کھاریاں (جی پی آئی) کرائے کا مکان خالی کرانے کی رنجش پر کرایہ دار نے مالک مکان کے گھریلو سامان کو آگ لگا کر خاکستر کر دیا تھانہ گلیانہ نے مالک مکان سید عنایت شاہ ساکن بیگہ کی درخواست پر ملزم قیصر محمود ساکن سہنہ کے خلاف زیر دفعہ 436ت پ مقدمہ نمبر 318درج کر کے تفتیش شروع کر دی ہے ۔ملزم تاحال فرار ہے۔ ۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔ کھاریاں (جی پی آئی)نائب صدر شعبہ خواتین پی ٹی آئی صوبہ پنجاب تاشفین صفدر چوہدری مرالہ اور راہنما پی ٹی آئی چوہدری شاہد محمود نے کہا ہے کہ قوم نے گذشتہ روز لاکھوں کی تعداد میں اسلام آباد جلسہ میں شرکت کرکے یہ ثابت کردیا ہے کہ وہ عمران خان کو اپنا حقیقی لیڈر تسلیم کرچکے ہیں ۔یہ جلسہ حکمرانوں پر کھلا اظہار عدم اعتماد بھی ہے انہوں نے کہا کہ ہم خصوصی طور پر حلقہ NA107کے عوام کے بے حد مشکور ہیں جنہوں نے ہماری کال پر ہزاروں کی تعداد میں جلسہ میںشرکت کر کے ہمار ا مان بڑھایا۔ ۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔ کھاریاں (جی پی آئی)”اندھیر نگری چوپٹ راج”کھاریاں سے سرائے عالمگیر اور آزادی چوک گلیانہ روڈ سے ایم پی چیک پوسٹ تک چلنے والے فوڈ ویگنوں اور رکشہ مالکان نے تاحال کرائے کم نہیں کیے عوامی حلقوں نے سیکرٹری آر ٹی اے اور اے سی کھاریا ںسے فوری ایکشن لینے کا مطالبہ کیا ہے تفصیل کے مطابق کھاریاں سے سرائے عالمگیر جانے والی فوڈ ویگنوں کے مالکان تاحال کرایہ فی سواری 30روپے اورآزادی چوک سے ایم پی چیک پوسٹ گلیانہ روڈ پر جس کا فاصلہ صرف آدھا کلو میٹر بنتا ہے رکشہ والے فی سواری 15روپے وصول کررہے ہیں جو کہ ظلم ہے عوامی حلقوں نے فوری اصلاح احوال کا مطالبہ کیا ہے۔ ۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔ کھاریاں (جی پی آئی)سماجی شخصیت چوہدری زاہد وڑائچ کے والد چوہدری محمد آزاد جو کہ گذشتہ روز رضائے الٰہی سے وفات پاگئے تھے ان کا ختم قل کل بروزمنگل موضع چوہدو میں ادا کیا جائے گا ۔ختم قل صبح 10بجے شروع ہو گا اور 11بجے اختتامی دعا ہو گی۔
