و زیر اعظم محمد نواز شریف کی کوششوں سے پی آئی اے نے زوال سے ایک بار پھر عروج کی جانب سفر شروع کر دیا ہے:حمزہ شہباز لاہور (میڈیا ورلڈ لائن ) رکن قومی اسمبلی حمزہ شہباز شریف نے کہا ہے کہ و زیر اعظم محمد نواز شریف کی کوششوں سے پی آئی اے نے زوال سے ایک بار پھر عروج کی جانب سفر شروع کر دیا ہے ـ قومی ایئر لائن کو مالی طو رپر مستحکم بنانے کے لئے موجودہ حکومت نے 25 مسافر طیارے ادارے کو فراہم کرنے کا فیصلہ کیا ہے جن میں سے 10 طیارے ادارے کو اگلے ماہ مل جائیں گے ـ حکومت کے مثبت اقدامات کی وجہ سے 12 سال کے طویل عرصے کے بعد پی آئی اے پہلی دفعہ منافع میں جانے میں کامیاب ہوا ہے ـ5 جون کے ریفرنڈم میں ایئر لیگ شاندار کامیابی حاصل کر کے وزیر اعظم نواز شریف کی کامیاب پالیسیوں پر مہر تصدیق ثبت کر دے گی ـ ان خیالات کا اظہار انہوں نے آج اپنے دفتر میں پی آئی اے ایئر لیگ لاہور کے عہدیداروں کے ایک وفد سے گفتگو کرتے ہوئے کیا ـ وفد کی قیادت ایئر لیگ لاہور کے صدر احمد بٹ نے کی ـ اس موقع پر ایئر لیگ لاہو رکے جنرل سیکرٹری محمود بخاری بھی موجود تھےـحمزہ شہباز شریف نے وفد کے ارکان سے خطاب کرتے ہوئے کہا کہ ایئر لیگ مسلم لیگ (ن) سے وابستہ ہماری جماعت کی ذیلی ٹریڈ یونین ہے جس کے کارکن پی آئی اے کو دنیا کی نمبر ایک فضائی کمپنی بنانے کے لئے کوشاں ہیں ـ ماضی کی حکومت سے وا بستہ ٹریڈ یونین نے جس طرح ادارے کو اپنی حکومت سے گٹھ جوڑ کر کے دونوں ہاتھوں سے لوٹا ـ وہ قومی وسائل سے کھلواڑ کی درد ناک داستان ہے ـ حمزہ شہباز شریف نے ایئر لیگ کے عہدیداروں کو یقین دلایا کہ مسلم لیگ (ن) کی حکومت ایسا کوئی اقدام نہیں کرے گی جو ادارے میں چھانٹی یا ملازمین کے مفادات کو نقصان پہنچانے پر منتج ہو ـ انہوں نے کہا کہ ادارے کے ملازمین پوری توجہ ، محنت اور دیانتداری سے وزیر اعظم نواز شریف کے اس ویژن کی تکمیل کے لئے کام کریں جس کا مقصد پی آئی اے کو ایک دفعہ پھر دنیا بھر میں کامیاب ترین فضائی ادارہ بنانا ہے ـحمزہ شہباز شریف نے کہا کہ وزیر اعظم نواز شریف کی حکومت پی آئی اے سمیت تمام قومی اداروں کے استحکام اور ترقی کے لئے دن رات کوشاں ہے ـ خصوصاً توانائی کے شعبے میں بحرانی کیفیت کے خاتمے کے لئے حکام نے اپنا دن رات ایک کیا ہوا ہے ـ انہوں نے کہا کہ توانائی کے بحران کے خاتمے تک نہ ہی ملک میں سرمایہ کاری آئے گی اور نہ ہی عام آدمی کو صحیح معنوں میں ریلیف ملے گا ـ انہوں نے کہا کہ وزیر اعلی پنجاب محمد شہباز شریف آج ہی چین کے ساتھ لاہور میں اورنج لائن ریلوے ٹریک بچھانے کا معاہدہ کر کے آئے ہیں ـ 27 ماہ کی مدت میں مکمل ہونے والے اس منصوبے سے لاہور عالمی معیار کا شہر بن جائے گا ـ اجلاس سے خطاب کرتے ہوئے صدر ایئر لیگ لاہور احمد بٹ نے کہا کہ کارکن ریفرنڈم میں کامیابی کے لئے دن رات محنت کریں ـ ہم نے پی آئی اے کو ہر قسم کی بد عنوانیوں اور لٹیروں سے بچانے کا عزم کر رکھا ہے ـ ایئر لیگ وزیر اعظم نواز شریف کی پالیسیوں اور اقدامات کے ثمرات ادارے کے ملازمین اور مسافروں تک پہنچانے کے لئے ہر ممکن اقدام کرے گی اور ترقی اور خوشحالی کا سفر مسلم لیگ (ن) کی حکومت کے شانہ بشانہ طے کیا جائے گا ـ
ہیپاٹائٹس جیسی بیماریوں کے خاتمہ کے لیے منشیات کے استعمال کو روکنا ضروری ہے۔ خواجہ سلمان رفیق لاہور(میڈیا ورلڈ لائن)مشیر وزیراعلیٰ پنجاب برائے صحت خواجہ سلمان رفیق نے کہا ہے کہ ملک سے منشیات کی لعنت کو ختم کرنے کے لیے حکومت، سول سوسائٹی، میڈیا اور این جی اوز کو ایک پلیٹ فارم سے مشترکہ جدوجہد کرنا ہوگی۔ انہوں نے کہا کہ ایچ آئی وی/ ایڈز اور ہیپاٹائٹس جیسی موذی بیماریوں کے خاتمہ کے لیے ضروری ہے کہ منشیات کے استعمال کو روکا جائے۔ انہوں نے یہ باتگزشتہ روز اقوام متحدہ کے ادارہ برائے ڈرگ کنٹرول کی جانب سے پاکستان خصوصاً پنجاب میں منشیات (ڈرگس) کے استعمال بارے 2013کی رپورٹ پیش کرنے کے موقع پر تقریب سے خطاب کرتے ہوئے کہی۔ انہوں نے کہا کہ منشیات کے استعمال کے بُرے اثرات نا صرف منشیات کے عادی افراد کے پورے خاندان پر مرتب ہوتے ہیں بلکہ ان مضر اثرات سے معاشرہ اور معیشت بھی بری طرح متاثر ہوتے ہیں۔ خواجہ سلمان رفیق نے کہا کہ Disease Burden میں اضافہ کی ایک بڑی وجہ منشیات استعمال کرنے والے لاکھوں افراد ہیں۔ خواجہ سلمان رفیق کا کہنا تھا کہ نشہ کے عادی افراد ہیروئن اور انجیکشن کا استعمال کرتے ہیں اور ایک ہی سرنج کے استعمال سے ہیپاٹائٹس سی اور ایڈز جیسی خطرناک اور جان لیوا بیماریاں ایک شخص سے دوسرے کو منتقل ہوتی ہیں۔ خواجہ سلمان رفیق نے بتایا کہ پنجاب میں انجیکشن کے ذریعے نشہ کرنے والے افراد کی تعداد 63ہزار سے زائد ہے جو ہم سب کے لیے لمحہ فکریہ ہے انہوں نے کہا کہ حکومت ایڈز کنٹرول پروگرام کے تحت پنجاب کے آٹھ شہروں میں قائم مراکز پر 16500افراد کو Preventive Services فراہم کررہی ہے اور صوبہ میں ایچ آئی وی/ ایڈز کے رجسٹرڈ افراد کی تعداد6000ہے جبکہ3,300مریضوں کو علاج معالجہ کی مفت سہولیات فراہم کی جارہی ہیں۔ انہوں نے بتایا کہ پنجاب ایڈز کنٹرول پروگرام کے تحت صوبے کی جیلوں میں موجود 50ہزار قیدیوں کی سکریننگ کی گئی جن میں سے300قیدیوں کے HIVٹیسٹ مثبت آئے ہیں۔خواجہ سلمان رفیق نے UNODCکو صوبائی محکمہ صحت کے ساتھ مل کر منشیات کے خاتمہ کے لیے ایک ایکشن پلان تیار کرنے کی پیش کش کی۔ انہوں نے کہا کہ نشہ کے استعمال کے خلاف ایکشن پلان میں بڑئے پیمانے پر عوامی آگاہی علاج معالجہ کی سہولیات فراہم کرنے والے افراد اور مراکز کی کپیسٹی بلڈنگ اور منشیات سے پھیلنے والی ایچ آئی وی ایڈز کی روک تھام کے لیے لائحہ عمل ترتیب دیا جائے گا۔قبل ازیں یونائیڈنیشن آفس برائے ڈرگ کنٹرول کے نمائندے مسٹر گوئیڈز (Mr. Guedes) نے منشیات کے استعمال کے حوالے سے2013کی رپورٹ پیش کی اور کہا کہ اس وقت افغانستان دنیا میں پوست کی کاشت اور منشیات سمگل کرنے والا بہت بڑاملک بن چکاہے۔ انہوں نے زور دیا کہ منشیات کی سملنگ روکنے کے لیے موثر کوششوں کی ضرور ت ہے تاکہ نا صرف پاکستان کے اندر منشیات کے استعمال کو روکا جاسکے بلکہ اس روٹ سے دیگر ممالک کو منشیات کی سملنگ کا بھی قلع قمع ہوسکے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پنجاب حکومت تعلیم، صحت اور دیگر سماجی شعبوں کی بہتری کیلئے انقلابی اصلاحات کررہی ہے:میاں عرفان دولتانہ لاہور(میڈیا ورلڈ لائن) پاکستان مسلم لیگ ن کے رکن پنجاب اسمبلی میاں عرفان دولتانہ نے کہا ہے کہ پنجاب حکومت تعلیم، صحت اور دیگر سماجی شعبوں کی بہتری کیلئے انقلابی اصلاحات کررہی ہےـ عالمی بینک اور ڈیفڈکے تعاون سے سرکاری اداروں کی کارکردگی کو مزید بہتر بنایا جائے گاـ صوبے کے وسائل امانت سمجھ کر عوام کی فلاح و بہبود پر خرچ کر رہے ہیںـڈیفڈ کے تعاون سے ہیلتھ کیئر کا جامع پروگرام شروع کیا جا رہاہے۔حکومت پنجاب کیاایک سال کارکردگی مثالی ہے اس ایک سال میںوہ کام کئے گئے جودوسری حکومتیں پانچ سالوںمیںبھی نہیںکرسکیں،حکومت پنجاب کا رکردگی کی دنیا بھرمیں تعریف کی جارہی ہے ،ایک سال میں دیرینہ مسائل حل کئے گئے ہیںجس سے عوام کا معیار زندگی بلندہوا ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قرض پر گھر چلانے والوں کی خود مختاری ہوتی ہے نہ کوئی حیثیت تسلیم کرتا ہے :عابد حسین صدیقی لاہور(میڈیا ورلڈ لائن)پیپلز پارٹی پنجاب کے ڈپٹی سیکرٹری اطلاعات عابد حسین صدیقی نے کہا ہے کہ ادھارلے کرغیر ضروری ترقیاتی منصوبے بنانے ہرسطح پرمخالفت کی جارہی ہے میڈیا ورلڈ لائن سے بات کرتے ہوئے انہوں نے کہاکہ ادھارلے کرکبھی گھرٹھیک نہیںہوسکتے بلکہ ادھارلینے سے موجودہ گھریلونظام بھی تباہ ہوجاتاہے ،حکومت کے پاس جتنے وسائل ہیںوہ انہیں اچھے انداز میںبروئے کار لائے تو بہت سے مسائل حل ہوجائیں گے،صرف میٹرو بس چلانا ہی ترقی نہیں ہے ،ملک میں ترقی اورخوشحالی کاسفر اس وقت شروع ہوگا جب عام آدمی خوشحال ہوگا اوراس کی زندگی میں مثبت تبدیلی آئے گی ،دیہات صحت اور تعلیم کی بنیادی سہولتوں سے محروم ہیں،گائوںکے لوگ عوام بنیادی سہولتوں کے حصول کے لئے بھاگ دوڑ کررہے ہیںمگر انہیں کچھ نہیں مل رہا ،حکومت ترقیاتی کام ضرور کرے مگراپنی ترجیحات بھی طے کرے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ عوام کو روٹی نہیں مل رہی ،حکومت ناکام منصوبوں پر عوام کے اربوں روپے ضائع کر رہی ہے:یاسر گیلانی عوام با شعور ہورہے ہیں،ن لیگ کو بلدیاتی الیکشن میں آٹے دال کا بھائو معلوم ہوجائے گا لاہور(میڈیا ورلڈ لائن)پاکستان تحریک انصاف لاہور کے نائب صدر انجینئر یاسر گیلانی نے میٹرو ٹرین منصوبے پر ردِ عمل دیتے ہوئے کہا ہے کہ مسلم لیگ ن ناکام منصوبوں پر عوام کے اربوں روپے ضائع کر رہی ہے عوام کو کھانے کو روٹی نہیں مل رہی اور حکمران اپنے اللوں تللوں میں مصروف ہیں۔ ان خیالات کا اظہار انہوں نے گزشتہ روز میڈیا ورلڈ لائن سے بات کر تے ہوئے کیا،تحریک انصاف بلدیاتی الیکشن میں منصوبہ بندی و حکمت عملی تحت اُتریں گے۔ انہوں نے مزید کہا کہ مسلم لیگ ن کے حکمران بیرونی دوروں کے ریکارڈ بنا رہے ہیں انہیں جعلی ٹیم کو بُلا کر ریکارڈ کو رجسٹر کروانا چاہیے۔
آئیسکو کے سینکڑوں شہداء نے اپنی جانوں کا نذرانہ دے کر آئیسکو کو صف اول کی کمپنی بنایا ہے
فیصل آباد: نورالھدی فاؤنڈیشن انٹرنیشنل پاکستان کے زیراہتمام جنگ اور جیو گروپ کے خلاف نکالی
