خیبر ایجنسی (جیوڈیسک) وادی تیراہ میں پاک فضائیہ کے جیٹ طیاروں کی بمباری سے 25 دہشت گرد ہلاک جب کہ شدت پسندوں کے 9 ٹھکانے تباہ ہو گئے۔
پاک فوج کے شعبہ تعلقات عامہ آئی ایس پی آر کی جانب سے جاری بیان میں کہا گیا ہے کہ پاک فضائیہ کے جیٹ طیاروں نے علی الصبح خیبر ایجنسی میں پاک افغان سرحد کے قریب وادی تیراہ میں شدت پسندوں کے خفیہ ٹھکانوں پر بمباری کی جس کے نتیجے میں شدت پسندوں کے 9 ٹھکانے تباہ اور 25 دہشت گرد ہلاک ہو گئے، بمباری کے نتیجے میں شدت پسندوں کا اسلحہ و بارود بھی تباہ ہوا۔
دوسری جانب ذرائع کا کہنا ہے کہ وادی تیراہ میں فضائی آپریشن کراچی ایئرپورٹ پر حملے اور حالیہ چند روز میں ہونے والی تخریب کاری کی کارروائیوں میں ملوث دہشت گردوں کی موجودگی کی مصدقہ اطلاعات پر کیا گیا۔
کراچی میں دہشتگردوں نے اے ایس ایف کے کیمپ پر حملہ کر دیا
کراچی ایئر پورٹ پر دہشتگردوں کا ایک بار پھر حملہ، اے ایس ایف کا منہ توڑ جواب
