لاہور(جیوڈیسک) لاہور میں پولیس نے گھریلو ملازمہ پر تشدد کرنے والے ملزمان کو گرفتار کر لیا ہے۔
مسلم ٹاون میں پولیس نے گھریلو ملازمہ کو تشدد کا نشانہ بنانے والے گھر کے مالک اور مالکن کلیم اور صائمہ کو گرفتار کر لیا ہے ۔ منگل کے روز ایک ہزار روپے چوری کرنے کے شبہ میں مالکن نے دس سالہ ملازمہ کو تشدد کا نشانہ بنا ڈالا ۔ اطلاع ملنے پر چائلڈ پروٹیکشن بیورو نے بچی کو اپنی تحویل میں لے لیا۔
گھریلو ملازمہ دس سالہ انصر کا تعلق اوکاڑہ کے قریب واقعہ حویلی لکھا سے ہے جسے اس کے ماں باپ نے 26 ہزار روپے کے عوض مسلم ٹاون میں ایک زمیندار کلیم کے گھر میں ملازمہ رکھوایا ۔ چیئر پرسن چائلڈ پروٹیکشن بیورو پنجاب صبا صادق کا کہنا ہے کہ بچی کے والدین سے جلد رابطہ کر کے اسے ان کے حوالے کر دیا جائے گا۔
لوڈشیڈنگ کیخلاف پیپلز پارٹی نے توجہ دلاؤ نوٹس جمع کرا دیا
گستاخانہ خاکوں کی اشاعت کے ذمہ دار مسلم حکمران ہیں: عمران خان
