خضدار (جیوڈیسک) خضدار میں نامعلوم افراد نے راکٹ حملے کر کے سات نیٹو کنٹینرز تباہ کر دیئے تاہم کوئی جانی نقصان نہیں ہوا۔
لیویز کے مطابق خضدار کے علاقے سوراب میں ایک مقامی ہوٹل پر کھڑے نیٹو کے سات کنٹینرز پر نامعلوم سمت سے راکٹ فائر کئے گئے جس سے کنٹینرز میں آگ بھڑک اٹھی، پانچ کنٹینرز مکمل طور تباہ ہو گئے جبکہ دو کو جزوی نقصان پہنچا۔
ذرائع کے مطابق کنٹینرز کراچی سے کوئٹہ جا رہے تھے۔حملے کے بعد نامعلوم افراد نے فائرنگ بھی کی جس سے علاقے میں خوف وہراس پھیل گیا۔ واقعے میں کوئی جانی نقصان نہیں ہوا، سیکورٹی فورسز نے علاقے کو گھیرے میں لے کر واقعے کی تحقیقات شروع کر دی ہیں۔
کراچی : ایس پی شاہ محمد کے قتل میں ملوث ٹارگٹ کلر گرفتار
کراچی : لیاری میں ایم این اے شاہ جہاں بلوچ کے گھر پر رینجرز کا چھاپہ
