کوہاٹ(جیوڈیسک)کوہاٹ کے سرحدی علاقے سے برآمد ہونے والے 5بم ناکارہ بنا دیئے گئے۔ گزشتہ روز پولیس اور شدت پسندوں میں جھڑپ میں 2پولیس اہلکارجاں بحق اور 6شدت پسند ہلاک ہوگئے۔
تحصیل بانڈہ داود شاہ کے سرحدی علاقے باربرا میں شدت پسندوں اور پولیس میں جھڑپ کے بعد سرچ آپریشن کے دوران برآمد ہونے والے5 بموں کو دھماکے کر کے ناکارہ بنا دیا گیاہے۔
ڈی پی او کرک عتیق اللہ وزیر کے مطابق گزشتہ روز باربرا میں شدت پسندوں کے خلاف کامیاب آپریشن کے بعد علاقے میں سرچ آپریشن کے دوران50 کلو گرام وزنی 5 بم ملے تھے۔
باربرا میں پولیس اور شدت پسندوں میں فائرنگ کے تبادلے میں اے ایس آئی سمیت 2 پولیس اہلکار جاں بحق اور 6شدت پسند ہلاک ہوئے تھے ،، جبکہ 2شدت پسندوں کو گرفتار کرلیاگیا تھا۔
نادرا ای ووٹنگ کیلیے تیار ،7 ملکوں نے اجازت دیدی
اسلام آباد : 320 نایاب کچھوے اسمگل کرنے کی کوشش ناکام
