لاہور (جیوڈیسک) لاہور ، ملتان اور گوجرانوالہ میں پولیس جوانوں کی پاسنگ آؤٹ پریڈ ہوئی ، سیکڑوں اہلکار تربیت لے کر عملی میدان میں آنے کے لئے تیار ہو گئے۔ لاہور میں ٹریننگ سکول چوہنگ میں تربیت مکمل کرنے والے پولیس اہلکاروں کی پاسنگ آؤٹ تقریب ہوئی۔ چار ماہ کی تربیت مکمل کرنے والوں میں خواتین اہلکار بھی شامل تھیں ادھر ملتان میں فیلڈ کرافٹ اینڈ ویپن کورس کی پاسنگ آؤٹ پریڈ ہوئی۔
تیس دن کی تربیت مکمل ہونے پر ساٹھ نوجوانوں نے نشانہ بازی، پولیس مقابلہ اور ہدف کو آسان بنانے کی حکمت عملی کا مظاہرہ کیا۔ گوجرانوالہ میں ایلیٹ فورس کے جوانوں نے پاسنگ آؤٹ پریڈ کے موقع پر عملی مشقوں کا مظاہرہ کیا۔ ان مشقوں میں ایلیٹ فورس کے جوانوں نے آنکھوں پر پٹیاں باندھ کر اسلحہ لوڈ کرنے، دشمن کا دوبدو مقابلہ کرنے اور حملے کی صورت میں دشمن پر قابو پانے اور زخمیوں کی ہسپتال منتقلی کا عملی مظاہرہ کیا گیا۔
اس مظاہرے میں جدید اسلحے اور ٹیکنالوجی کا استعمال کیا گیا جبکہ تقریب کے اختتام پر اعلیٰ کارکردگی کا مظاہرہ کرنے والوں میں انعامات بھی تقسیم کئے گئے۔
زائد درخواستوں کی وصولی، ہزاروں افراد فریضہ حج ادا نہیں کر سکیں گے
ملتان: گیس بندش کے خلاف وہاڑی روڈ پر شہریوں کا احتجاج
