لاہور (اصل میڈیا ڈیسک) کورونا کی تیسری لہر اور مثبت کیسز میں اضافے کے باعث کمشنر لاہور نے فری ماسک کیمپس قائم کرنے کے احکامات جاری کر دیے۔
کمشنر لاہور کیپٹن ر محمد عثمان کی زیر صدارت کووڈ مریض رابطہ نظام کے حوالے سے اعلی سطح کا اجلاس ہوا جس میں تمام ڈپٹی کمشنرز، سی ای اوز ہیلتھ، اسسٹنٹ کمشنرز نے شرکت کی۔
کمشنر لاہور نے کہا کہ غریب آبادی میں لوگوں کی زیادہ آمد و رفت والی جگہوں پر فوری طور پر 20 کیمپس قائم کیے جائیں۔ کمشنر لاہور نے کووڈ رابطہ نظام کو تیز کرنے کیلئے ڈی سی کو اہداف دیتے ہوئے کہا کہ اداروں کے درمیان معلومات کے تیزترین تبادلے کو ہرگز نظر انداز نہ کریں، کووڈ مریض کی ٹیگنگ اور قرنطینہ میں چیکنگ کو یقینی بنایا جائے جس سے وبا کے پھیلاؤ کو روکنے میں مدد ملتی ہے۔
کمشنر لاہور نے ہدایت کی کہ انتظامیہ کو پورے عزم کیساتھ کووڈ سے نمٹنا ہوگا جس میں کوئی غفلت نہیں کی جائے گی۔
مریم نواز کو این آر او کے بجائے انصاف دینا چاہیے، خالد مقبول
پاکستان: کورونا سے مزید 81 ہلاکتیں، 5 ہزار سے زائد نئے کیسز بھی رپورٹ
