لاہور (جیوڈیسک) لاہور کے علاقے جوہر ٹاؤن میں گلوکارہ سائرہ نسیم کے گھر پر نامعلوم افراد فائرنگ کرنے کے بعد فرار ہو گئے، کوئی جانی نقصان نہيں ہوا۔
معروف گلوکارہ سائرہ نسیم کے گھر پر اس وقت نامعلوم افراد نے فائرنگ کی جب وہ ايک شادی کی تقريب سے واپس پہنچیں۔ گلوکارہ کے مطابق شادی کی تقريب سے واپسی پر ہی ان کو شک ہوا کہ ايک کالے رنگ کی گاڑی ان کا پيچھا کر رہی ہے تاہم جب وہ گھر پہنچيں تو ان کے گھر پر نامعلوم افراد نے فائرنگ کر دی اور موقع سے فرار ہو گئے۔
سائرہ نسیم کے مطابق پوليس بر وقت اطلاع ملنے کے باوجود ایک گھنٹے بعد آئی۔ تھانہ ستوکتلہ پولیس نے نامعلوم افراد کیخلاف کارروائی کے لیے درخواست دائر کر لی ہے۔
سلمان خان کی نئی فلم “جے ہو” کے گانے فوٹو کاپی کی وڈیو جاری
بولی وڈ کی فلم ہنسی تو پھنسی کے گانے “زہے نصیب” کی وڈیو جاری
