کروڑ لعل عیسن کی خبریں 12/4/2014
Posted on April 13, 2014 By Geo1 Webmaster سٹی نیوز
کروڑ لعل عیسن (نامہ نگار)حافظ رمضان بھٹی آئل ٹریڈرز والے کے بھائی مشتاق بھٹی عرف مستو بھٹی جو کہ بقضائے الٰہی وفات پاچکے تھے انکی قرآن خوانی آج بروز اتوار 9بجے ان کے گھر کے قریب نزد ریلوے پھاٹک فتح پور کروڑ پر ادا کی جائے گی شرکت فرما کر ثواب دارین حاصل کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کروڑ لعل عیسن ( نامہ نگار) شہر میں صفائی ستھرائی کا ناقص انتظام۔ ہر طرف گندگی کے ڈھیر لگ گئے۔ پارکوں کی صورتحال ناگفتہ بے ۔ ٹی ایم اے حکام لمبی تان کر سو گئے۔ تفصیل کے مطابق کروڑ لعل عیسن کے وارڈوں میں ہر طرف گندگی کے ڈھیر ۔ شہر کے وارڈ نمبر 12 کے قریب بہت بڑے گندے پانی کے تالاب کے باعث مچھروں کی بہتات۔ وارڈ نمبر 12 کے قریبی گھروں کا پانی خراب ہونے سے ہیپاٹائٹس بی اور گردوں کی بیماریوں میں اضافہ۔ کروڑ کے شہریوں نے درجنوں بار حکام کی توجہ اس جانب مبضول کروائی۔ لیکن اعلیٰ حکام خواب خرگوش کی نیند کے مزے لے رہے ہیں۔ اور شہری بیماریوں کا شکار ہو رھے ہیں۔ یہاں کے عوامی سماجی اور شہری حلقوں نے وارڈ نمبر 12 کے قریب گندے پانی کا تالاب ختم کرنے کا ان علاقوں کیلئے پینے کے پانی کو چیک کرنے کا پرزور مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کروڑ لعل عیسن ( نامہ نگار) واپڈا کی جانب سے عوام کو دی جانے والی تکلیف میں مزید اضافہ۔ واپڈا والوں کی من مانیاں۔ کوئی پرسان حال نہیں۔ تفصیل کے مطابق واپڈا کی جانب سے ہر ایک گھنٹے بعد لوڈشیڈنگ کا سلسلہ جاری۔ بسا اوقات لوڈشیڈنگ اس سے بھی طویل کر دی جاتی ہے۔ شہر میں 16 گھنٹے جبکہ نواحی گائوں وغیرہ میں 18 گھنٹے سے زیادہ لوڈشیڈنگ کی جارہی ہے۔ جس کے باعث گھروں میں پانی نہ ہونے سے عوام کو شدید مشکلات کا سامنا ہے۔ اس کے ساتھ ساتھ ہر ماہ اوور بلنگ بھی کی جاتی ہے جس سے عوام میں شدید اشتعال پایا جاتا ہے۔ کروڑ کے عوامی سماجی شہری حلقوں نیااعلیٰ حکام سے فی الفور نوٹس لینے کا مطالبہ کیا ہے۔
