کھاریاں (جی پی آئی) مسلم لیگ ن کے ایم این اے حلقہNA-107 چوہدری عابدرضا کوٹلہ نے کہا ہے کہ وزیراعظم محمد نوازشریف کی سیاسی بصیرت’ تدبر’ دلیرانہ قیادت اور قومی قیادت کے جراتمندانہ فیصلوں سے ملک سے دہشتگردی کا قلع قمع کرنے میں ضرور کامیاب ہونگے۔ پنجاب حکومت صوبے بھر میں انفراسٹرکچر کی بہتری کے منصوبوں پر اربوں روپے خرچ کررہی ہے ۔ ترقیاتی منصوبوں کی شفاف ،معیاری اورتیزرفتاری سے تکمیل پنجاب حکومت کی پالیسی ہے۔انہوں نے کہا کہعوام کی دعاسے میاں نواز شریف ملک کو درپیش بحرانوں پر قابو پانے میں کامیاب ہو جائیںگے۔ دہشت گردی اور توانائی جیسے سنگین بحران سابق حکومتوں کے پیدا کردہ ہیں جن سے نمٹنے کے لئے میاں نواز شریف نے غیر روایتی اور جرات مندانہ فیصلے کئے ہیں،پاکستان کو دہشت گردی کے عذاب سے نجات دلانے کے لئے قومی ایکشن پلان پر عملدرآمد شروع کر دیا گیا ہے جس کے ملک و قوم کے حق میں بہت جلد مثبت نتائج برآمد ہونگے۔ انہوں نے کہا کہ عوام ہی مسلم لیگ ن کی اصل قوت ہیںجن کی دعائیں ضرور رنگ لائیں گی اور پاکستان عنقریب امن وخوشحالی کا گہوارہ بنے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی)کھاریاں جی ٹی روڈ پرفوری طور اوور ہیڈبرج یا انڈر پاس تعمیر کیا جائے۔اہلیان کھاریاں شہرکا اعلیٰ احکام سے مطالبہ۔مین جی ٹی روڈکھاریاں شہر جہاں دونوں اطراف میں آبادی ہے اور مین مارکٹیں ہیں جہاں تحصیل بھرکے لوگ خریداری کرنے کیلئے تقربیا ہر روزآتے ہیں اور شہر میں رہنے والوں کی اکثریت بھی دن میں کئی بار سڑک کراس کرتے ہیں اور ہر روز کوئی نہ کوئی حادثہ ضرور ہوتا ہے جس سے اب تک کئی افراد اپنی جان سے ہاتھ دھو بیٹھے ہیں اور کئی افراد معزور ہو چکے ہیں اہلیان تحصیل کھاریاں نے کئی باراعلیٰ احکام کی توجہ اس جانب کرائی مگر نہ تو کسی سرکاری آفسیر اور نہ ہی کسی MAN.یاMPAنے اس طرف توجہ دی اہلیان کھاریاںنے اعلیٰ احکام سے مطالبہ کیا ہے کہ جی ٹی روڈ پرفوری طور اوور ہیڈبرج یا انڈر پاس تعمیر کیا جائے تاکہ قیمتی جانیں بچ سکیں اور کئی گھرانوں میں عورتیں بیوہ، بچے یتیم اور ماں باپ اپنی اولادوں سے دور نہ ہو سکیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی)گلیانہ روڈ کھاریاں پر تعمیر ہونے والا کلاک ٹاور کا کام ٹھپ ،ٹریفک کا گزرنا محال ہوگیا تفصیلات کے مطابق اسسٹنٹ کمشنر کھاریاں ڈاکٹر افشاں رباب کی قیادت میں گلیانہ روڈ آزادی چوک پر نیا تعمیر ہونے والا کلاک ٹاورکا کام نا معلوم وجوہات کی بناء پررک گیا جبکہ سامان سٹرک کنارے پڑا ہے دوسری جانب مقامی ریسٹورنٹ نے ناجائزسٹرک کنارے سامان رکھا ہوا ہے جس سے گزرنے والی ٹریفک کا گزرنے محال ہوگیا عوامی حلقوں نےDCOگجرات سمیت اعلیٰ حکام بالا سے نوٹس لینے کا مطالبہ کیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی)کھاریاں تا بدرمرجان روڈ انتہائی خستہ حالی کی شکار روڈ پر جگہ جگہ گڑھے ٹریفک کی روانی میں شدید خلل ٹرانسپورٹروں کی قیمتی گاڑیاں تباہ ہونے لگیں جبکہ مسافروں کو بھی دوران سفر شدید پریشانی کا سامناجبکہ سفر منٹوں کی بجائے گھنٹوں میں طے ہونے لگا تفصیلات کے مطابق محکمہ شاہرات کی مبینہ غفلت کے باعث کھاریاں شہرکا منہ ماتھا کہلانے والی بدرمرجان روڈ شدید خستہ حالی کی شکار چند کلومیٹر سٹرک شدید ٹوٹ پھوٹ کی شکار ہو کر بڑے بڑے گڑھوں میں تبدیل ہو گئی ہے سٹرک پر پبلک ٹرانسپورٹ میں سفر کرنے والے عام مسافروں سمیت مریضوں کو لے جانے والی ایمبولینسوں میں مریضوں کو دھکے کھانے پڑتے ہیں جبکہ ٹرانسپورٹروں کی قیمتی گاڑیوں کو بھی سڑک پر بنے گڑھوں کے باعث شدید نقصان سے دور چار ہونا پڑ رہا ہے کھاریاں سے بدرمرجان چند کلومیٹر کی سڑک اس قدر خستہ حال ہو چکی ہے کہ گاڑی میں بیٹھنے والے افراد کو جمپ لگنے کے باعث پیٹ میں درد ہو جاتا ہے اور بعض اوقات سر بھی چکرا کر رہ جاتا ہے عوامی اور شہری حلقوں نے منتخب اسمبلی ممبران روڈ تعمیر کروانے کا مطالبہ کیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی)کارکن بلدیاتی الیکشن کی تیاری شروع کردیں کیونکہ آنے والا دور صرف اور صرفPTIکا ہی ہے حلقہ بندیاں چاہیے جو بھی ہوں جیسی بھی ہوں عوامPTIکے امیدواروں کو کامیاب بنائیں گے حلقہPP115 میں چوہدری ناصر احمد چھپر کی قیادت میں امیدوار کھڑے کریں گے ان خیالات کا اظہار امیدوار چیئرمین یوسی باہروال چوہدری محمدنواز چیچی بیگہ نے کیا انہوں نے کہا کہ الیکشن کمیشن نے نومبر2015میں پنجاب میں بلدیاتی الیکشن کا اعلان کیا تھا اب حکمران اس پر بھی عمل کریں اب انہیں راہ فرار اختیار نہیں کرنے دی جائے گی بلدیاتی الیکشن میں انشاء اللہ عوام عمران خان کے ویژن کو قبول کرتے ہوئےPTIکے امیدواروں کو ہی کامیاب بنائیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی)کھاریاں پریس کلب اور یونین آف جرنلسٹس تحصیل کھاریاں کی ڈنگہ کے سینئرصحافی میاں ایوب خاور سیفی کی اچانک وفات پر لواحقین سے تعزیت ،مشترکہ بیان میں مرحوم کی مغفرت درجات کی سربلندی اور پسماندگان کیلئے صبر جمیل کی دعا بھی کی گئی اور کہا گیا کہ مرحوم کی صحافتی خدمات کو ہمیشہ یادرکھا جائیگا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی)منیجر ہاشم ویلفیئرہسپتال(رجسٹرڈ)پنڈی ہاشم ملک خضر حیات اعوان فیملی کے ہمراہ عمرہ کی سعادت حاصل کرنے کے بعد گذشتہ روز واپس پہنچ گئے ان کی رہائشگا ہ پر مبارکباددینے والوں کا تانتا بندھا ہوا ہے عمرہ کی سعادت حاصل کرنے پر سینئرصحافی سیدتنویرنقوی جنرل سیکرٹریKPC،سینئرصحافی ڈاکٹر ذکاء اللہ صدیق،سینئرصحافی عزیز الرحمن مجاہد،صحافی مبشر قیوم ملکہ،صحافی ایم عمر،صحافی ملک عمر فاروق،سرپرست اعلیٰ ہاشم ویلفیئر حاجی ملک محمدنواز،صدر ہاشم ویلفیئر ایسوسی ایشن ڈاکٹرادریس اعوان(انگلینڈ)،فنانس سیکرٹری ملک عامر نواز کے علاوہ ہاشم ہسپتال پنڈی ہاشم کے جملہ سٹاف نے مبارکباد پیش کی ہے۔
