کراچی : ایگزیکٹیو انجینئر / فوکل پرسن کورنگی زون طارق مغل کی زیر صدارت الیکشن سینٹر کے اطراف صفائی ستھرائی اور دیگر بلدیاتی انتظامات کا جائزہ لینے کے سلسلے میں اجلا س منعقد ہوا اجلاس میں اجلاس میں واٹر اینڈ سیوریج کے افسران ،ٹریفک پولیس کے افسران ،KESC کے افسران اورکورنگی زون کے محکمہ جاتی افسران نے شرکت کی۔
ایگزیکٹیو انجینئر / فوکل پرسن کورنگی زون طارق مغل نے کورنگی زون میں الیکشن کے سلسلے میں تمام محکموں کے ا فسران و ملازمین کی چھٹیاں منسوخ کرتے ہوئے ہدایت جاری کی کہ کہ کورنگی زون میں 11 مئی کو ہونے والے انتخابات کے سلسلے میں صفائی ستھرائی اور دیگر بلدیاتی انتظامات کو بھر پور انداز میں سر انجام دیئے جائیں۔
پولنگ سینٹر کے اطراف صفائی ستھرائی ، چونے کا چھڑکائو، جراثیم کش ادویات کا اسپرے، روشنی کے انتظامات اور سڑکوں کی تعمیر ومر مت کے خصوصی انتظامات کئے جائیں اور تما م مین ہولز پر ڈھکن لگائے جائے اور پولنگ اسٹیشن پر ٹوائلٹ اور پینے کے پانی کے انتظامات کو بھی یقینی بنایا جائے۔
کراچی : فائرنگ سے نیوی اہلکار سمیت 4 جاں بحق
