لاہور (جیوڈیسک) گذشتہ رات سے ہونے والی بارش کاسلسلہ وقفے وقفے سے آج بھی جاری ہے شہر میں کھلے پھولوں نے فضا کومعطر بنا دیا ہے جبکہ شہربھی نکھر ساگیا ہے۔
صوبائی دارالحکومت لاہور کو سرمئی بادلوں نے گذشتہ رات سے ہی اپنی لپیٹ میں لے رکھا تھا، صبح کی کرنیں پڑتے ہی شہر کے مختلف علاقوں میں کہیں تیز اور کہیں ہلکی بارش رم جھم بن کر برسیں تو موسم میں نکھار آگیا۔
موسم بہار میں کھلے خوبصورت پھول مزید نکھر گئے اور ان کی خوشبو بھی ہوا کو معطر کرتی رہی۔ شہری بھی خوشگوار موسم سے لطف اندوز ہوتے رہے، شہر کے مختلف علاقوں میں ہونے والی بارش سے ٹریفک کی روانی بھی سست روی کا شکار رہی، محکمہ موسمیات کے مطابق بارش کایہ سلسلہ آئندہ ایک دو روز تک جاری رہنے کا امکان ہے۔
وزیر اعلیٰ پنجاب کا سیکرٹری پنجاب اسمبلی کو عہدے سے ہٹانے کا حکم
مجھ پر حملہ ہوا تو پنجاب حکومت ذمے دارہوگی، بلاول بھٹو