خانیوال (راشد ملک سے) نوجوان نسل ون ویلنگ سے اجتناب کریں ،نوجوانوں کو چاہئے کہ ٹریفک قوانین کی پابندی کریں ، قوانین کی پاسداری کریں تاکہ حادثات کی شرح میں کمی کی جا سکے ، حادثات کی روک تھام اور ان میں کمی کیلئے نوجوان نسل میں آگاہی پیدا کرنا انتہائی ضروری ہے ،طلباء ٹریفک شعور آگاہی مہم کا اہم حصہ ہیں۔ان خیالات کا اظہار ڈسٹرکٹ پولیس آفیسر جہانزیب نذیر خان کے احکامات کی روشنی میں انچارچ ٹریفک پولیس انسپکٹر شیخ حفیظ الرحمن ، انچارج ٹریفک ایجوکیشن یونٹ رائو احسن رشید نے گورنمنٹ پبلک ہائی سکول خانیوال میں طلباء کو روڈ سیفٹی لیکچر اور قوانین بارے آگاہی دیتے ہوئے کیا ۔انہوں نے کہاکہ نوجوان نسل ون ویلنگ سے پرہیز کریں سکول کی چھٹی کے وقت احتیاط اور صبر کا مظاہرہ کریں دیر سے پہنچنا کبھی نہ پہنچنے سے بہتر ہے انہوں نے کہاکہ نوجوانوں نے آگے چل ملک کی باگ ڈور سنبھالنی ہے ۔جبکہ بہت سے نوجوان ہیلمٹ استعمال نہ کرنے اور ون ویلنگ اور دیگر قوانین کی خلاف ورزیوں کے باعث حادثہ کا شکار ہو کر لقمہ اجل بن جاتے ہیں اس لئے نوجوانوں کو چاہئے کہ وہ اپنی اور دوسروں کی زندگی کو محفوظ رکھنے کیلئے روڈ سینس ضرور استعمال کریں اور خود کے ساتھ ساتھ دوسرو ں کی زندگیوں کو بھی محفوظ بنائیں ۔اس موقع پر سکو ل ہذا کے اساتذہ شعیب ،منیر احمد ،شاہد ،اکرام ہراج اور ہیڈ ماسٹر چوہدری افضل گل نے شرکت کی اور ٹریفک قوانین پر عمل کرنے بارے طلباء کو تلقین کی ۔ انہوں نے کہاکہ ٹریفک پولیس ٹریفک مسائل حل کرنے کیلئے ہر ممکن کوشش کررہے ہیں ۔اس لئے طلباء کو بھی چاہئے کہ وہ ٹریفک پولیس کا ساتھ دیں اور کسی بھی قسم کی خلاف ورزی کرنے سے گریز کریں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ خانیوال (رپورٹ : راشد ملک سے ) سٹی پارک کے باہر سے نامعلوم چور شہری کی موٹر سائیکل لے اڑے تفصیل کے مطابق کالونی نمبر3 کارہائشی رانا رمضان اپنی موٹر سائیکل نمبری KWK 2319 پر سوار ہو کر سٹی میں سیر کرنے کی غرض سے آیا موٹر سائیکل باہر کھڑی کرکے وہ پارک کے اندر گیا واپس آیا تو موٹر سائیکل غائب تھی ۔ پولیس تھانہ کہنہ خانیوال موقع پر پہنچ گئی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ خانیوال (رپورٹ : راشد ملک سے ) مختلف روڈ حادثات میں زخمیوں کو ڈسٹرکٹ ہسپتال منتقل کردیا گیا تفصیل کے مطابق گزشتہ روز خانیوال میں مختلف روڈ حادثات میں زخمی ہونے والے مسزطالب ،نو شیر ،شاہد ،مزمل ،مصباح ،عمران ،جنید ،خان محمد اور محمد ندیم کو ریسکیو1122 نے ڈسٹرکٹ ہسپتال خانیوال منتقل جہاں ان کا علاج معالجہ جاری ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ خانیوال (رپورٹ : راشد ملک سے ) نواحی علاقہ کے رہائشی کو آوارہ کتے نے کاٹ لیا ، ڈسٹرکٹ ہسپتال منتقل تفصیل کے مطابق خانیوال کے نواحی علاقہ کے رہائشی حسنین حیدر ولد سجاد کو آوارہ کتے نے کا ٹ کر شدید زخمی کردیا ۔جسے تشویشناک حالت میں ڈسٹرکٹ ہسپتال منتقل کردیاگیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ خانیوال (رپورٹ : راشد ملک سے ) گیسٹرو کے مرض میں مبتلا افراد کا ڈسٹرکٹ ہسپتال میں علاج معالجہ جاری تفصیل مطابق خانیوال کے رہائشی خواتین اور مرد جن میں سمیع ،کرن ،نذہت بی بی ،ڈاکٹر طاہر ،زین ،یوسف ،بشیر احمد ،صلاح الدین ،طالب حسین ،الیاس ،عدنان ،محمد مشرف ،کاشف اور غلام سکینہ گیسٹرو کے مرض میں مبتلا ہو گئے ۔جن کا ڈسٹرکٹ ہسپتال خانیوال میں علاج معالجہ جاری ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ خانیوال (رپورٹ : راشد ملک سے ) قیام امن کیلئے حکومتی سطح پر اقدامات مثالی تھے ، ضلع خانیوال میں سکیورٹی انتظامات قابل تعریف تھے پولیس اور ضلعی انتظامیہ کو خراج تحسین پیش کرتے ہیں ، محرم الحرام میں علماء کرام کی زبان بندی جیسے اقدامات نہ کرکے احسن اقدام اٹھایا گیا ،اگر پورا سال مسلسل محنت کی جائے اور تمام مسالک و مذاہب کے درمیان رابطہ بحال رکھا جائے تو محرم الحرام میں اتنی زیادہ محنت کی ضرورت نہیں ۔ ان خیالات کا اظہار جمعیت علماء اسلام کے صوبائی جنرل سیکرٹری مفتی خالد محمود ازھر ، صدر پاکستان علماء کونسل ضلع خانیوال مفتی عمر ، طاہر عباس چوہدری ، تلمیر خان بلوچ و دیگر نے میں محرم الحرام کے حوالے سے ضلعی انتظامیہ اور ڈی پی او خانیوال کی جانب سے کئے جانے والے فول پروف سکیورٹی انتظامات پر میڈیا کے نمائندوں سے گفتگو کرتے ہوئے کیا ۔انہوں نے کہاکہ انہوں نے کہاکہ محرم الحرام حرمت اور عظمت والا مہینہ ہے جس طرح حرمت والے مہنیوں میں نیک اعمال کا اجر زیادہ ہو جاتا ہے اسی طرح گناہوں کا وبال بھی بڑھ جاتا ہے ۔ محرم الحرام میں نیک اعمال کی کثرت اور برے اعمال سے اجتناب بہت ضروری ہے ۔قتل وقتال صرف گناہ ہی نہیں بلکہ بڑے گناہ اور شدید فتنہ و فساد کا باعث ہیں محرم الحرام اور دیگر حرمت والے مہینوں میں قتل و قتال کا گناہ اور وبال بڑھ جاتا ہے فسادات کی روک تھام کیلئے کئے جانے والے جانے والے اقدامات کو سراہتے ہیں ۔ تاہم انتظامیہ کو پورا سال اس پر توجہ دینی چاہئے اور بھائی چارے کی فضا ء قائم رکھنے کیلئے پورا سال مسلسل محنت کرنی چاہئے ۔اس کے ساتھ ساتھ ان اسباب و عمل کا جائزہ لیتے رہتا چاہئے جو حالات کے بگاڑ کا باعث بنتے ہیں ۔محض محرم الحرام سے قبل رپورٹنگ اور مذہبی کارکنوں کی نئی لسٹوں کی تیاری اور بوگس رپورٹس پر لوگوں کے نام مختلف لسٹوں میں ڈالنے سے گریز کرنا چاہئے ۔ تعلیم کو عام اور مفت کرنا چاہئے بے روزگاری کا خاتمہ اور صبر و برداشت کی تلقین کے ساتھ تمام مسالک کے ساتھ برابری کا سلوک کیا جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ خانیوال (رپورٹ : راشد ملک سے )ڈی سی او زید بن مقصود نے کہا کہ محکمہ صحت میں کام چور ڈاکٹر زاور دیگر عملہ کے لیے کوئی جگہ نہیں ہے ضلع کے سرکاری ہسپتالوں میں عوام کے علاج معالجہ پر کوئی غفلت برتی گئی تو ذمہ دار کے خلاف سخت ایکشن لوں گا ۔انہوں نے یہ بات پنجاب ہیلتھ ریفارمز روڈ میپ پروگرام کے سلسلہ میں محکمہ صحت کی کارکردگی کا جائزہ لینے کے لیے منعقدہ اجلاس کی صدارت کرتے ہوئے کہی اجلاس میں ڈی او سی افتخار علی،ای ڈی او ہیلتھ ڈاکٹر فضل کریم ،ڈی ایچ او ڈاکٹر حافظ غلام مرتضی ،ڈپٹی ڈی ایچ او ،ڈسٹرکٹ و تحصیل ہیڈ کوارٹر ہسپتالوں کے ایم ایس اور محکمہ صحت کے دیگر افسران نے شرکت کی اجلاس میں ڈی سی او نے ہدایت کی کہ ضلع بھر کے سرکاری ہسپتالوں میں ڈاکٹروں کی غیر حاضری کسی صورت برداشت نہیں کی جائے گی انہوں نے کہا کہ ہسپتالوں میں عوام کو مفت ادویات کی فراہمی کے حوالے سے بھی کوئی شکایت نہیں ملنی چاہیے اجلاس میں بی ایچ یوزاور آرایچ سیزمیں ڈیلیوری کیسزکی تعداد کا بھی جائزہ لیا گیا ڈی سی او نے محکمہ صحت کے افسران کی کارکردگی رپورٹ مستقل بنیادوں پر بھجوانے کی ہدایت کی دریں اثناء ڈی سی او زید بن مقصود کی زیر صدارت ماہ ستمبر میں ہونے والی انسداد پولیو مہم کا جائزہ اجلاس بھی منعقد ہوا اجلاس میں اے ڈی سی فریحہ تحسین ،ڈی او سی افتخار علی ،ای ڈی او ہیلتھ ڈاکٹر فضل کریم ،ڈی ایچ او ڈاکٹر حافظ غلام مرتضی ،ای ڈی او زراعت رانا احمد منیر،ای ڈی او تعلیم اعزاز احمد جوئیہ ودیگر نے شرکت کی اجلاس میں انسداد پولیو مہم کا تفصیلی جائزہ لیا گیا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ خانیوال (رپورٹ : راشد ملک سے )میاں نواز شریف پالیسیوں کے مطابق اگر ملک اسی طرح تعمیر و ترقی کی شاہراہ پر گامزن رہاتو وہ دن دور نہیں جب یہ ترقی یافتہ ممالک کی صف میں کھڑا ہوگا۔ وزیر اعظم میاں نواز شریف کی قیادت میں مسلم لیگ (ن) کی حکومت نے ملک کی صنعت ،تجارت ،زراعت اور مالی ترقی کیلئے جو منصوبے مرتب کئے ہیںان پر تیزی سے عملدرآمد جاری ہے ۔ان خیالات کا اظہار معروف نوجوان قاندان چوہدری محمد ہارون ایڈووکیٹ مسلم لیگ (ن) لائرز ونگ ڈسٹر کٹ بار ایسوسی ایشن خانیوال نے میڈیا اور وکلاء سے گفتگو کرتے ہوئے کیا ۔اس موقع پر ان کے ہمراہ محسن عباس جوئیہ ،یزدان محبوب ترگڑ ،مدبر حسین بھٹی ،فخر حیات خان بلوچ ،شاہد اقبال چوہدری ،راد محمود چوہدری سمیت دیگر وکلاء بھی موجود تھے ۔ اگر چہ ملک دہشتگردی کے عذاب سے دوچار ہے ان حالات میں موجودہ حکومت اپنی قومی ذمہ داری پوری تندوہی سے عوامی مسائل کو حل کرنے کیلئے مصروف عمل ہے اور ملک کے زرمبادلہ ذخائر میں کمی کی بجائے روزبروز اضافہ ہورہا ہے ۔چوہدری محمد ہارون نے کہاکہ ملکی ترقی کا سفر تیزی سے منزل کی طرف جار ی ہے اور یہ بات قابل ذکر ہے کہ موجودہ حکومت دن رات جہاں لوڈ شیڈنگ کو ختم کرنے کیلئے مصروف عمل ہے وہیں پاک فوج دہشتگردوں کو جڑ سے اکھاڑ پھینکنے کیلئے پرعزم ہے۔
نواسہ رسول نے عظیم قربانی دے کر نہ صرف اسلام کو ہمیشہ کے لئے زندہ کر دیا بلکہ حق و باطل کا فرق بتا دیا۔ سید ریاض حسین
میڈیا کو سی پیک منصوبے پر جمی برف کو توڑنا ہو گا، سردار شوکت پوپلزئی
