لاہور (جیوڈیسک) لاہور میں اچھرہ پل کے قریب ڈاکووں نے مزاحمت پر فائرنگ کر کے پولیس اہلکار کو قتل کر دیا اور فرار ہوگئے، مقتول کی جیب سے 72 ہزار روپے ملے ہیں جبکہ پولیس اسے ڈکیتی قتل تسلیم کرنے سے انکاری ہے۔ پولیس کے مطابق قلعہ گجر سنگھ میں تعینات 40 سالہ کانسٹیبل محمد اسلم ڈاک وصولی کے لئے جا رہا تھا ۔
اچھرہ پل پر نامعلوم موٹرسائیکل سواروں نے اسے گن پوائنٹ پر روکا۔ محمد اسلم نے مزاحمت کی تو انھوں نے فائرنگ کر دی جس کے نتیجے میں وہ موقع پر ہی دم توڑ گیا۔ مقتول مہالم کلاں گنڈا سنگھ قصور کا رہائشی تھا۔پولیس نے لاش پوسٹ مارٹم کے لئے ڈیڈ ہاوس بھجوا کر ملزمان کی تلاش شروع کر دی ہے۔
سریاب روڈ پر ایس پی کی گاڑی پر فائرنگ، محافظ زخمی
کراچی : مختلف علاقوں میں پولیس کی کارروائی، 43 ملزمان زیر حراست
