لاہور (جیوڈیسک) لاہور میں قلعہ گجر سنگھ پولیس لائنز کے باہر گزشتہ روز ہونے والے دھماکے کی تحقیقات جاری ہیں۔
پولیس اور تحقیقاتی اداروں نے موقع سے تمام شواہد اکٹھے کر لیے ہیں جبکہ قلعہ گجر سنگھ پولیس نے ایس ایچ او کی مدعیت میں واقعہ کا مقدمہ نامعلوم دہشت گردوں کے خلاف درج کر لیا ہے۔ پولیس کے مطابق دھماکے میں 5 سے 8 کلو بارودی مواد استعمال کیا گیا۔
دھماکے کے بعد پولیس نےعلاقے میں سرچ آپریشن بھی کیا اور پچیس مشتبہ افراد کو حراست میں لے لیا۔ پولیس کی طرف سے ہوٹلوں، گیسٹ ہاوسز اور دیگر مقامات کی چیکنگ کی گئی۔ خودکش دھماکےمیں پانچ افراد جاں بحق اور پچیس زخمی ہوئے تھے۔
زور دار دھماکے سے قریبی عمارتوں کے شیشے ٹوٹ گئے۔ متعدد گاڑیوں کو آگ لگ گئی اور موٹر سائیکلیں تباہ ہو گئیں۔ جاں بحق ہونے والوں میں سب انسپکٹر محمد یوسف اور رضاکار وقار احمد بھی شامل تھے۔
ژوب : سکیورٹی فورسز نے پی ٹی سی ایل کے چھ ملازمین بازیاب کرا لیے
اسلام آباد، راولپنڈی میں تیز بارش، لاہور میں رم جھم سے موسم خوشگوار ہو گیا
