشمن عناصر کا پانامہ لیک اور دیگر ایشوز پر شور مچانے کا مقصد پاکستانی عوام کی ترقی کو روکنا ہے ۔وہ نہیں چاہتے کہ وزیر اعظم پاکستان میاں نواز شریف اور وزیر اعلیٰ پنجاب میان شہباز شریف کی قیادت میں ملک ترقی کی راہ پر گامزن رہے مگر عوام نے منفی پراپیگنڈا کرنے والوں کو مسترد کردیا ہے حاجی عرفان ڈاہا نے کہا کہ خانیوال شہرکی سیوریج کے لیے وزیر اعلیٰ خصوصی گرانٹ عوام کے لیے بڑا تحفہ ہے یہ خانیوال کی عوام پر احسان نہیں بلکہ خانیوال کے عوام نے جس طرح مسلم لیگ (ن) کو خانیوال سے بھاری مینڈیٹ دیا ہے یہ یہاں کے عوام کا حق ہے۔اس موقع پر ایکسین پبلک ہیلتھ مزمل بٹ ،ایس ڈی او مہر نذر،بائو محمد ارشد ٹی ایم اے ،کونسلرز راو امان اللہ خان ایڈووکیٹ،رائے اعظم، لیاقت رحمانی ،رانا شبیر احمدخان ، ملک یامین،اشرف گادھی،طارق پراچہ ،لیاقت، رحمانی،لیڈی کونسلرز،مسلم لیگی عہدیداران شیخ جابر احمد قریشی، اشتیاق احمد پراچہ،شیخ فتح علی ،فرخ خان ڈاہا ،رائو سرفراز احمد ،شاہد خان پٹھان، رانا محمد لیاقت ،رانا منصور ،ڈاکٹر اظہر جاوید ،رانا کاشف منظور ، رانا منظور احمد ،میڈم فائزہ ،،محمد عامر سعید،راوانعام اللہ خان ،پروفیسر شیخ محمد یوسف،شیخ محمد اقبال اور کارکنان کی بڑی تعد اد موجود تھی جنہوں نے اس منصوبہ کے لیے خصوصی گرانٹ دینے پر ایم این اے محمد خان ڈاہا ،حاجی عرفان خان ڈاہا وزیر اعلی پنجاب میاں شہابز شریف اور وزیر اعظم پاکستان میاں محمد نواز شریف کا شکریہ ادا کیا ۔بعدازاں انہوں نے تختی کی نقاب کشا ئی کی اورملک کی سلا متی کے لیے خصوصی دعا کی گئی۔قبل ازیں سابق صوبائی وزیر حاجی عرفان احمد خان ڈاہا اور ایم این اے محمد خان ڈاہا پنڈال میں پہنچے تو کارکنا ن اور اہل علاقہ نے ڈھول کی تھاپ رقص کرکے ان کا بھرپور استقبال کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ خانیوال (راشد ملک سے )بلاک نمبر10 سے تین ماہ کے دورا ن 8 موٹر سائیکل چور ی ، گزشتہ روز شہری 125 موٹرسائیکل سے محروم ،اہل علاقہ کا نوٹس لینے کا مطالبہ تفصیل کے مطابق خانیوال کے بلاک نمبر10 سے 8 موٹر سائیکل چوری ہو گئے ۔ گزشتہ 10 بلاک کے رہائشی اپنا موٹر سائیکل نمبریKWK 9400 ہنڈا 125 گھر کے باہر کھڑی کرکے اندر چلا گیا واپس آیا تو موٹر سائیکل غائب تھی ۔ اہل علاقہ کی بڑی تعداد نے ڈی پی او خانیوال سے نوٹس لینے کا مطالبہ کیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ خانیوال (راشد ملک سے )شبیر اسٹیڈیم کے عقب میں نجی کمپنی کے ملازمین نے خراب انرجی سیور جلا ڈالے ، علاقہ میں تعفن پھیل گیا ، شبیر اسٹیڈیم میں کھیلوں کی سرگرمیاں شدید متاثر ،ضلعی انتظامیہ سے نوٹس لینے کا مطالبہ تفصیل کے مطابق شبیر اسٹیڈیم سے ملحقہ رقبہ جہاں گندگی کے بڑے بڑے ڈھیر لگے ہوئے ہیں گزشتہ روز نجی کمپنی کے ملازمین نے ہزاروں کی تعداد میں خراب انرجی سیوروں کو وہاں آگ لگادی جس سے اٹھنے والے دھواں سے علاقہ میں تعفن پھیل گیا اور سانس لینا محال ہوگیا ۔ دوسری جانب شبیر اسٹیڈیم میں کھیلنے کیلئے آنے والے نوجوانوں کو بھی سانس لینے میں شدید دشواری کا سامنا تھا ۔ شہریوں اور عوامی سماجی حلقوں نے ضلعی انتظامیہ سے نوٹس لینے کا مطالبہ کیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ خانیوال (راشد ملک سے )حکومت کی جانب سے کھادوں کے ریٹ پر سبسڈی قائم رکھنا کسانوں سے دوستی کا منہ بولتا ثبوت ہے ، کیونکہ کاشتکاری ملک کی ریڑھ کی ہڈی ہے ، کھاد کے قیمتیں وصول کرنے والوں کے خلاف کاروائی عمل میں لانا ضلعی انتظامیہ کی ذمہ داری ہے تاکہ چھوٹے کسان بھائیوں کو حکومت کے مقررکردہ نرخوں پر کھاد کی فراہمی یقینی ہو سکے ۔ ان خیالات کا اظہار کونسلر رانا منصور نے گزشتہ روز ڈسٹرکٹ پریس کلب خانیوال میں صحافیوں کے ایک وفد سے ملاقات کے دوران کیا ۔ انہوں نے کہاکہ حکومت نے کسانوں کو کھاد کے ریٹ پر سبسڈی دیکر چھوٹے کسانوں کے دل جیت لئے ہیں ۔ حکومت کی جانب سے مقررہ کردہ نرخوں پر کھاد کی فراہمی اسی صورت ممکن ہے جب ناجائز منافع خوروں کے خلاف بھرپور کریک ڈائون کیا جائے ۔ انہوں نے وزیر اعظم پاکستان میاں محمد نواز شریف اور وزیر اعلیٰ میاں محمد شہباز شریف کی کسان دوست پالیسیوں پر انہیں خراج تحسین پیش کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ خانیوال (راشد ملک سے )صوبائی وزیر زراعت پنجاب محمد نعیم اختر بھا بھہ نے کہا ہے کہ وزیر اعلی پنجاب محمد شہباز شریف صوبہ بھر کے کسانوں کو خوشحال دیکھنا چاہتے ہیں جس کیلئے ان کی قیادت میں حکومت پنجاب بھرپور عملی اقدامات اٹھارہی ہے وزیر اعلی پنجاب نے اپنی قائدانہ صلاحیتوں سے نہ صرف پاکستان بلکہ پوری دنیا میں اپنا لوہا منوایا ہے جس کی وجہ سے دنیا کے اکثر ممالک نے ان کو ”مین آف دی ایکشن ” کا لقب دیا ہے پنجاب حکومت کسانوں کو خوشحال اور ترقی یافتہ بنانے کیلئے اپنے تمام تر وسائل بروئے کار لارہی ہے دوسو بارہ ارب روپے کا کسان پیکج وزیر اعلی پنجاب کی کسان دوستی کا منہ بولتا ثبوت ہے پنجاب سیڈ کارپوریشن 40سال سے ملک بھر کے کسانوں اور زمینداروں کو سستے داموں معیاری بیج فراہم کر رہی ہے یہ بات انہوں نے پنجاب سیڈ کارپوریشن پروسیسنگ پلانٹ پیرووال پر منعقدہ تقریب کے شرکہ سے خطاب کے دوران کیا اس موقع پر رکن قومی اسمبلی محمد خان ڈاہا،ڈائریکٹر پنجاب سیڈ کارپوریشن پروسیسنگ پلانٹ زاہد اسحاق ،ڈائریکٹر زراعت ملتان رانا احمد منیر ،ڈائریکٹر واٹر منیجمنٹ انجیئر محمد ظفر اللہ سندھو ،انجینئر پی ایس سی پلانٹ پیرووال انجینئر محمد حارث عبداللہ،اسسٹنٹ ڈائریکٹر زرعی اطلاعات ملتان نوید عصمت کاہلوں سمیت رانا افتخار احمد ،سجاد بورانہ،تاج محمد بورانہ اور دیگر کاشتکاروں و سی بی اے پی ایس سی عہدیداران صدر فیڈریشن رائو مشتاق احمد ،غلام مصطفےٰ،طارق عزیز،میڈیا نمائدگان اور پی ایس سی ورکروں کی کثیر تعدادنے شرکت کی صوبائی وزیر نے اس موقع پر خطاب کرتے ہوئے کہا کہ حکومت پنجاب نے کسانوںکو عام مارکیٹ میں سستے اور معیاری بیج فراہم کرنے اور کڑی نگرانی کیلئے ڈیلروں کی رجسٹریشن شروع کردی ہے تاکہ کاشتکاروں کو معیاری بیج کی فراہمی کو یقینی بنایا جاسکے انہوں نے کہا کہ پنجاب سیڈ کارپوریشن کومزید منافع بخش ادارہ بنایا جائے گا اس کے ورکر پنجاب سیڈ کارپوریشن کا قیمتی اثاثہ ہیں اور ان کے مسائل ترجیحی بنیادوں پر حل کیے جائیں گے میرے دروازے ان ورکروں کیلئے ہمہ وقت کھلے ہیں انہوں نے کہا کہ پنجاب سیڈ کارپوریشن کے موجودہ پروسیسنگ پلانٹ کو اپ گریڈ کرنے کی بجائے جدید پروسیسنگ پلانٹ لگایا جائے گا تاکہ معیاری بیج کی پیداوار میں اضافہ کیا جاسکے صوبائی وزیر نے کہا کہ معیاری اور اعلی کوالٹی کے بیج سے ہم اپنے مطلوبہ پیداواری اہداف حاصل کرستے ہیں ایم این اے محمد خان ڈاہا نے خطاب کرتے ہوئے کہا کہ پاکستان میں ٹیکسٹائل کی ایکسپورٹ بڑھانے میں پنجاب سیڈ کارپوریشن کا بہت اہم کردار ہے کیونکہ پی ایس سی کے فراہم کردہ معیاری بیج سے کپاس کی پیداوار بڑھانے میں بھرپور مدد ملی انہو ںنے مزید کہا کہ ایک دور تھا کہ پی ایس سی کا بیج خریدنے کیلئے سفارشیں کروانی پڑتی تھیں جوکہ اس کے معیار اور اعلی کوالٹی کی ضمانت تھی بیج کا وہ اعلی معیار اب دوبارہ لا کر مزید کپاس کی پیداوار میں بہتری لائی جائے گی ڈائریکٹر پروسیسنگ پلانٹ پیرووال زاہد اسحاق نے خطاب کرتے ہوئے کہا کہ پنجاب سیڈ کارپوریشن 40سال سے صوبہ بھر کے کسانوں اور کاشتکاروں کو معیاری اور سستا بیج فراہم کر رہا ہے رجسٹرڈ گروورز اور سیڈ کارپوریشن کے ملازمین کی انتھک محنت سے یہ سب کچھ ممکن ہوا اور پنجاب سیڈ کارپوریشن نے اپنا نام پیدا کیااس موقع پر پنجاب سیڈ کارپوریشن سی بی اے یونین عہدیداران رائو مشتاق احمد ،غلام مصطفےٰ اور طارق عزیز سمیت دیگر ورکروں نے اپنے مطالبات پیش کیے جس پر صوبائی وزیر نے ان کے مطالبات حل کرنے کی یقین دہانی کرائی بعد ازاں صوبائی وزیر نعیم اختر بھا بھہ نے پلانٹ ہذا پر کام کے دوران ایک آنکھ ضائع ہونے والے کارکن کو پنجاب سیڈ کارپوریشن کی طرف سے 1لاکھ 60ہزار روپے کا چیک دیا قبل ازیں صوبائی وزیر نے ایم این اے محمد خان ڈاہا کے ہمراہ پروسیسنگ پلانٹ پیرووال کا تفصیلی معائنہ بھی کیا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ خانیوال (راشد ملک سے ) ڈرائریکٹرزراعت ملتان ڈویژن کا غلہ منڈی کا دورا کھاد کی قیمتوں کی چیکنگ تفصیل کے مطابق دارئریکٹر زراعت ملتان ڈویژن رانا احمد منیر نے زراعت آفیسر خانیوال رانا مقصود کے ہمراہ ضلع بھر کے مختلف علاقوں کے ساتھ ساتھ غلہ منڈی میں کھاد ڈیلروں کی دکانوں پر چیکنگ کی ڈیلر حضرات کی کیش میمو چیک کرنے کے ساتھ ساتھ خریداری کے لیے آئے ہوئے کاشتکاروں سے بھی گفتگو کی انہوں نے کھاد کے کنٹرول ریٹ پر دستیابی پر اطمینان کا اظہار کیا اور کہا کہ کاشتکاروں کہ مفید ترمفاد کو مدنظر رکھتے ہوئے سبسڈی پر کھادوں کی فراہمی کو ہر حال میں یقینی بنائے گے جبکہ چیکنگ کے دوران یوریا کھاد کی قیمت 1300روپے سے 1400روپے کے درمیان فروخت ہوتی نظر آئی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ خانیوال (راشد ملک سے )یو بی ایل بنک مین برانچALPHA CATAGARY میں آنے پر کیک کاٹا گیا ریجنل منیجر نے دیگر سٹاف کے ہمراہ برانچ کا وزٹ کیا تفصیل کے مطابق گذشتہ روز یو بی ایل بنک کے ریجنل منیجر رمضان ڈسٹرکٹ منیجر بشارت علی صدیقی اور ریجنل آپریشنل ہیڈ رائو نسیم آفتاب نے بلاک نمبر 4میں واقع یو بی ایل کی مین برانچ کا وزٹ کیا اور اس برانچ کو بہتر کارکرد گی پر LPHACATAGARY A برانچ میں شامل ہونے پر سٹاف کو مبارکباد دی اس موقع پر یو بی ایل بنک کے منیجر رائو عظمت ریلیشن شپ منیجر یاسر مقبول ،محمد زبیر ،فرخ نعمان ودیگر سٹاف بھی موجود تھا جبکہ یو بی ایل کی سروسز کے حوالے سے بات کرتے ہوئے ریجنل منیجر رمضان نے کہا کہ یو بی ایل بنک پر لوگوں کا اعتماد ہی ہمارا اثاثہ ہے ہم لوگوں کو بہتر سروسز فراہم کرنے کی کوشش میں رہتے ہیں اور یو بی ایل بنک نے بہتر سروسز فراہم کر کے لوگوں کے دل جیت لیے ہیں آج اس برانچ کو ALPHA CATAGARY میں شامل ہونے پر تمام سٹاف کی محنت اور ٹیم ورک کا نتیجہ ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ خانیوال (راشد ملک سے ) خانیوال پبلک سکول کی کھٹارہ بسیں ، سینکڑوں طلباء اور طالبات کی زندگی دائو پر لگ گئی ،پرنسپل نے پرائیویٹ کھٹارہ بسیں کرایہ پر لے کر نوجوانو ں کے مستقبل کو دائو لگادیا ، گزشتہ روز سکول کی ایک بس حادثہ کا شکار بس میں سوار طلباء معجزانہ طور پر محفوظ تفصیل کے مطابق کے پی ایس خانیوال کی کھٹارہ بسوں کے باعث طلباء و طالبات کی زندگی دائو پر لگی ہوئی ہیں ۔گزشتہ روز کے پی ایس کی بس مخدوم پور سے طلباء کو لے کر خانیوال آرہی تھی کہ راستے میں اچان کھٹارہ بس کا ٹائی راڈ کھل گیا بس میں 72 کے قریب بچے سوار تھے جوکہ معجزانہ طور پر محفوظ رہے جبکہ بس ڈرائیو راعجاز زخمی ہوگیا ۔ خانیوال پبلک سکول کے پرنسپل کی نااہلی ہے کہ انہوں نے سکول کے بچوں کو پک اینڈ ڈراپ کرنے کیلئے کھٹارہ بسیں کرایہ پر لی ہوئی ان بسوں کے باعث روزانہ سینکڑوں طلباء کی زندگیاں دائو پر لگی ہوتی ہیں ۔ گزشتہ روز طلباء کی بس کو پیش آنے والا حادثہ بس کے کھٹارہ ہونے کا سبب تھا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ خانیوال (راشد ملک سے )میپکو سرکل خانیوال ہائیڈرو یونین نے میدا ن مارلیا ، ریفرنڈم میں زبردست کامیابی ،نتائج کا اعلان ہوتے ہی کارکنان کے ڈھول کی تھاپ پر بھنگڑے ، خانیوال سرکل میں ریفرنڈم کے حوالے سے تین جگہ پولنگ بوتھ قائم کئے گئے تھے جن میں خانیوال ، میانچنوں اور کبیروالا شامل تھے ۔تینوں پولنگ بوتھ پر ہائیڈرویونین نے 892 ووٹ حاصل جبکہ مدمقابل پیغام یونین نے تینوں بوتھ سے 321 ووٹ حاصل کئے اور اس طرح 571 ووٹوں کی اکثریت سے کامیابی حاصل کی ۔خانیوال سرکل نے میپکو ریفرنڈم میں سب سے زیادہ ووٹ ہائیڈرو یونین نے حاصل کئے ۔اس موقع پر حاجی ظفر اقبال ،چوہدری محمود امجد اور دیگر نے اظہار خیال کرتے ہوئے کہاکہ واپڈا مزدوروں نے ریفرنڈم میں ہائیڈرو یونین کے حق میں فیصلہ دے کر واپڈا کی نجکاری اور واپڈا مزدوروں کی طاقت کو تقسیم و کمزور کرنے والوں کی تمام سازشوں کو ناکام بنادیا ہے ۔انہوں نے کہاکہ واپڈا مزدوروں نے ہائیڈرو یونین کی قیادت پر جس اعتماد کا اظہار کیا ہے اسے مجروح نہیں ہونے دیں گے ۔ہائیڈرو قیادت واپڈا مزدوروں کے حقوق کی جدوجہد جاری رکھے گی۔
