لاہور (اصل میڈیا ڈیسک) لاہور میں 2 غیر ملکی شہریوں کو سرمایہ کاری کے بہانے بلا کر لوٹ لیا گیا۔ پولیس کے مطابق واردات سوئٹزر لینڈ کے اسٹیفن اور جرمنی کی ماریا سپاری کے ساتھ ہوئی۔
ایف آئی آر کے مطابق ملزم رانا عرفان نے غیر ملکیوں کو سرمایہ کاری کا جھانسہ دیکر لاہور بلایا، ملزم نے 3 ساتھیوں کے ہمراہ دونوں غیر ملکیوں کو اغواء کے بعد لوٹ لیا۔
پولیس حکام کا کہنا ہے کہ ملزم نے دونوں غیر ملکیوں سے ایک کروڑ روپے سے زائد رقم اکاؤنٹ میں ٹرانسفر کرائی اور اسلحے کے زور پر 6300 یورو بھی لوٹ لیے۔
پولیس کا کہنا ہے کہ غیر ملکیوں کے ساتھ ہونے والی واردات کا مقدمہ تھانا ریس کورس میں درج کر کے تحقیقات کا آغاز کر دیا گیا ہے۔
میرے گھر آ کر بھی کوئی پیشکش کرے تب بھی پاکستان سے باہر نہیں جاؤں گی: مریم نواز
سینیٹ الیکشن: ‘پارٹی بغاوت نے عمران خان کے اوپن بیلٹ کے شوشے کی قلعی کھول دی’
