کروڑ لعل عیسن کی خبریں 6/4/2014
Posted on April 7, 2014 By Geo1 Webmaster سٹی نیوز
حمزہ موحد نے اپنی زندگی کو اللہ کے دین کیلئے وقف کر رکھا تھا۔ اس کی موت سے پیدا ہونے
کروڑ لعل عیسن ( نامہ نگار) حمزہ موحد نے اپنی زندگی کو اللہ کے دین کیلئے وقف کر رکھا تھا۔ اس کی موت سے پیدا ہونے والا خلاء برسوں پورا نہیں ہو سکتا۔ رنج و غم سب اللہ کی دین ہے۔ جسے ہم قبول کرتے ہیں۔ آج ہر طرف ظلم و جبر ، نا انصافی کا دور دورہ ہے۔ کون سا ظلم ہے جو اس روحِ زمین پر بسنے والے مسلمانوںپر نہیں ہو رہا۔ ظلم کو مٹانے اور بدی کو ختم کرنے کیلئے آج ہمیں اتحاد اور یکجہتی کی ضرورت ہے۔ ان خیالات کا اظہار چوہدری اصغر علی گجر سابق ممبر صوبائی اسمبلی ، چوہدری زاہد محمود وڑائچ نے جماعت اسلامی کے سابق مرکزی سیکریٹری اطلاعات چوہدری صفدر نعیم کے پوتے اور جماعت اسلامی ضلع لیہ کے نائب صدر مبشر نعیم چوہدری کے صاحبزادے حمزہ موحد جو کہ لاہور میں یونیورسٹی جاتے ہوئے حادثے کا شکار ہو گئے تھے کے ایصال ثواب کیلئے ٹی ایم اے ہال کروڑ میں قرآن خوانی کیلئے جمع اجتماع سے خطاب کرتے ہوئے کیا۔ انہوں نے کہا کہ امین آسمان سمیت تمام چیزیں اللہ تعالیٰ کی نعمت ہیں۔ آج نبی کریم صلی اللہ علیہ وآلہ وسلم کی امت پارہ پارہ ہو چکی ہے۔ قرآن پاک کا مزاق اور نبی صلی اللہ علیہ وآلہ وسلم کی سنت کی دھجیاں اڑائی جارہی ہیں۔ حمزہ موحد کے والد مبشر نعیم چوہدری نے کہا کہ ہم اللہ تعالیٰ کی رضاء کے ساتھ راضی ہیں۔ اس سے قبل میرے چھوٹے بھائی بھی کشمیر میں شہید ہو چکے ہیں۔ میں غم میں شریک ہونے والے تمام بھائیوں کا شکرگزار ہوں۔ حمزہ موحد 28 اکتوبر 1991 کو راولپنڈی میں پیدا ہوئے۔ 2010 میں حلقہ منصورہ لاہور میں اسلامی جمیعت طلباء کی رکنیت اختیار کی۔ ڈی فارمیسی کے 8 ویں سمسٹر کے طالب علم تھے۔ حمزہ کا نام افغانستان میں شہید ہونے والے کمانڈر طالوت موحد کے نام پر رکھا گیا۔ حمزہ موحد 31 مارچ کو لاہور میں اپنی رہائش گاہ سے یونیورسٹی جاتے ہوئے حادثے میں جاں بحق ہوئے۔ تعزیت کرنے والوں میں ضلعی صدر بار مہر حبیب اللہ ، جماعت اسلامی کے ضلعی صدر زاہد وڑائچ ، ملک غلام محمد اعوان ، سابق وزیر احمد علی اولکھ ، شیخ امین ، چہدری پرویز اختر ، سردار ذوالفقار علی خان ایڈووکیٹ ، طارق پہاڑ سمیت ہر شعبے سے تعلق رکھنے والے سینکڑوں افراد نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کروڑ لعل عیسن میں گزشتہ روز سے موسلادھار بارش اور ہوا چلنے سے گندم کی فصلات کو نقصان
کروڑ لعل عیسن ( نامہ نگار) کروڑ لعل عیسن میں گزشتہ روز سے موسلادھار بارش اور ہوا چلنے سے گندم کی فصلات کو نقصان ، لوگوں نے بارش کی بندش کیلئے دعائیں مانگنا شروع کر دیں۔ تفصیل کے مطابق کروڑ لعل عیسن اور گرد و نواح میں گزشتہ ہفتہ سے بارشوں کا سلسلہ جاری۔ گزشتہ 2 روز سے مسلسل بارش اور ہوا کے ساتھ گندم کی کھڑی فصل گرنے سے خراب ہونے کا خدشہ لوگوں نے اللہ تعالیٰ کے حضور گڑ گڑا کر دعائیں مانگنا شروع کر دیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حالیہ بارشوں کے پیش نظر ٹی ایم اے آفس کے عقب میں سبزی منڈی اور اس سے ملحقہ مارکیٹوں میں پانی کھڑا ہونے سے چلنا پھرنا دشوار
کروڑ لعل عیسن ( نامہ نگار) حالیہ بارشوں کے پیش نظر ٹی ایم اے آفس کے عقب میں سبزی منڈی اور اس سے ملحقہ مارکیٹوں میں پانی کھڑا ہونے سے چلنا پھرنا دشوار ۔ کھڑے پانی میں مچھروں کی بہتات کے گندے پانی کے جوہڑ لگنے سے بیماریاں پیدا ہونے کا خدشہ۔ مارکیٹوں کے دکانداروں اور شہریوں نے ٹی ایم اے کروڑ سے فی الفور کھڑا پانی نکلوانے کا مطالبہ کیا ہے۔
سابق ممبر ضلع کونسل و ایم این اے سردار محمد جہانگیر خان مرحوم کے صاحبزادے سردار ذوالفقار علی خان سیہڑ نے پریس کانفرنس
