لاہور کی خبریں 15/6/2014

Posted on June 16, 2014 By Geo1 Webmaster سٹی نیوز

حکومت نے زندگی کے ہر شعبے میں معاشرے کے محروم طبقوں کو اولین ترجیحات میں شامل رکھا ہے:سلطان بخاری
لاہور(میڈیاورلڈلائن) صوبائی وزیر سوشل ویلفیئر سید ہارون سلطان بخاری نے کہا ہے کہ حکومت نے زندگی کے ہر شعبے میں معاشرے کے محروم طبقوں کو اولین ترجیحات میں شامل رکھا ہے ـوزیراعلی پنجاب کی سربراہی میں حکومت نے غریب دوست پالیسیاں بنا کر ماضی میں کی جانے والی ناانصافیوں کا مداوا کیا ہےـمیڈیاورلڈلائن کے مطابق ان اظہار انہوں نے مختلف وفود سے ملاقات میں کہا کہ صوبے کی 70فیصد آبادی تیس برس سے کم عمر افراد پر مشتمل ہے جنہیں روزگار کے زیادہ سے زیادہ مواقع فراہم کرنے کے لئے عملی کاموں کا آغاز کردیا گیا ہےـاس سلسلے میں ان بیروزگار مردو خواتین کو تعلیم یافتہ اور ہنر مند بنانے کے لئے جامع منصوبہ بندی کی گئی ہے اور آئندہ چار برسوں کے دوران 20لاکھ افراد کو فنی تعلیم دینے کے لئے نئے بجٹ میں 6ارب روپے کی خطیر رقم مختص کی گئی ہےـ انہوں نے کہا کہ حکومت نے خواتین کو پالیسی سازی کے عمل میں شرکت کرنے کا عزم کررکھا ہے ، اس مقصد کے لئے نئے بجٹ میں انہیں معاشی و سماجی میدانوں میں شرکت کے لئے ایک ارب86کروڑ روپے رکھے گئے ہیں جبکہ کام کرنے والی خواتین کے بچوں کے لئے صوبہ بھر میں 65ڈے کیئر سنٹرز قائم ہیں جس میں بتدریج اضافہ کیا جارہا ہےـگھروں سے دور ملازمت پیشہ خواتین کی رہائش کے لئے نجی شعبہ کے تعاون سے ہوسٹل اوررہائش گاہیں بنائی جائیں گی ـنئے بجٹ میں بچوں کے لئے 50کروڑ روپے کی لاگت سے دارالامان قائم کئے جائیں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
موجودہ بجٹ عوام دشمن ہے،ٹیکسوں کا بوجھ بالواسطہ عوام پر ہی پڑے گا اورآنے والے دنوں میں مہنگائی ،بے روزگاری اورغربت میں اضافہ ہوگا ،محمد رضا
لاہور(میڈیاورلڈلائن)چیرمین پاورگروپ آف لائرز،محمد رضاایڈووکیٹ نے ہائی کورٹ بار لاہورمیں وکلاء کے وفد جس میں محمد مصطفی خالدایڈووکیٹ، محمد صدیق ایڈووکیٹ،ملک محمد انورایڈووکیٹ ،ندیم حسین ایڈووکیٹ،ملک محمد دلاورایڈووکیٹ،محمدعرفان بھٹی ایڈووکیٹ اور دیگر سے ملاقات کے دوران کہا کہ موجودہ بجٹ عوام دشمن ہے،بنیادی ضروریات زندگی اشیاء کی قیمتوں میں کمی کی بجائے اضافہ ہوگا جو غریب عوام کوخود کشیاں کرنے پر مجبور کر سکتا ہے۔ٹیکسوں کا بوجھ بالواسطہ عوام پر ہی پڑے گا اورآنے والے دنوں میں مہنگائی ،بے روزگاری اورغربت میں اضافہ ہوگا۔حکومت نے بجٹ پیش کرتے وقت عوام کی بنیادی ضروریات کا خیال نہیں رکھا ۔ماضی کی طرح ٹیکس برائے راست عام عوام کو ہی ادا کرنا پڑے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیپلزپارٹی کے قائدین کے خلاف انتقامی کاروائیوں کاآغاز کرکے ن لیگ نے اپنے خلاف بڑی تحریک شروع کردی ہے:شوکت محمود
لاہور(میڈیاورلڈلائن) پاکستان پیپلزپارٹی جنوبی پنجاب کے سیکرٹری اطلاعات اور سابق ڈپٹی اپوزیشن لیڈر شوکت محمود بسرا نے کہا ہے کہ پیپلزپارٹی کے قائدین کے خلاف انتقامی کاروائیوں کاآغاز کرکے ن لیگ نے اپنے خلاف بڑی تحریک شروع کردی ہے ،میڈیاورلڈلائن کے مطابق انہو ں نے کا کہ مسلم لیگ ن کی حکومت پیپلزپارٹی کی وجہ سے قائم ہے ہم جمہوری نظام کے تحفظ کے لئے ن لیگ کے ساتھ ہیں مگر ہمارے قائدین کے خلاف انتقامی کاروائیوں سے نہ صرف حکومت کمزور ہوگی بلکہ ن لیگ ملک بھر میں مزید تنہا ہوجائے گی ،ہم کسی انتقامی کاروائی سے خوف زدہ نہیں ہیں ،ہمارے قائدین پھانسی کے پھندے پر جھولے ہیں ہم نے حالات کا مقابلہ سینہ سپر ہوکر کیا ہے اور آئندہ بھی دلیری سے مقابلہ کریں گے ،ہم کسی کے پائوں پکڑ کر بیرون ملک نہیں جائیں گے ،سید یوسف رضا گیلانی،مخدوم امین فہیم اور راجہ پرویز اشرف کے خلاف کاوائیوں فوری طور پر بند کی جائیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملک کی تاریخ میں اب پہلی بار جنوبی پنجاب کے مسائل تیزی سے حل کئے جارہے ہیں
لاہور(میڈیاورلڈلائن) پاکستان مسلم لیگ ن کے رکن پنجاب اسمبلی میاں عرفان دولتانہ نے کہا ہے کہ تحریک انصاف کا بہاول پور میں جلسہ بری طرح ناکام ہوگا ، ایک بیان میں انہوں نے کہاکہ ملک کی تاریخ میں اب پہلی بار جنوبی پنجاب کے مسائل تیزی سے حل کئے جارہے ہیں ،پیپلزپارٹی نے جنوبی پنجاب کے غریب عوام سے دھوکے کئے اور ان سے جھوٹے وعدے کئے ،پہلے پیپلزپارٹی اور اب تحریک انصاف عوام سے جھوٹ بول رہی ہے ، میڈیاورلڈلائن کے مطابق انہوں کہا کہ مسلم لیگ ن نے بجٹ میں جنوبی پنجاب کے غریبوں کے لئے بڑی رقم مختص کی ہے،اشرافیہ کو توتمام سہولیات دستیاب ہوں جبکہ عام آدمی بنیادی سہولتوں سے بھی محروم ہو،اب ایسا نظام نہیں چل سکتا ،امیر اورغریب کے درمیان تفاو ت کو ختم کرنا ہوگا،عام آدمی کو ریلیف دینے کے لئے ہر ممکن قدم اٹھایا جائے گا او راب اشرافیہ کو قربانی دینی ہو گی، جنوبی پنجاب کی ترقی پر خصوصی توجہ مرکوز کی گئی ہے اور یہاں اربو ںروپے کے ترقیاتی منصوبے مکمل کئے گئے ہیں،ملتان میں پاکستان کی سب سے طویل میٹروبس سروس شروع کی جا رہی ہے جس پر 30ارب روپے سے زائد خرچ کئے جائیں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کے پی کے کا بجٹ عوام کا گلہ گھونٹ دے گا ،عمران خان کا سونامی کے پی کے عوام کو بہا لے گیا ہے:رانا بابر حسین
لاہور(میڈیاورلڈلائن)صوبائی پارلیمانی سیکرٹری برائے خزانہ رانا بابرحسین نے کہا ہے کہ خیبر پختون خواہ کے بجٹ مایوس رکن رہا اور تحریک انصاف کے اراکین بجٹ سے قبل ہی اپنی تنخواہوں میں اضافہ کرانے میں کامیاب ہوگئے ،خیبر پختون خواہ کا بجٹ تحریک انصاف کی عوام دشمنی کا ثبوت ہے اس بجٹ میں عوام کے لئے نہیں خواص کے لئے بہت کچھ ہے ،عمران خان کو دھرنے اور جلسوں سے فرصت ملے تو وہ دیکھیں کہ خیبر پختون خواہ میں کس طرح عوام کا گلہ دباجارہا ہے اور ان کے حقوق پر ڈاکہ ڈالا گیا ہے ،عمران خان خیبر پختون خواہ میں جلسہ کرلیں ان کے اپنے اراکین ان کے جلسہ میں شریک نہیں ہوں گے ،عمران خان کا سونامیخیبر پختون خواہ کے عوام کو بہاکر لے جائے گا اور اب وہ کبھی عمران خان کوووٹ دینے کی غلطی نہیں کریں گے ، اس عوام دشمن بجٹ سیء عمران خان کی سیاست پر سوالیہ نشان لگ گیاہے،میڈیاورلڈلائن کے مطابق صحافیوں سے گفتگو کرتے ہوئے انہوں نے کہاکہ پنجاب کا بجٹ مثالی ہے ،ہماری مخلصانہ اور سنجیدہ کاوشیں ضرور رنگ لائیں گی ،ملک سے اندھیرے دور ہوں گے اور پاکستان دنیا کا عظیم ملک بنے گاـمحنت ،امانت اور دیانت کو شعار بنا لیں تو کوئی پہاڑ بھی منزل کے حصول میں رکاوٹ نہیں بن سکتا اور ان سنہری اصولوں کو ا پنا کر پاکستان کے غریب عوام کی تقدیر بدلی جا سکتی ہے،پنجاب پر تنقید کرنے والے اب اپنے گریبان میں جھانکیں ،دنیا بھر میں پنجاب بجٹ کی تعریف کی جارہی ہے ،عوام نے اس بجٹ اعتماد کا اظہار کیا ہے ،انہوں نے کہاکہ ،چین کی لیڈر شپ نے وزیراعظم محمد نوازشریف کی قیادت پر بھر پور اعتماد کا اظہار کرتے ہوئے 7برس کے لئے 32ارب ڈالر کے تاریخی سرمایہ کاری پیکیج کا تحفہ دیاہے اور اس پیکیج سے بھر پور استفادہ کرنے کے لئے ہمیں محنت اور دیانتداری سے کام کرنا ہوگا،کے پی کے کی حکومت پر کوئی ملک اعتماد کرنے کو تیار نہیں، انہوں نے کہاکہ ایک سال کے دوران بہترین ٹیم ورک کے تحت کام کیا گیا جس کے مثبت نتائج برآمد ہوئے اور آئندہ بھی اسی جذبے کے ساتھ آگے بڑھنا ہوگا ، اگر 7ماہ میں مردہ منصوبہ زندہ ہوسکتا ہے تو کوئی وجہ نہیں کہ ہم ملک کو مسائل کی دلدل سے نجات نہ دلا سکیں ـہمیں خود اپنی مدد کرنا ہے کوئی دوسرا ہماری مدد کے لئے نہیں آئے گاـعوام کی توقعات پر ہر صورت پورا اترنا ہماری ذمہ داری ہے،تحریک انصاف نے قوم کا قیمتی سال ضائع کردیا ہے ،یہ جماعت عوام کی بھلائی کے لئے ابھی تک کچھ نہیں کرسکی ہے ،یہ ہی وجہ ہے کہ خیبر پختون خواہ میں تحریک انصاف زوال پذیر ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نہری پانی کی چوری کی روک تھام کے لئے فیلڈ افسران کی کپسٹی بلڈنگ کے جامع پروگرام کا آغاز کردیا
لاہور(میڈیاورلڈلائن)محکمہ آبپاشی نے نہری پانی کی چوری کی روک تھام کے لئے فیلڈ افسران کی کپسٹی بلڈنگ کے جامع پروگرام کا آغاز کردیا ہے تاکہ افسران کینال اینڈ ڈرینج ایکٹ کے مطابق پانی چوری کا موثر انداز میں سدباب کرسکیںـمیڈیاورلڈلائن کے مطابق اس سلسلے میں فیصل آباد کینال زون میں ایک روزہ ورکشاپ کا انعقاد کیا گیا ـاس موقع پر لوئرچناب (شرقی) سرکل کے چیف ایگزیکٹو چوہدری اصغر گجر اور لوئر چناب کینال (غربی) سرکل کے چیف ایگزیکٹو عنایت اللہ چیمہ بھی موجودتھےـتفصیلات کے مطابق فیصل آباد کینال زون میں تعینات سب ڈویژنل کینال آفیسرز، ایگزیکٹو انجینئرزاور پیڈا کے منیجرز کے لئے ایک روزہ تربیتی ورکشاپ کا اہتمام کیا گیا جس میں شرکاء کو کینال اینڈ ڈرینج ایکٹ 1876میں وقتا فوقتا ہونے والی ترامیم اور مذکورہ ایکٹ کی دفعہ 70کے مطابق پانی چوری کی روک تھام کے سلسلہ میں حاصل اختیارات کے بارے میں تفصیل سے آگاہ کیا گیاـتربیتی ورکشاپ میں پیڈا کے جنرل منیجر افضل انجم طور نے شرکاء کو بتایا کہ کینال اینڈ ڈرینج ایکٹ کے تحت مجرم کو 15000روپے جرمانہ اور ایک سال تک قید کی سزا سنائی جاسکتی ہےـ جنرل منیجر پیڈا نے بتایا کہ پانی چوری کی شکایت کوئی بھی شخص کرسکتا ہے جس پر قانونی کارروائی کرنا ضروری ہےـورکشاپ میں موجود افسران نے تربیتی پروگرام کو سراہا اور آبپاشی سے متعلق مختلف قانونی پہلوؤں کے بارے میں دریافت کیاـ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پنجاب ایجوکیشن فاونڈیشن کے سکولوں کا اجلاس آج منقد ہوگا
لاہور(میڈیاورلڈلائن)پنجاب ایجوکیشن فاؤنڈیشن کے پارٹنرسکولوں کا تربیتی اجلاس آج مورخہ 16جون بروز سوموار رضا ہال ملتان میں منعقد ہوگاـاجلاس میں ملتان و جلالپور پیر والہ کی تحصیلوں میں فاؤنڈیشن ایسسٹڈ سکول پروگرام سے منسلک سکولوں کے پرنسپل حضرات شریک ہوں گیمیڈیاورلڈلائن کے مطابق اس موقع پر شرکاء کو فاؤنڈیشن ایسسٹڈ سکول پروگرام کے مجوزہ نئے ماڈل کے خدوخال سے آگاہ کرنے کے علاوہ انہیں کوالٹی ایشورنس ٹیسٹ کی تیاری اور آمدن و خرچ کا ریکارڈ رکھنے کے بارے میں لیکچرز دیئے جائیںگےـواضح رہے کہ پنجاب ایجوکیشن فاؤنڈیشن کے اکیڈمک ڈویلپمنٹ یونٹ کے زیرا ہتمام تربیتی ورکشاپس کا انعقاد 17مختلف اضلاع میں مکمل کرلیا گیا ہے

by Geo1 Webmaster

Nasir Mehmood - Chief Editor at GeoURDU.com

ڈسٹرکٹ یو نین آف جنرنلسٹس(رجسٹرڈ ) قصور کے انتخابات میں شریف سو ہڈل صدر،جنرل سیکرٹری اصغر شہزاداورچیئر مین ایگزیکٹو اصغر بھٹی منتخب کروڑ لعل عیسن 15/6/2014