لاہور (جیوڈیسک) لاہور میں روڈ رولر کی ٹکر سے سائیکل سوار ساٹھ سالہ شخص جاں بحق ہو گیا ۔ اہل علاقہ نے احتجاج کرتے ہوئے ٹریفک بلاک کر دی۔
شمع سٹاپ فیروز پور روڈ پر مقامی سکول کا مالی محمد یعقوب گھر سے ڈیوٹی پر جا رہا تھا کہ شمع سٹاپ پر اس کا سائیکل روڈ رولر کی زد میں آگیا اور محمد یعقوب موقعہ پر ہی جاں بحق ہو گیا۔
پولیس نے روڈ رولر کے ڈرائیور کو گرفتار کر لیا تاہم محمد یعقوب کے لواحقین اور اہل علاقہ نے احتجاج کرتے ہوئے شمع سٹاپ پر ٹریفک بلاک کر دی جس سے دفاتر اور تعلیمی اداروں میں جانے والوں کو شدید مشکلات کا سامنا کرنا پڑا۔
کسٹم حکام ماڈل ایان علی سے کچھ بھی ’’ اگلوانے‘‘ میں ناکام
کراچی میں سپر ہائی وے پر ٹرک کی ٹکر سے 2 کمسن طالب علم جاں بحق
