لاہور (جیوڈیسک) کیا نرسز، کیا ریلوے ملازمین اور اب پھر کلرکس سب ہیں سڑکوں پر۔ مال روڈ، سیکریٹریٹ اور پھر پریس کلب بنے احتجاج کا مرکز۔ مال روڈ پر نرسوں کا احتجاج۔ پریس کلب کو گھیرا ریلوے ملازمین نے جبکہ سیکریٹریٹ کے باہر احتجاج ہوا کلرکوں کا۔ مظاہروں اور ترقیاتی کاموں کی وجہ سے شہر میں سفر محال ہو گیا۔
منٹوں کا سفر گھنٹوں پر جا پہنچا اور شہری بلبلا اٹھے شہر کی اہم شاہراوں پر مظاہروں کی وجہ سے ایمبولینس بھی پھنسی رہی اور مریض تڑپتے رہے۔
شہریوں کا کہنا ہے کہ اپنے مطالبات کے حق میں احتجاج ضرور کریں لیکن عوام کے لیے تکلیف اور مشکلات کا سبب نہ بنیں۔
خواجہ آصف کے حلقے میں 44 ہزار 700 سے زائد ووٹ درست نکلے: فرانزک رپورٹ
وزیر اعلیٰ سندھ قومی اقتصادی کونسل کے اجلاس کو غیر آئینی قرار دیدیا
