ملتان (جیوڈیسک) ملتان میں ڈیر اڈہ چوک کے قریب خانہ بدوشوں کی جھونپڑیوں میں آگ لگنے سے 50 سے زائد جھونپڑیاں جل گئیں۔ ریسکیو ذرائع کے مطابق ڈیرہ اڈا چوک کے قریب خانہ بدوشوں کی جھونپڑیاں قائم تھیں۔
جن میں رات گئے اچانک آگ بھڑک اٹھی۔ آگ نے دیکھتے ہی دیکھتے 50 سے زائد جھونپڑیوں کو لپیٹ میں لے لیا۔ ریسکیو کی 8 گاڑیوں نے بمشکل آگ پر قابو پایا۔ واقعے میں کوئی جانی نقصان نہیں ہوا۔ ریسکیو ذرائع کے مطابق آگ لگنے کی وجہ معلوم نہیں ہوسکی ہے۔
