لاہور (جیوڈیسک) لاہور کے علاقے سنت نگر میں ایک فیکٹری میں آتشزدگی سے ماں بیٹی جھلس کر جاں بحق ہوگئیں، وزیر اعلی ٰ پنجاب نے واقعے کا نوٹس لیتے ہوئے ضلعی انتظامیہ سے رپورٹ طلب کرلی۔ سنت نگر، نہرو پارک وشنو سٹریٹ میں سوموار کی شام گارمنٹس فیکٹری میں شارٹ سرکٹ سے آگ بڑھک اٹھی جس نے دیکھتے ہی دیکھتے اوپر والی بلڈنگ کو لپیٹ میں لے لیا۔
فیکٹری کی بالائی منزل پر رہائش پذیر فیملی بھی دھویں اورآگ کی لپیٹ میں آگئی۔ جھلسنے اور دم گھٹنے سے کرایہ دارمبین شاہ کی چالیس سالہ اہلیہ ناہید اور بائیس سالہ بیٹی ڈی وی ایم کی طالبہ عذیرہ دم توڑ گئیں۔ ریسکیو ورکرزنے آگ اور دھویں میں سخت جدوجہد کے بعد دونوں لاشیں نکال لیں۔
گھر کا سربراہ مبین شاہ ناگہانی حادثے پر پھوٹ پھوٹ کر رودیا۔ ریسکیو 1122 اور فائر بریگیڈ کی گاڑیاں دیر تک آگ بجھا نے میں مصروف رہیں۔ گلی تنگ ہونے کے باعث ریسکیو ورکرز کو سخت مشکلات کا سامنا کرنا پڑا۔
سانحہ تفتان: 21 میتیں کوہاٹ پہنچا دی گئیں
کولڈ اسٹوریج میں پھنسے 7 افراد کی لاشیں نکال لی گئیں
