لاہور (جیوڈیسک) رواں سال ڈینگی کا پہلا مریض دم توڑ گیا جبکہ لاہور کے صرف ایک شالیمار اسپتال میں ڈینگی کے 65 مریض زیرعلاج ہیں۔ ڈینگی سے متاثرہ لاہور کے علاقے امن پارک شالیمار ٹاؤن کا 26 سالہ نوجوان دوران علاج دم توڑ گیا۔
جبکہ ڈینگی سے ہلاکت کا رواں سال کا یہ پہلا کیس ہے۔ ڈینگی سے مرنے والے اویس کے والدین کو دھمکی دی جارہی ہے کہ وہ یہ کہیں کہ مریض کی موت دل کا دورہ پڑنے سے ہوئی ہے دوسری جانب محکمہ صحت کے تمام تر انتظامات کے باوجود لاہور کے پسماندہ علاقے بند روڈ، چائنا اسکیم، گجر پورا اور گلشن پورا میں ڈینگی کا مرض بے قابو ہوتا جارہا ہے۔
گزشتہ سال بھی ڈینگی کے سب سے زیادہ کیسز شالیمار ٹاؤن سے رپورٹ ہوئے تھے اور 26 سالہ نوجوان کی ہلاکت کے بعد ایک مرتبہ پھر شالیمار ٹاؤن میں ڈینگی مریضوں کی تعداد بڑھتی جارہی ہے۔
جبکہ محکمہ صحت کے مطابق پنجاب بھر میں 24 گھنٹے کے دوران ڈینگی کے 72 نئے کیسز رپورٹ ہوئے ہیں جبکہ مریضوں کی مجموعی تعداد 386 ہوچکی ہے جس میں سے 44 مریضوں کا تعلق لاہور سے ہے واضح رہے کہ گزشتہ سال ڈینگی مرض کے باعث پنجاب بھر میں درجنوں افراد ہلاک ہوگئے تھے۔
تربت کےعلاقے سے ایک شخص کی لاش برآمد
لاہور: سی ایس پی آفیسر ہلاکت ، قتل کا مقدمہ درج
