لاہور کی خبریں 01.09.2013
Posted on September 1, 2013 By Tahir Webmaster لاہور
محکمہ زراعت کے پاس بلڈوزرز نہ ہونے کی وجہ سے دریائوں کے پشتے مضبوط نہ ہو سکے، رکن پنجاب اسمبلی
لاہور (پی پی سی) پاکستان تحریک انصاف کی جنرل سیکرٹری شعبہ خواتین و رکن پنجاب اسمبلی سعدیہ سہیل رانانے کہا ہے کہ پنجاب میں سیلاب سے ہونے والے نقصان کی ذمہ دار حکومت پنجاب ہے ایک بیان میں انہوں نے کہا کہ محکمہ زراعت کے پاس بلڈوزرز نہ ہونے کی وجہ سے دریائوں کے پشتے مضبوط نہ ہو سکے، وزیر اعلیٰ شہباز شریف نے محکمہ زراعت کے افسروں کو کہا کہ پرانے بلڈزرز بیچ دو میں نئے بلڈوزرز لے کر دوں گا، محکمہ زراعت نے وزیر اعلیٰ کی ہدایت پر عمل کرتے ہوئے پرانے بلڈوزرز بیچ دئیے اور سرکاری خزانے میں 17 کروڑ روپے جمع کروا دئیے جس رقم سے حکومت پنجاب نے لیپ ٹاپ خرید لئے اور نئے بلڈوزرز نہ خریدے گئے ان بلڈوزرز کی عدم دستیابی کی وجہ سے دریائوں کے پشتے مضبوط نہ ہو سکے اور دریائوں میں آنے والے پانی سے بہت جانی و مالی نقصان ہوا، بلڈوزرز کی موجودگی سے پنجاب بھر میں 40 لاکھ ایکڑ ناقابلِ کاشت رقبے کو قابل کاشت بنایا جا سکتا ہے اور گندم میں 15 لاکھ ٹن اضافہ ہو سکتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حکومت ہر محاز پر ناکام نظر آ رہی ہے، عابد حسین صدیقی
لاہور(پی پی سی) پیپلز پارٹی لاہور کے سیکرٹری اطلاعات عابد حسین صدیقی نے کہا
ہے کہ حکومت ہر محاز پر ناکام نظر آ رہی ہے ایک بیان میں انہوں نے کہا کہ ملک میں مہنگائی، لوڈشیڈنگ ، امن و امان کی صورت حال نے عوام کا جینا دوبھر کر دیا ہے حکمرانوں نے پٹرولیم مصنوعات، بجلی کے بلوں میں اضافہ، ٹیکسوں کی بھرمار اور مہنگائی میں ہوشربا اضافہ کر دیا ہے پھر بھی آئی ایم ایف سے قرضے لینے کے خواہاں ہے لیکن عوام کو کوئی ریلیف نہیں مل رہا، بے روزگاری کے سبب نوجوان خود کشیوں پر مجبور ہیں بھوک افلاس نے ہر طبقہ فکر کو جھنجوڑ کر رکھ دیا ہے امن و امان کے انتہائی مخدوش حالت پر ہر شخص پریشان ہے، لوگ اپنے گھروں میں محصور ہو کر رہ گئے ہیں لیکن حکمرانوں کے کانوں پر جوں تک نہیں رینگ رہی لوگ پیپلز پارٹی کے دو ر یاد کر رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دہشت گرد ملک کا امن تباہ کرنا چاہتے ہیں، کنول نعمان
لاہور( پی پی سی) پاکستان مسلم لیگ ن کی رکن پنجاب اسمبلی کنول نعمان نے کہا ہے کہ دہشت گرد ملک کا امن تباہ کرنا چاہتے ہیں مگر مسلم لیگ ن کی حکومت ان کی تمام سازشوں کو ناکام بنائے گی ایک بیان میں انہوں نے کہا کہ دہشت گردی کے خاتمے کیلئے پوری قوم متحد ہے، دہشت گردی کی وجہ سے ملک کو اور بہت سی مشکلات کا سامنا کرنا پڑتا ہے۔ انہوں نے کہا کہ لاہور سے کراچی تک بننے والی موٹروے ملک کو معاشی طور پر مضبوط بنانے اور ترقی و خوشحالی کیلئے بھی انتہائی اہم کردار ادا کریگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آمریت کی اس ملک میں کوئی جگہ نہیں،قاضی احمد سعید
لاہور(پی پی سی) پنجاب اسمبلی میں پیپلز پارٹی کے پارلیمانی لیڈر قاضی احمد سعید نے کہا ہے کہ انتہا پسندی اور عسکریت پسندی ملک بھر کے شہریوں اور قومی سلامتی کے لیے بڑے خطرہ ہیں، جمہوریت ہی ملک کا مستقبل ہے، آمریت کی اس ملک میں کوئی جگہ نہیں۔ پیپلز پارٹی نے نتائج کو تمام تحفظات کے باوجود تسلیم کیا کیونکہ جمہوریت کے تسلسل کے لئے ہمیں آگے کی طرف سوچنا ہے۔ پیپلز پارٹی نے صوبائی خود مختاری کو فروغ دیا اور صوبوں کو اختیارات دیئے، مشترکہ مفادات کونسل میں صوبوں کوبھرپور نمائندگی دی گئی شہید ذوالفقار علی بھٹو نے ملک کو متفقہ آئین دیا اور غریب عوام کی آواز پر لبیک کہا گزشتہ پانچ سال پیپلز پارٹی نے مفاہمت کی پالیسی کو فروغ دیا اور آئین کی بالادستی کو قائم کیا اور جمہوری قوتوں کو مضبوط کیا، موجودہ حکومت بھی ذاتی مفادات کو پس پشت ڈال کر ملکی سالمیت اور عوام کی فلاح کے لئے کام کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مسلم لیگ ن کی حکومت ہی ملک کو بحرانوں سے نکال لے گی، آصف ایڈووکیٹ
لاہور( پی پی سی)پاکستان مسلم لیگ (ن) کے رکن صوبائی اسمبلی پنجاب محمد آصف ایڈووکیٹ نے کہا ہے کہ مسلم لیگ ن کی حکومت ہی ملک کو بحرانوں سے نکال لے گی،کراچی میں قیام امن ہماری قیادت کی ترجیحات کاحصہ ہے۔گذشتہ روز کارکنوں کے ایک وفد سے گفتگو کرتے ہوئے انہوں نے کہا کہ پاکستان کے پاس میاں برادران کی صورت میں ایماندار اور عوامی قیادت موجود ہے جو ملک کو ترقی اور خوشحالی کی طرف لے کر جا رہے ہیں مسلم لیگ ن کی حکومت ملک کو بحرانوں سے نکال لے گی، انہوں نے کہا کہ ضمنی الیکشن میں مسلم لیگ ( ن) کی کامیابی سے پ تہ چلتا ہے کہ پاکستان مسلم لیگ(ن) میاں نواز شریف کی قیادت میں ناقابل تسخیر بن چکی ہے، مسلم لیگ ( ن) کے کارکن بلدیاتی الیکشن میں بھی تاریخ ساز کامیابی دلوانے میں کوئی کسر نہیں چھوڑیں گے۔انہوں نے کہا کہ جمہوری نظام کے دوام اوراستحکام کیلئے آئین اورقانون کی حکمرانی ناگزیر ہے۔اپوزیشن سے تعلق رکھنے والی کوئی پارٹی اسمبلیوں کے اندریاباہر احتجاج کی آڑلے کرحکومت کوبلیک میل نہیں کرسکتی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پی ایم ایل ایف نکیال سیکٹر پر بھارتی فوج کی فائرنگ اور گو لہ باری کی شدید مذمت کرتی ہے
لاہور( پی پی سی) پاکستان مسلم لیگ(فنکشنل) پنجاب کے رہنما ڈاکٹر ملک محمد سعید انڈیا نے کہا ہے کہ غیر اعلانیہ جنگ مسلط کردی ہے بھارت پا کستان کا ابدی دشمن ہے اس سے خیر کی توقع نہیں کی جا سکتی ہے انڈیا باڈر ز پر صرف الیکشن کی وجہ سے گڑ بڑ نہیں کر رہا ہے مسلسل واقعات بتا رہے ہیں کہ اس کی نیت خراب ہے باڈرز کی صورتحال کو حکومت سنجیدگی سے لے اور قوم کو اصل صورتحال سے اگاہ کرے پی ایم ایل ایف نکیال سیکٹر پر بھارتی فوج کی فائرنگ اور گو لہ باری کی شدید مذمت کرتی ہے گذشتہ روز کارکنوں کے ایک اجلا سے خطاب کرتے ہوئے انہوں نے کہا کہ قوم مسائل کا حل چاہتی ہے اور مذاکرات کے ذریعے حل چاہتی ہے لیکن مذکرات بر ابری کی بنیاد پر ہونے چاہیں، باڈرز پر گولوں اور گولیوں کے استعمال سے پاکستانی جوانوں کو شہید کر نے پر حکومت کو کھل کر بو لنا چاہیئے اور خاموشی چھوڑ نی چاہیے انہوں نے شامی فوج کے بد ترین مظالم کی شدید مذمت کی ہے اور کہا کہ واقعات ظلم کی انتہاء ہے انہوں نے کہا کہ مسلم حکمرانوں کو ان واقعات کا سنجید گی کے ساتھ نوٹس لینا چاہیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان سنی فورم کا پیٹرولیم مصنوعات کی ہوشربا قیمتوں میں اضافے کے خلاف احتجاج
لاہور (پی پی سی)پاکستان سنی فورم کا پیٹرولیم مصنوعات کی ہوشربا قیمتوں میں اضافے کے خلاف احتجاج، اس سے مہنگائی کا مزید طوفان آئیگا قیمتیں واپس لی جائیں،۔گذشتہ روز پاکستان سنی فورم کے زیر اہتمام مرکزی صدر مفتی ظفر٤ جبار چشتی کی قیادت میں لاہور سیون اپ پل کے قریب پیٹرولیم مصنوعات کی قیمتوں میں بے تحاشا اضافے کے خلاف احتجاج کیا گیا۔شرکاء نے اس موقع پر ہاتھوں میں کتبے اور بینرز اٹھا رکھے تھے جن پر مہنگائی کو کنٹرول کرنے اوسر پیٹرولیم مصنعات کی قیمتوں میں حالیہ اضافہ واپس لینے کا مطالبہ کیا گیا تھا ۔ مظارے سے خطاب کرتے ہوئے مفتی ظفر جبار چشتی نے کہا کہ عوام بڑھتی ہوئی مہنگائی کی چکی میں پس چکے ہیں، حکمران ٹولہ نے عوام پر پٹرول بم گر ا کر ان کے منہ سے روٹی کا نوالہ چھین لیا ہے ،انہوں نے کہا کہ پی ایس ایف پیٹرولیم مصنوعات کی قیمتوں میں اضافہ اور حکومت کی عوام دشمن پالیسیوں کے خلاف احتجاجی تحریک چلائے گی اور اور اس ظالمانہ اضافے کے خلاف تمام ضلعی ہیڈ کوارٹر میں احتجاجی مظاہرے کیے جائیں گے ،انہوں نے کہا کہ پٹرولیم مصنعوعات کی قیمتوں میں اضافے کو مسترد کرتی ہے،حکمرانوں نے اپنے پہلے 100دنوں میں ہی غریب عوام کا خون نچوڑ لیا ہے۔ انہوں نے کہا کہ غریب عوام پر حکمرانوںنے مہنگائی کی شکل میںظلم کا پہاڑ گرا دیا ہے ،پٹرول کی قیمتوں میں اضافے سے مہنگائی کی ملک میں ایک نہی لہر آئے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شہر قائدکو دوبارہ امن کا گہوارہ بنانے کے لئے ہنگامی بنیادوں پر اقدامات کرنے ہوں گے، شاہ اویس نورانی
لاہور ( پی پی سی) جمعیت علماء پاکستان کے سینئر نائب صدر علامہ شاہ اویس نورانی نے کہا ہے کہ شہر قائدکو دوبارہ امن کا گہوارہ بنانے کے لئے ہنگامی بنیادوں پر اقدامات کرنے ہوں گے، 7 ستمبر کو ملک بھر میں ” یوم ِ ختم ِنبوت ”منایا جائے گا۔ اور اسی روز فدایان ختم نبوت پاکستان کے زیر اہتمام ایوان اقبال میں استاذ العلماء و شیخ الحدیث علامہ خادم حسین رضوی کی سربراہی میں بہت بڑی ”تاجدار ختم نبوت ” کانفرنس منعقد ہو رہی ہے جس سے اہلہسنت کے جید علماء خطاب کریں گے۔ سندھ اور کراچی پولیس میں سیاسی بنیادوںپر کی جانے والی بھرتیاں قانون کے نفاذ میں سب سے بڑی رکاوٹ ہیں انہیں فی الفور کالعدم قرار دیتے ہوئے دوہری ڈیوٹیاںدینے والے اہلکاروں کو فارغ کیا جائے۔کراچی سے ملکی معیشت کا70فیصد ریونیوحاصل ہوتا ہے لہٰذا اسے دہشتگردی کے چنگل سے نکال کر ہی ہم ترقی کرسکتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مسلمان ہر قر بانی دینے کے لیئے تیار ہیں،مفتی محمد خان قادری
لاہور(پی پی سی) ملی مجلس شرعی نے کہا ہے کہ ملت کفر کی طرف سے مکہ ،مدینہ اور شام پر حملے کے ناپاک ارادوں پر اسلامی ممالک کے سر براہان کو بے حسی کا کردار تر ک کر کے جرأت مندانہ جو اب دینا چاہیے ، مسلمان ہر قر بانی دینے کے لیئے تیار ہیں۔گذشتہ روز ایک ہنگامی اجلاس سے خطاب کرتے ہوئے ملی مجلس شرعی کے مرکزی صدر مفتی محمد خان قادری اور سیکرٹری جنرل پروفیسر ڈاکٹر محمد امین سمیت دیگر نے خطاب کرتے ہوئے روس کی سعودی عرب پر اور امریکہ کی شام حملے کی دھمکی کو عالم اسلام کے لیئے چیلنج قرار دیا ہے اور کہا ہے کہ عالم اسلام کی ناقص پا لیسیوں کی وجہ سے آج ملت کفر کی جرأت مسلمانوں کے مقدس مقامات پر حملے تک پہنچ گئی ہے۔ انہوں نے کہا کہ روسی اور امریکی دھمکیوں کا عالم اسلام کو سنجید گی سے نوٹس لے، انہوں نے کہا کہ کفر سازشوں میں مصروف ہے ان تمام سازشوں کے خلاف عالم اسلام کو متحد ہو نا ہو گا ، روس کو افغانستان میں ہونے والے اپنے انجام کو نہیں بھولنا چاہیے، مکہ مکر مہ اور مدینہ منورہ سے مسلمانوں کی دلی وابستگی ہے انہوں نے مطا لبہ کیا اسلامی سر براہی کا نفرنس کا ہنگامی اجلاس بلاکر کفر کے ہر سازش کا منہ توڑ جواب دینے کے لیئے لائحہ عمل کا اعلان کیا جا ئے۔
لاہور: دیرینہ دشمنی پر فائرنگ سے 5 افراد زخمی
