وزیراعظم نیملکی وقار’قومی خود مختاری اور ملکی سلامتی پر سمجھوتہ نہ کر کے ایٹمی دھماکے کر کے ملک کو ناقابل تسخیر بنایا ۔حنا پرویز بٹ لاہور( میڈیا ورلڈ لائن)28مئی کا دن پاکستانی قوم کیلئے ایک تاریخ ساز دن ہے جس روز پاکستانی قوم نے اپنے وزیراعظم کی قیادت میں عالمی طاقتوں کا دبائو قبول کرنے سے انکار کرتے ہوئے اربوں ڈالر کی پیشکش مسترد کر کے ملکی وقار’قومی خود مختاری اور ملکی سلامتی پر کوئی سمجھوتہ نہ کیا اور ایٹمی دھماکے کر کے ملک کو ناقابل تسخیر بنا دیا جس سے پوری پاکستانی قوم کا سرفخر سے بلند ہوا۔ میڈیا ورلڈلائن کے مطابق انہوں نے کہا کہ قوم کی خوش قسمتی ہے کہ اسے ایک بار پھر نوازشریف جیسے قائد کی رہنمائی حاصل ہے جس کے نزدیک پاکستان کی سربلندی ،خود مختاری اور سالمیت بنیادی حیثیت رکھتی ہے ۔ یوم تکبیر کے موقع پر ہمیں یہ عزم کرناہوگا کہ جس طرح ملک کی جغرافیائی سرحدوں کو محفوظ تر بنانے کے لئے پاکستانی قوم ، قیادت، مسلح افواج اور سائنسدانوں نے اپنا خون جگر دیا اسی طرح اب پاکستان کی نظریاتی سرحدوں کے تحفظ اور دہشتگردی کے خطرات سے نمٹنے کے لئے کسی بھی قسم کی قربانی سے دریغ نہیں کیا جائے گا۔ 28مئی قومی امنگوں کا ترجمان اور ملی یکجہتی کا دن ہے، یہ وہ دن ہے جب اقوام عالم میں پاکستان کو اسلامی دنیا کا سب سے طاقتور ملک تسلیم کر لیا گیا۔مسلم لیگ (ن) کے ہوتے ہوئے کسی ملک میں مجال نہیں کہ وہ پاکستان کی سا لمیت کومیلی آنکھ سے دیکھے۔ مسلم لیگ(ن)ماضی کی طرح آج بھی پا کستان کے ایٹمی اثاثوں اورعوام کے بنیادی انسانی حقوق پرکوئی سمجھوتہ نہیں کریں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قوم حکومت کے خلاف سراپا احتجاج ,مسلم لیگ ن کی جمہوری حکومت سمجھ سے بالا تر ہے: یاسر گیلانی لاہور( میڈیا ورلڈ لائن)پاکستان تحریک انصاف لاہور کے نائب صدر انجینئر یاسر گیلانی نے کہا ہے کہ مسلم لیگ ن کی جمہوری حکومت سمجھ سے بالا تر ہے پوری قوم مسلم لیگ ن کی حکومت کے خلاف سراپا احتجاج ہے جس کی وجہ عوام کو ریلیف نہ فراہم کرنا اور انتخابی وعدوں سے انحراف ہے میڈیا ورلڈلائن کے مطابق انہوں نے ان خیالات کا اظہار انہوں نے گذشتہ روزاور میاں مبشریعقوب UC-1 کے عہدیداران ملک ذکاء اللہ، چوہدری ابراہیم نمبردار، بابو غلام مصطفی، ملک امتیاز، چوہدری یعقوب نمبردار، ملک احمد سعید ایڈووکیٹ، بابو عاطف اسلم، ملک ناصر علی، فہد مجید، شکیل احمد اور اعجاز احمد کے ہمراہ اجلاس سے خطاب کر تے ہوئے کیا، اجلاس میں مذکورہ یونین کونسل کی سیاسی و تنظیمی صورتحال کا جائزہ لیا گیا اور بلدیاتی الیکشن کی منصوبہ بندی و حکمت عملی طے کی گئی انہوں نے مزید کہا کہ تحریک انصاف کی مقبولیت میں دن بدن اضافے نے حکمرانوں کی نیندیں اُڑا دی ہیں۔ تحریک انصاف عوام کو حقوق دلانے کے لئے ہر حد تک جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بنیادی تعلیم، صحت، رسل و رسائل اور فوڈ سیکیورٹی مہیا کرنا حکومت کی آئینی ذمہ داری ہے: قاضی احمد سعید لاہور( میڈیا ورلڈ لائن)پنجاب اسمبلی میں پیپلز پارٹی کے پارلیمانی لیڈر قاضی احمد سعید نے کہا ہے کہ پنجاب میں لوگوں کو کھانے کو روٹی میسر نہیں ان کی عزت و آبرو اور جان و مال محفوظ نہیں ایسے میٹرو ٹرین اور میٹرو بس جیسے منصوبے بے کار ہیں، ایک بیان میں انہوں نے کہا کہ میٹروٹرین پراجیکٹ ایک اور امتیازی نوعیت کا منصوبہ ہے جس پر باقی صوبے کے دیگر علاقوں کی ترقی قربان کی جارہی ہے جس سے پسماندہ علاقوں میں رہنے والے لوگ میں احساس محرومی بڑھے گا۔ میڈیا ورلڈلائن کے مطابق انہوں نے کہا کہ پنجاب کے وزیر اعلیٰ نے پہلے ہی میٹروبس پر 74ارب روپے کی خطیر رقم خرچ کی ہے اور اس منصوبے کو مکمل کرنے کے لیے انہوں نے شعبہ تعلیم، شعبہ صحت اور لوکل باڈیز کے ترقیاتی فنڈز ٹرانسفر کئے تھے۔ بنیادی تعلیم، صحت، رسل و رسائل اور فوڈ سیکیورٹی مہیا کرنا حکومت کی آئینی ذمہ داری ہے انہوں نے کہا کہ موجودہ حکومت کی غلط معاشی پالیسیوں سے عوام عاجز آ چکے ہیں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ تحریک انصاف کو انصاف ملنے تک سونامی جوش سے جھومتااورشہرشہرگھومتارہے گا:سعدیہ سہیل رانا لاہور( میڈیا ورلڈ لائن) پاکستان تحریک انصاف کی جنرل سیکرٹری شعبہ خواتین و رکن پنجاب اسمبلی سعدیہ سہیل رانانے کہا ہے کہ ن لیگ نے پنجاب اسمبلی کے اجلاس میںکورم ہی پورا نہ کرپارہی ہے،ن لیگ کے اراکین کی پنجاب اسمبلی کے اجلاس میں عدم دلچسپی کی وجہ سے یہ اجلاس اپنے مقاصد حاصل نہیں کررہا ہے ، ایک بیان میں انہوں نے کہاکہ تحریک انصاف کو انصاف ملنے تک سونامی جوش سے جھومتااورشہرشہرگھومتارہے گا میڈیا ورلڈلائن کے مطابق انہوں نے کہا کہ عمران خان کی آوازپر7جون کو شہراقبال کاہرغیرتمندفرزند دھاندلی کیخلاف احتجاجی اجتماع میں شریک ہوگا۔ن لیگ کی مکاری اب زیادہ دیر نہیںچلے گی ،ن لیگ والے بے نقاب ہوچکے ہیں،ن لیگ دھاندلی لیگ بن چکی ہے اوراب یہ جماعت دن بہ دن اپنی اہمیت کھورہی ہے ،عوام ن لیگ کی پالیسیوں کے خلاف سڑکوں پر آچکے ہیں ۔یہ کیسی جمہوری حکومت ہے جس کے خلاف عوام ایک سال میں ہی سڑکوں پرآگئے ہیں،اب کوئی ن لیگ کانام بھی سننے کو تیار نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گڈگورننس اور منصوبوں کی شفافیت کی تعریف عالمی ادارے بھی کر چکے ہیں:راشدہ یعقوب شیخ لاہور( میڈیا ورلڈ لائن) پارلیمانی سیکرٹری برائے ویمن ڈویلپمنٹ راشدہ یعقوب شیخ نے کہا ہے کہ پنجاب میں گڈگورننس اور منصوبوں کی شفافیت کی تعریف عالمی ادارے بھی کر چکے ہیں۔ لیکن عقل کے اندھوں کا کیا کیجئے انہیں کچھ سجھائی نہیں دیتا۔تحریک انصاف کے رہنما اپنی آنکھوں کا معائنہ کرائیں’ پنجاب اور خیبرپختونخوا میں فرق نظر آ جائے گا۔ میڈیا ورلڈلائن کے مطابق انہوں نے کہا کہ مایوسیوں اور بدحواسیوں کے شکار عمران خان کو تقاریر اور میڈیا پر عوام کا وقت ضائع کرنے کے سوا اور کوئی کام نہیں ہے۔ اصل مسئلہ دھاندلی نہیں بلکہ تحریک انصاف کے رہنما ملک کی ترقی کی راہ میں روڑے اٹکانا چاہتے ہیں۔ عمران خان نہ جانے کیوں میڈیا پر آ کر عوام کا وقت ضائع کر رہے ہیں۔ میڈیا پر عوام کا وقت ضائع کرنے کی بجائے عمران خان خیبرپختونخوا میں عوام کی خدمت کریں۔ انہوں نے کہا کہ وہ وقت دور نہیں جب عمران خان کے ساتھی بھی دھاندلی کے بے بنیاد واویلا سے اکتا کر انہیں چھوڑ جائیں گے۔ عمران خان خواب میں بھی دھاندلی دھاندلی پکارتے رہتے ہیں۔ تحریک انصاف کے رہنما ناکام ریلیوں سے سبق کیوں نہیں سیکھتے۔ اسلام آباد کے بعد فیصل آباد میں ریلی کی ناکامی سے پی ٹی آئی بوکھلا چکی ہے اور بدحواسی میں الزام تراشی پر اتر آئی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ترکی اور پاکستان کے مابین دوستی کا دیرینہ مضبوط رشتہ اور باہمی تعاون موجود ہے :رانا بابرحسین لاہور( میڈیا ورلڈ لائن)صوبائی پارلیمانی سیکرٹری برائے خزانہ رانا بابرحسین نے کہا ہے کہ راولپنڈی ویسٹ مینجمنٹ کمپنی اور ترکی کی البراک کمپنی کے مابین صفائی کے جدید نظام کے حوالے سے طے پانے والا معاہد ہ خوش آئندہےـجس سے لاہور کے بعد راولپنڈی او رمری شہروں میں بھی سالڈ ویسٹ مینجمنٹ اور صفائی کا بہترین نظام مہیا ہوسکے گاـ انہوںنے کہا کہ ترکی اور پاکستان کے مابین دوستی کا دیرینہ مضبوط رشتہ اور باہمی تعاون موجود ہے ،جو آنے والے وقتوں میں مزید فروغ پائے گاـ میڈیا ورلڈلائن کے مطابق انہوںنے کہاکہ 81.390 ملین امریکی ڈالر کی مالیت کے راولپنڈی ویسٹ مینجمنٹ کمپنی اور ترکی کی کمپنی البراک کے مابین ہونے والا معاہدہ دونوں ملکوں کے مابین جاری باہمی تعاون کے تعلقات میں ایک مفید اضافہ ہےـ انہوں نے کہاکہ حکومت ٹرانسپورٹ اور سالڈ ویسٹ مینجمنٹ کے منصوبوں پر عملدرآمد کے ذریعے عوام کے معیار زندگی کو بہتر بنانے کے لئے کوشاں ہےـ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ توانائی بحران کاحل اور دہشت گردی کے نا سور کا خاتمہ ایک دوسرے سے جڑے ہوئے ہیں:عرفان دولتانہ لاہور( میڈیا ورلڈ لائن) پاکستان مسلم لیگ ن کے رکن پنجاب اسمبلی میاں عرفان دولتانہ نے کہا ہے کہ توانائی بحران کاحل اور دہشت گردی کے نا سور کا خاتمہ ایک دوسرے سے جڑے ہوئے ہیںـ توانائی بحران حل ہونے سے معیشت پھلے پھولے گی روز گار کے مواقع پیدا ہوںگے جس سے انتہا ء پسندی کے رجحانات ختم ہوں گے او رنوجوانوں کو با اختیار بنانے میں مدد ملے گیـسابق حکومتوں کے چھوڑے ہوئے مسائل مسلم لیگ ن ہی حل کرے گی اور ملک کو ترقی کی شاہراہ پر گامز ن کرے گی۔ میڈیا ورلڈلائن کے مطابق انہوں نے کہا کہ ان دونوں مسائل پر قابو پانے کے لئے دن رات کام ہورہا ہے ،توانائی کے بحران کے خاتمہ کے لئے کئی منصوبے شروع ہوچکے ہیں۔ ساہیوال میں 660 میگاواٹ کے 2کوئلے سے چلنے والے جدید ترین پاور پلانٹس کا سنگ بنیاد بھی رواں ماہ رکھا جائے گا ۔قیام امن کے لئے پولیس کو جدید خطوط پر تربیت دی جارہی اور عوام کے تحفظ کے لئے ٹھو س اقدامات کئے جارہے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سید عرفان احمد شاہ 03214077241 03154174470
پاک بھارت تعلقات میں بہتری آنے سے دونوں ممالک کے عوام خوشحال ہونگے : رائو ناصر علی خاں
برنالہ: چوہدری حسن اشرف یونین کونسل پتنی نالی کے مقامات پر مختلف شخصیات کی وفات پر فاتحہ خوانی کر رہے ہیں
