لاہور (جی پی آئی) پنجاب اسمبلی میں پیپلز پارٹی کے پارلیمانی لیڈر قاضی احمد سعید نے کہا ہے کہ پیپلز پارٹی نے پنجاب میں حکمران جماعت کا بھرپور مقابلہ کیا ہے اور سابق صدر آصف علی زرداری کے ویژن کے مطابق انتخابی عملی میں حصہ لیا اور خالی میدان چھوڑ کر بھاگے نہیں۔ ایک بیان میں انہوں نے کہا کہ ندیم افضل چن نے بڑی جانفشانی سے مقابلہ کیا جس پر انہیں خراجِ تحسین پیش کرتے ہیں انہوں نے صدارتی آرڈیننس پر شدید ردِ عمل دیتے ہوئے کہا کہ مسلم لیگ ن نے ماضی سے کچھ نہیں سیکھا اور محاز آرائی کو ترک کرنے سے قاصر رہی ہے مسلم لیگ ن ہارس ٹریڈنگ کی بانی ہے یہ ہمیشہ چور رستوں سے اقتدار میں آتی ہے جس کا عملی ثبوت رات کے اندھیرے میں صدارتی آرڈیننس کا جاری کرنا ہے انہوں نے کہا کہ پیپلز پارٹی نے ہمیشہ مفاہمت کی سیاست کی ہے اور عوام کے حقوق کی ترجمانی کی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی)قائمقام سپیکر پنجاب اسمبلی سردار شیر علی خاں گورچانی نے کہا کہ وزیر علیٰ پنجاب محمد شہباز شریف نے پنجاب اسمبلی کی نئی بلڈنگ کی تعمیر کے لئے 10کروڑ کے فنڈ ریلیز کر دئے ہیں۔ امید ہے کہ انشا اللہ اگلے سال بجٹ اجلاس نئی بلڈنگ میں ہو گا۔ ان خیالات کا اظہار انہوں نے پنجاب اسمبلی کی مکی مدنی مسجد کا سنگ بنیاد رکھنے کے بعد میڈیا سے بات کرتے ہوئے کیا۔ اس موقع پر معزز ارکین اسمبلی ، سیکرٹری پنجاب اسمبلی ، افسران و دیگر اسمبلی سٹاف بھی موجود تھے ۔ انہوں نے مزید کہا کہ پنجاب اسمبلی میں مسجد کی تعمیر کے لئے تمام معزز اراکین کا جذبہ قابل تحسین ہے ۔ تمام ممبران مسجد کی تعمیر کے لئے دل کھول کر حصہ لے رہے ہیں،مسجد کی تعمیر کے لئے2 کروڑ 50لاکھ روپے درکار ہیں جبکہ ایک کروڑ پچیس لاکھ روپے جمع ہو چکے ہیں ، انشا اللہ ایک سال میں مسجد کی تعمیر مکمل کر دی جائے گئی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی )سربراہ تحریک صراطِ مستقیم ڈاکٹر محمد اشرف آصف جلالی نے کہاہے کہ پیغمبرِاسلام حضرت محمد مصطفی ۖ کے توھین آمیز خاکے بنانا دنیا کی سب سے بڑی دہشت گردی ہے ۔خاکے بنانے والے کسی نرمی یا معافی کے مستحق نہیں۔مغرب کی پے در پے گستاخیوں کے بعد اسلامی دنیا مغرب سے بہتری کی کوئی امید وابستہ کیے بغیر اپنا جدا گانہ لائحہ عمل اختیار کرے ۔اس سلسلے میں مسلم حکمران فوری طور پر اسلامی ممالک کے سربراہوں کی کانفرنس طلب کر کے اعلامیہ جاری کریں ورنہ گستاخوں سے کھلی جنگ ہوگی۔ان خیالات کا اظہار انہوں نے جمعة المبارک کے اجتماع سے خطاب کرتے ہوئے کیا۔ انہوں نے کہا کہ بھارتی ملاّں الیاس کا شنکر جی کو نبی کہنے اور حضرت آدم علیہ السلام اور حضرت نوح علیہ السلام کو شنکر قرار دینے کا بیان کئی کفریات اور توہین رسالت پر مشتمل ہے ۔ ایسا بیان کوئی مسلمان دے تو مرتد ہوجاتا ہے۔ ملّاں الیاس کا یہ بیان قرآن و سنت سے متصادم ہے اور دین اسلام پر خطرناک حملہ ہے۔ بھارتی ملّاں نے اکھنڈ بھارت کے شوق میں اپنے بیان میں کفریات بکے ہیں ۔ جن کا دین اسلام سے دور کا بھی تعلق نہیں۔ اس میں کوئی شک ہی نہیں کہ ہمارا کلچر مکہ مکرمہ اور مدینہ منورہ سے آیا ہے۔کسی مسلمان کو یہ حق نہیں ہے کہ وہ اپنے مادر وطن کی محبت میں دین برحق پر الزام تراشی کرے۔اُمت مسلمہ کو چاہیے کہ اس بے دین شخص کے بارے میں صدائے احتجاج بلند کریں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی)جامعہ رسولیہ شیرازیہ رضویہ بلال گنج داتا دربار میں اسلام مخالف عالمی سازشوں اور فتنہ قادیانیت کے خلاف ایک عملی اقدام 12روزہ تحفظ ختم نبوت و تحفظ ناموس رسالت ۖ کورس آج 7مارچ بعد نماز عشاء سے متصل شروع کیا جارہا ہے۔ جس میں مفسر قرآن مولانا قاری محمد طیب نقشبندی پرنسپل رسولیہ اسلامک سنٹر (برطانیہ ) کورس کروائیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی )وزیراعلیٰ پنجاب محمد شہباز شریف سے آج یہاں سندھ کے وزیراعلیٰ سید قائم علی شاہ نے ملاقات کی۔ ملاقات میں باہمی دلچسپی کے امور اور ملکی صورتحال پر تبادلہ خیال ہوا۔ دونوں رہنمائوں نے صوبوں کے مابین تعلقات مزید مستحکم کرنے کے عزم کا اظہار کیا۔ وزیراعلیٰ سندھ نے ہارس اینڈ کیٹل شو کے شاندار انعقاد پر وزیراعلیٰ شہباز شریف کو مبارکباد دی۔ وزیراعلیٰ محمد شہباز شریف نے اس موقع پر گفتگو کرتے ہوئے کہا کہ پاکستان 4 اکائیوں، آزاد کشمیر اور گلگت بلتستان پر مشتمل ہے او ر ملک کی تمام اکائیاں وطن عزیز کو درپیش مسائل کے حل کیلئے مکمل ہم آہنگی اور یگانگت کے ساتھ آگے بڑھ رہی ہیں۔ پنجاب حکومت کی جانب سے نیشنل ہارس اینڈ کیٹل شو کے انعقاد سے جہاں پنجاب کی ثقافت اجاگر ہو رہی ہے، وہاں قومی یکجہتی اور بھائی چارے کو بھی فروغ مل رہا ہے۔ سندھ کے وزیراعلیٰ کی ہارس اینڈ کیٹل شو میں شرکت کا خیرمقدم کرتے ہیں اور اس سے یقینا دونوں صوبوں کے مابین بین الصوبائی رابطے اور ہم آہنگی بڑھے گی۔ انہوں نے کہا کہ دہشت گردی کے خلاف جنگ میں بھی پاکستان کے چاروں صوبے اور وفاقی حکومت مکمل ہم آہنگی کے ساتھ آگے بڑھ رہے ہیں، بلاشبہ اجتماعی بصیرت سے کئے گئے فیصلے اور مشترکہ کاوشیں رنگ لائیں گی اور انشاء اللہ پاکستان امن و سلامتی کا گہوارہ بنے گا۔ انہوں نے کہا کہ پاکستان ہم سب کا ہے اور ہم سب نے مل کر ہی اسے مشکلات سے نکالنا ہے۔ وزیراعلیٰ پنجاب محمد شہباز شریف نے وزیراعلیٰ سندھ سید قائم علی شاہ کے اعزاز میں ظہرانہ بھی دیا۔ قبل ازیں وزیراعلیٰ سندھ سید قائم علی شاہ لاہور پہنچے تو پنجاب کے وزیراعلیٰ محمد شہباز شریف نے ائیرپورٹ پر ان کا استقبال کیا۔ وزیراعلیٰ سندھ سید قائم علی شاہ نے لاہور میں منعقد ہونے والے ہارس اینڈ کیٹل شو میں مہمان خصوصی کی حیثیت سے شرکت کی۔ شو کے کامیاب انعقاد پر پنجاب حکومت کی کاوشوں کی تعریف کی اور ہارس اینڈ کیٹل شو کے معیار کو سراہا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی )وزیراعلیٰ پنجاب محمد شہبازشریف نے سینیٹ کے انتخابات میں کامیاب ہونے والے پاکستان مسلم لیگ(ن) کے امیدواروں کو مبارکباد دیتے ہوئے کہا ہے کہ پاکستان مسلم لیگ (ن) نے سینیٹ کے انتخابات میں شاندار کامیابی حاصل کی ہے اور پنجاب میں اراکین اسمبلی نے سینیٹ انتخابات میں بھر پور حصہ لے کرجمہوری عمل کو احسن طریقے سے آگے بڑھایا ہے۔ انہوں نے کہاکہ سینیٹ کے انتخابات سے جمہوری عمل کا ایک اور مرحلہ مکمل ہو گیا ہے اورایوان بالا کے نومنتخب اراکین ملک و قوم کی ترقی اورخوشحالی کیلئے اپنا مثبت کردارجاری رکھیں گے۔
گوجرانوالہ کی خبریں 7/3/2015
حکمران دہشت گردوں کی بجائے مدارس کوختم کرنے پر تلے ہوئے ہیں، مفتی محمد نعیم
