اسلام آباد : او جی ڈی سی ایل کی نجکاری اور مزدوروں پر تشدد بدترین ریاستی دہشت گردی ہے مزدور کش پالسیوں کے خلاف محرم الحرام کے بعد مزدور رہنماوُں سے ملاقات کرکے باقاعدہ ان کے ساتھ مل کر ان کی تحریک کا حصہ بنیں گے ان خیالات کا اظہار مجلس وحدت مسلمین پاکستان کے مرکزی سیکرٹری سیاسیات سید ناصر شیرازی نے سیاسی سیل کے اجلاس سے خطاب کرتے ہوئے کیا۔
انہوں نے کہا کہ موجودہ حکمرانوں نے اپنی تجوریاں بھرنے کے لئے ملکی اثاثوں کو کوڑیوں کے بھاوُ نیلامی پر لگا دیے ہیں ملکی اہم اثاثوں کی غیر ملکی کمپنیوں کے ہاتھوں نیلامی ملکی سلامتی کو غیروں کے ہاتھوں گروی رکھنے کے مترادف ہے جسے کسی صورت کامیاب نہیں ہونے دینگے محرم الحرام کے بعد عوامی اجتماعات میں ایسے ملک دشمن پالیسوں کیخلاف آگاہی مہم چلائیں گے۔
سید ناصر شیرازی کا کہنا تھا کہ عالمی منڈی میں پیٹرولیم مصنوعات میں نمایاں کمی کے باوجود عوام کو اس حساب سے ریلیف نہیں دیا گیا بجلی بلوں کے ذریعے تاحال عوام کی جیبوں پر ڈاکہ ڈالا جا رہا ہے اجلاس میں سیاسی شعبہ کے مسئولین کو ہدایات کی کہ وہ ایام عزاء کے فوری بعد بلدیاتی الیکشن اور بھکر کے ضمنی الیکشن کے لئے بھر پور مہم چلائے جائیں۔ 03004513206
ملک بھر میں7 ویں محرم کے ماتمی جلوس برآمد ہونا شروع
خدمت خلق کے کاموں میں حصہ لینا میرے لیے اعزاز کا باعث ہے۔ ڈاکٹر سمیعہ اکرم
