کوٹلہ ارب علی خاں (چوہدری فیصل گجر+مہر جلال شائق) کوٹلہ سبزی منڈی کے الیکشن ، متفقہ طور پر چوہدری محمد اقصد گوٹریالہ صدر، سائیں شہباز احمد جنرل سیکرٹری اور سید تخمیر حسین شاہ ڈوئیاں کو نائب صدر چن لیا گیا ، باقی عہدوں کا اعلان اجلاس کے بعد کیا جائے گا ۔ معززین کی سبزی منڈی جا کر منتخب عہدیداروں کو مبارکباد تفصیلات کے مطابق گذشتہ روز سبزی منڈیکوٹلہ میں آڑھتیوں اور کمیشن ایجنٹوں کا اجلاس منعقد ہوا جس میں تمام آڑھتیوں نے متفقہ طور پر سال 2016-17 کے لئے چوہدری محمد اقصد گوٹریالہ کو صدر ، سائیں شہباز احمد کوٹلہ کو جنرل سیکرٹری اور سید تخمیر حسین شاہ ڈوئیاں کو بطور نائب صدر چن لیا اور دیگر عہدوں کے لئے صدر اور جنرل سیکرٹری باضاطہ اجلاس میں اعلان کریں گے اس موقع پر چوہدری ذوالفقار سلطانیہ سبزی اینڈ فروٹ کمیشن کوٹلہ ، چوہدری مدثر آڑھتی سبزی منڈی کوٹلہ ، چوہدری زاہد افضال بابا فرید سبزی منڈی اینڈ فروٹ کمیشن کوٹلہ ، چوہدری طارق محمود آڑھتی سبزی منڈی کوٹلہ ، سائیں گل اینڈ کو اعظم عظیم اینڈ شہباز سبزی منڈی کوٹلہ ، تنویر بٹ پاکستان سبزی اینڈ فروٹ منڈی کمیشن ایجنٹ کوٹلہ ،چوہدری مظہر عرف بابو اللہ ہو سبزی اینڈ فروٹ کمیشن ایجنٹ کوٹلہ ، سید ضمیر حسین شاہ بسم اللہ سبزی اینڈ فروٹ کمیشن ایجنٹ کوٹلہ ، چوہدری سفیان احمد سفیان سبزی اینڈ فروٹ کمیشن کوٹلہ و دیگر نے نو منتخب عہدیداران کومبارکباد پیش کی اور کہا کہ نو منتخب عہدیداران اور سبزی منڈی اور آڑھتیوں کے مسائل کے لئے اپنی تمام تر صلاحیتیں بروئے کار لائیں گے اور درپیش مسائل کوحل کروائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کوٹلہ ارب علی خاں(چوہدری فیصل گجر+مہر جلال شائق)ہونہار طالب علم راجہ فرحت ندیم کا ایم پی اے چوہدری شبیر احمد سے معصوم سوال ، سیمینار کے دوران دی ایجوکیٹر الکرم کیمپس کے طالبعلم راجہ فرحت ندیم نے کھڑے ہو کر ایم پی اے چوہدری شبیر احمدکوٹلہ سے بھری محفل میںسوال کر دیا کہ کوٹلہ میں پارک کب بن رہی ہے جس کے جواب میں ایم پی اے چوہدری شبیرا حمد کو اسٹیج پر آکر وضاحت کرنا پڑی کہ ہم نے کھاریاں اور دیگر دیہات میں فیملی پارک کی تعمیر شروع کروا رکھی ہے عنقریب کوٹلہ ارب علی خان میں بھی پارک کا آعاز کر دیا جائے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کوٹلہ ارب علی خاں(زاہد اقبال زیدی+مہر جلال شائق)چوہدری فیصل گجر، ڈاکٹر ملک بشیر احمد ، ملک محمود سمرالہ ، اے ای او اسمار کا دیوار مہربانی کا دورہ ، اس موقع پر ان کے ساتھ چوہدری شفقات عدالت ، چوہدری فیصل رشید اور شہروز طارق بھی موجود تھے ۔ دیوار مہربانی بنانا چوہدری شفقات عدالت کا ایک مثبت قدم ہے ، معاشرے میں اچھی روایات قائم کرنے کیلئے کمیونٹی کے سرکردہ افراد کو سامنے آنا ہوگا ، تمام افراد سے اپیل ہے کہ اپنے ضرورت سے زائد کپڑے یہاں آکر لٹکا دیا کریں ، تاکہ ضرورت مند افراد اتار لیں ۔ ہر اچھے کام میں مشکلات ضرورت آتی ہیں لیکن آہستہ آہستہ لوگوں کو شعور آہی جائے گا ۔ تمام لوگوں کی آراء ہمارے لئے مقدس ہے ۔ اصل مقصد غریب لوگوں کی فلاح و بہبود ہے خواہ وہ کسی بھی طریقے سے ہو۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کوٹلہ ارب علی خاں(چوہدری فیصل گجر+مہر جلال شائق)انوار مدینہ ویلفیئر سوسائٹی کا دیوار مہربانی کیلئے کپڑوں کا تحفہ ، صوفی شوکت علی قادری کوٹلہ کی عوام کیلئے ہمیشہ سے انتہائی درد دل رکھنے والے انسان ہیں ۔ ہر سال کوٹلہ کیلئے رمضان پیکیج ، جہیز پیکیج کے علاوہ ایک ایمبولینس کا تحفہ بھی بھیجا ہے ، سوسائٹی کے انچارج کوٹلہ چوہدری فیصل رشید ہمہ وقت فلاح و بہبود کے منصوبوں میں پیش پیش ہوتے ہیں ۔ انوار مدینہ ویلفیئر سوسائٹی (رجسٹرڈ) کا صدر دفتر لاہور میں واقع ہے ، جہاں سوسائٹی کے زیر انتظام ایک مدرسہ اور نعت کونسل قائم ہے ، تمام ارکان عشق رسول سے لبریز ہیں اور حضورۖ کی امت کی فلاح و بہبود اور عشق نبی ۖ کی تڑپ کیلئے مختلف علاقوں میں خدمات سرانجام دے رہے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کوٹلہ ارب علی خاں(چوہدری فیصل گجر+مہر جلال شائق) چیئرمین یونین کونسل کوٹلہ ارب علی خاں چوہدری تنویراحمد حلقہ میں تعمیراتی کاموں کی مانیٹرنگ کے حوالے سے ان ایکشن ، حلقہ میں جاری تعمیراتی کاموں میں ناقص میٹریل استعمال کرنے پر ٹھیکیدار راجہ سجاد حسین باہڑہ ،سجاد ڈار کوٹلہ کی زبردست سرزنش کی اورکام بند کروا دیا ، انہوں نے کہا کہ کسی بھی ٹھیکیدار کے خلاف ناقص میٹریل کی شکایت براہ راست مجھ سے کریں میں کرپٹ ٹھیکیداروں کے کام بند کروں گا اور ان کے بل بھی روک دوں گا ۔ انہوں نے مزید کہا کہ ہماری ٹیم میں کوئی بھی بددیانت اور کام چور ٹھیکیدار نہیں رہ سکتا ، ہم نے اپنے حلقہ میں شفاف اور پائیدار کام کروانے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کوٹلہ ارب علی خاں(چوہدری فیصل گجر+مہر جلال شائق)گورنمنٹ بوائز ہائیر سیکنڈری سکول کوٹلہ کی چار دیواری کو گرائے ہوئے دو ماہ گزر گئے مگر مذکورہ ٹھیکیدار چار دیواری گرا کر غائب ہو گیا ایک ہزار کے قریب طلباء کی زندگیاں خطرہ میں ہیں ، ڈی سی او گجرات ، ڈی پی او گجرات مقامی عوامی نمائندے تحریری درخواستوں کے باوجود خاموش تماشائی نوٹس کون لے گا ، تفصیلات کے مطابق گورنمنٹ بوائز ہائر سیکنڈری سکول کوٹلہ کی چار دیواری کے لئے ایم این اے چوہدری عابد رضا کوٹلہ نے 34 لاکھ روپے کی کثیر رقم سے سکول کی چار دیواری کے لئے فنڈز جاری کئے اور مقامی ٹھیکیدار کو سکول کی چار دیواری جلد مکمل کرنے کا حکم دیا ، جبکہ سکول انتظامیہ ٹھیکیدار کو تحریری درخواست بھی دیکہ پہلے ایک سائڈ کی دیوار گرا کر تعمیر کر لو بعد ازاں باقی گرا کر تعمیر کر لینا ، مگر ٹھیکیدار نے چاروں اطراف کی دیواریں ایک ہی دفعہ گرا دیں اور سکول کو لاوارث اور بے یارو مدد گار چھوڑ دیا جبکہ مذکورہ سکول کی بلڈنگ مقامی آبادی سے دور ویرانے میں موجود ہونے کی وجہ سے پہلے ہی سکیورٹی رسک بنا ہوا ہے ۔ گذشتہ روز سکول کے وفد نے ڈیرہ چوہدری عبدالمالک پر ایم پی اے چوہدری شبیر احمد سے ملاقات کی اور سکول کی چار دیواری کو جلد مکمل کروانے کیلئے ٹھیکیدار کو پابند کرنے کے مطالبہ کیا جس پر چوہدری شبیرا حمد نے یقین دہانی کروائی مگر اس کے باوجود دو ماہ گزرنے کے باوجود بھی مذکورہ ٹھیکیدار ٹس سے مس نہیں ہوا ۔ سکول انتظامیہ اس سلسلہ میں ڈی سی او گجرات ، ڈی پی او گجرات کو تحریری درخواست بھی دی ہے مگر ضلعی انتظامیہ نے بھی اس طرف کوئی وجہ نہیں دی ، عوامی و سماجی حلقوں نے ایم این اے چوہدری عابد رضا ، ایم پی اے چوہدری شبیراحمد ، چیئرمین چوہدری تنویراحمد سے مطالبہ کیا ہے کہ مذکورہ ٹھیکیدار کو سکول کی چار دیواری جلد تعمیر کرنے کا پابند بنائیں تاکہ معصوم طالبعلم توجہ سے تعلیم حاصل کر سکیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کوٹلہ ارب علی خاں(چوہدری فیصل گجر+مہر جلال شائق) آزاد کشمیر سے بجر اور کرش لے کر آنے والے ہیوی ڈمپر زیر تعمیر کارپٹ روڈ کو تباہ کرنے لگے ۔ چوکی انچارج آچھ گوچھ مبشر احمد نے مٹھی گرم کرنے والوں اور نہ کرنے والوں کے لئے الگ الگ قانون بنا دیا ۔ تفصیلات کے مطابق تھانہ ککرالی کی چوکی آچھ گوچھ سے گزر کر آنے والے ڈمپروں کی وجہ سے سدوال موڑ تا آچھ گوچھ کھرانہ روڈ جو کہ ابھی زیر تعمیر ہے تباہ ہو رہی ہے ۔ آچھ گوچھ چوکی انچارج مبشر احمد نے آزاد کشمیر کی طرف سے آنے والے ڈمپر ڈرائیوروں کو کھلی چھٹی دے رکھی ہے اور جو مٹھی گرم نہ کریں انہیں روک کر ذلیل و خوار کیا جاتا ہے ۔ گذشتہ روز ایک سیاسی شخصیت نے زیر تعمیر روڈ کا دورہ کیا تو وہاں سے کچھ ڈمپر گزر رہے تھے جس پر انہوںنے چوکی انچارج سے پوچھا تو چوکی انچارج نے بتایا کہ ان کو اجازت ہے یہ جا سکتے ہیں ۔ واضع رہے کہ کچھ دن قبل ایس حوالہ سے جذبہ ٹیم نے چوکی انچارج حوالدار مبشر احمد سے رابطہ کیا تو اس نے بتایا کہ یہ کارپٹ روڈ بن رہی ہے اس پر سے ڈمپر نہیں گزر سکتے ، ڈی پی او گجرات اور ڈی سی او گجرات نے دفعہ 144 نافذ کر رکھی ہے اور سختی سے ہمیں پابند کر رکھا ہے عوامی و سماجی حلقوں نے ڈی پی او گجرات اور ڈی سی او گجرات سے مطالبہ کیا ہے کہ کیا قانون سب کے لئے برابر نہیں ہے یا تبدلی یا دفعہ 144 مخصوص ڈمپرز مالکان کے لئے۔
کلیہ اصول الدین کے ذمہ داروں نے قاتلانہ حملہ کروایا، چانسلر اسلامی یونیورسٹی انصاف فراہم کریں۔ عتیق الرحمن
ملکہ کی خبریں 7/5/2016
