موسم گرما میں آنکھوں کا خاص خیال رکھیں،سخت دھوپ آنکھوں کے لئے نقصان دہ ثابت ہو سکتی ہے: بشیر مہدی لاہور (میڈیا ورلڈ لائن) محمد علی جناح میڈیکل کمپلکس کے چیئرمین بشیر مہدی نے کہا ہے کہ موسم گرما میں آنکھوں کا خاص خیال رکھا جائے کیونکہ سخت دھوپ آنکھوں کے لئے نقصان دہ ثابت ہو سکتی ہے اور مختلف مسائل جنم لیتے ہیں جس سے بچائو کے لئے احتیاط ضروری ہے۔ محمد علی جناح میڈیکل کمپلیکس میں منعقدہ اجلاس سے خطاب کرتے ہوئے انہوں نے کہا کہ موسم گرما کے دوران اضافی درجہ حرارت اور آلودگی جلن کے ساتھ ساتھ کھجلی اور لالی کا سبب بن سکتا ہے، جس سے آنکھ الرجی کا شکار ہو سکتی ہے۔ آشوب چشم موسم گرما کے دوران عام ہے ،اس کی آنکھوں کی لالی، اور اس کے پھیلنے کا خدشہ موجود ہوتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جلسے جلوس کسی مسئلے کا حل نہیں،شفاف جمہوری نظام ہی ملک کی ترقی میں کردار ادا کرسکتا ہے:ر قاضی احمد سعید لاہور (میڈیا ورلڈ لائن) پنجاب اسمبلی میں پیپلز پارٹی کے پارلیمانی لیڈر قاضی احمد سعید نے کہا ہے کہ جلسے جلوسوں سے انتخابی اصلاحات نافذ نہیں ہوسکتیں تمام جمہوری قوتوں کو مل کر ان اصلاحات کو نافذ کرنے کے لئے کام کرنا ہوگا ،شفاف جمہوری نظام ہی ملک کی ترقی میں کردار ادا کرسکتا ہے ایک بیان میں انہوں نے کہا کہ انتخابی اصلاحات پوری قوم کا نعرہ ہے ،سیاسی جماعتیں مل کر انتخابی اصلاحات تیارکریں جن پر فوری عمل کیا جائے، انہوں نے کہاکہ پوری قوم شفاف انتخابات چاہتی ہے، قوم جمہوری نظام پر یقین رکھتی ہے اس لئے شفا ف انتخاب کا انعقاد بہت ضروری ہے انہوں نے کہا کہ ایک جماعت کا یہ نعرہ درست نہیں کہ ہم انتخابی اصلاحات چاہتے ہیں، ،یہ وقت ملک کو بحرانوں سے نکالنے کا ہے ،تمام جماعتیں مل کر ملک کی تعمیر و ترقی کے لئے اپنا کردار ادا کریں ،سیاسی جماعتوں کی ذمہ دار ی ہے کہ وہ مل کر عوام کے مسائل حل کریں اور یہ مسائل شفاف جمہوری نظام سے ہی حل ہوسکتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ متعلقہ حکام نوٹس لیں ،شیخوپورہ روڈ پر بڑتی ہوئیں ڈکیتوں کی وارداتیں تشویش کا باعث ہیں:یاسر گیلانی لاہور (میڈیا ورلڈ لائن) پاکستان تحریک انصاف لاہور کے نائب صدر انجینئر یاسر گیلانی نے کہا ہے کہ اگر پنجاب حکومت نے شاہدرہ میں ہونے والی پے در پے ڈکیٹیوں کا نوٹس نہ لیا تو بھرپور احتجاج کے ذریعے شیخوپورہ روڈ بلاک کر دی جائے گی۔ متعلقہ حکام کی مجرمانہ غفلت کی وجہ سے شاہدرہ چوروں اور ڈاکوئوں کی آماجگاہ بن چکا ہے ان خیالات کا اظہار انہوں نے میاں مقصود احمد، میاں اظہر محمود اور اعظم ورک کے ہمراہ شاہدرہ کے تاجروں کے احتجاجی مظاہرے میں اظہار یکجہتی کرتے ہوئے کیا اس موقع پر میاں اشرف، میاں عتیق، محمد اکرام، طاہر پرنس اور ملک عمران صفدر کے علاوہ شاہدرہ موڑ کے دیگر تاجران بھی موجود تھے مظاہرین نے بینرز اور پلے کارڈ اٹھا رکھے تھے جن پر ڈی آئی جی پنجاب، سی سی پی او لاہور، ایس ایس پی اور ایس پی سٹی سے وارداتوں کی روک تھام کے لئے نعرہ درج تھے۔ اس موقع پر انجینئر یاسر گیلانی نے خطاب کرتے ہوئے کیا کہ تاجر برادری کی شکایات متعلقہ حکام تک پہنچائی جائیں گی اور ان سے ملاقات کر کے فوری ایکشن کی درخواست کی جائے گی۔ شیخوپورہ روڈ پر بڑتی ہوئیں ڈکیتوں کی وارداتیں تشویش کا باعث ہیں جس سے علاقے میں خوف و ہراس پھیل چکا ہے اگر متعلقہ حکام نے نوٹس نہ لیا تو بھرپور احتجاج کیا جائے گا
چہکیائی تا مراد پور پل کی تعمیر کا وعدہ وزیر اعظم شوکت عزیز اور وزیر اعظم پرویز اشرف نے ہری پور میں منعقدہ جلسہ عام
گجرات کی خبروں کی تصویری جھلکیاں
