ہڈیاں میریاں بالن بنیاں تن میرا تندور میں ہاں ایس دھرتی دے اُتے یارو اِک مزدور میں بھَٹّے تے اِٹاّں پاواں اپنا آپ و نجاواں عزت، دولت، شہرت والے خواباں نوں بھُل جاواں شام سمے جد گھر نوں جاواں ہو جائے جُثّا چُور شِکر دوپہرے سڑکاں اُتے بجری جَد کھلاراں ربا تیری رحمت نوں میں پَل پَل واجاں ماراں سُٹ کے دُور دراڈے کاہنوں ہو گئیوں نظروں دُور اکھاں دے وِچ راتاں کٹ کے جَد میں شعر بناواں اپنے آپ نوں سوچاں والی سُولی تے لٹکاواں کِیہہ ہَسّاں تے کیِہہ روواں میں ڈاہڈا ہاں مجبور میں ہاں ایس دھرتی دے اُتے یارو اِک مزدور
رحمت مسلسل
غزل
