لاہور(جیوڈٰسک)لاہور میں پلاسٹک پائپ بنانے والی فیکٹری میں گیس دھماکے سے آگ لگ گئی، 8مزدور زخمی ہو گئے اور لاکھوں روپے کا سامان جل کر راکھ ہو گیا۔
قائداعظم انڈسٹریل سٹیٹ کی فیکٹری میں گیس بھرنے سے زور دار دھماکہ ہوا جس سے فیکٹری میں آگ لگ گئی اور 8 مزدور جھلس کر زخمی ہو گئے۔ریسکیو ٹیموں نے موقع پر پہنچ کر زخمیوں کو جناح ہسپتال منتقل کیا اور ایک گھنٹے کے بعد آگ پر قابو پا لیا گیا۔
اہل علاقہ کے مطابق دھماکہ کی آواز دور دور تک سنی گئی۔عینی شاہدین نے بتایا کہ دھماکے کی وجہ سے آگ اس قدر تیزی سے پھیلی کہ کسی کو سبھلنے کا موقع نہ ملا،پولیس نے جائے حادثہ سے شواہد اکھٹے کرنے کے بعد تفتیش شروع کر دی ہے جبکہ فیکٹری میں گیس چوری ہونے کے عنصر کو بھی مد نظر رکھا جا رہا ہے۔
کراچی : نجی سکول پر بم حملہ، اے این پی عہدیدار جاں بحق، 8 طلبہ زخمی
شیخوپورہ : مسافر وین میں گیس سلنڈر پھٹنے سے 3 افراد جاں بحق
