لالہ موسیٰ کی خبریں 13.09.2013
Posted on September 14, 2013 By Tahir Webmaster سٹی نیوز
لالہ موسی ٰ: خواصپور کا رہائشی بائیس سالہ نشے کاعادی نوجوان مین بازار میں جاں بحق
لالہ موسیٰ(محمد بلال احمدبٹ)خواصپورکا 22سالہ انتظار ولد نذیر حسین مین بازار لالہ موسیٰ نزدکالے داہوٹل کے قریب دم نکلنے
سے جاں بحق، متوفی نشہ آور ٹیکوں کا استعمال کرتا تھا پولیس نے ضروری کاروائی کے بعدنعش ورثاء کے حوالے کر دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محمد انور ولد فضل حسین سکنہ صابر کوٹ کے خلاف بجلی چوری کا مقدمہ درج
لالہ موسیٰ(محمدبلال احمدبٹ)ایس ڈی او لالہ موسیٰ عبدالقیوم کو رائی اور چوہدری گلزار ملہی انسکپشن ٹیم نے بجلی چوروں کے خلاف کاروائی کرتے ہوئے محمد انور ولد فضل حسین سکنہ صابر کوٹ کے خلاف مقدمہ درج کروادیا، جبکہ محلہ خواجگان کے شیخ محمد افضل پر بجلی چوری کرنے پر پچاس ہزار جرمانہ عائد کر دیا گیا،جو جمع کروا دیا گیا سرکل لالہ موسیٰ میں بجلی چوروں کے خلاف بھر پور کریک ڈائون جاری ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ:چکوڑی شیر غازی میں قیصر عباس کے گھر ڈکیتی کے ملزمان کی عدم گرفتاری
لالہ موسیٰ(محمدبلال احمدبٹ)چکوڑی شیر غازی میں قیصر عباس کے گھر ڈکیتی کے ملزمان کی عدم گرفتاری،تھانہ صدر لالہ موسیٰ کی پولیس کی نا اہلی ہے، پولیس ملزمان کو جلد از جلد گرفتار کر کے علاقہ میں امن و امان کے قیام کو یقینی بنائے، ان خیالات کا اظہار ڈاکٹر سید احسان اللہ شاہ نے اپنے ایک بیان میں کیا،انہوں نے کہا کہ صرف ایف آر آر مسئلہ اور ظلم کا حل نہیں،،ملزمان کی گرفتاری اور مال مسروقہ کی برآمدگی سے ہی مظلوموں کے آنسو پونچھے جاسکتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ:پنجاب حکومت کا صوبہ میں بلدیاتی انتخابات غیر جماعتی بنیادوں پر کروانا غیر آئینی اور غیر جمہوری ملک ہے جسے پی پی عدالت میں چیلنج کر رہی ہے،چوہدری تنویراشرف کائرہ
لالہ موسیٰ(محمدبلا ل احمدبٹ)پاکستان پیپلز پارٹی صوبہ پنجاب کے جنرل سیکرٹری و سابق صوبائی وزیر خزانہ پنجاب چوہدری تنویر اشرف کائرہ نے کہا ہے کہ پنجاب حکومت کا صوبہ میں بلدیاتی انتخابات غیر جماعتی بنیادوں پر کروانا غیر آئینی اور غیر جمہوری ملک ہے جسے پی پی عدالت میں چیلنج کر رہی ہے، انہوں نے کہا کہ غیر جماعتی بنیادوں پر بلدیاتی انتخابات کابل غیر آئینی اور غیر جمہوری ہے آئین میں سیاسی جماعتوں کا اہم کردار متعین ہے،اس لئے بھر پور جدوجہد کی جائے گی،پنجاب حکومت غیر جماعتی انتخابات کروا کر لوٹ سیل لگانا چاہتی ہے جس سے ایک مرتبہ پھر چھانگا مانگا کی سیاست دوہرائی جا رہی ہے،چوہدری تنویر اشرف کائرہ نے کہا کہ کراچی میں آپریشن مکمل طور پر غیر جانبدارانہ اور ٹارگٹ ہے اور ظلم وجبر کے نظام کو جڑ سے پھینکنے کے لیے پی پی پی کی صوبائی حکومت ہر ممکن اقدامات کئے جائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سویٹس ایسوسی ایشن لالہ موسیٰ کا قیام،تعارفی تقریب زیر صدارت حاجی محمد ریاض انصاری چیئر مین کریانہ ایسوسی ایشن مقامی ریسٹورنٹ میں منعقد ہوئی
لالہ موسیٰ(محمدبلال احمدبٹ)سویٹس ایسوسی ایشن لالہ موسیٰ کا قیام، تعارفی تقریب زیر صدارت حاجی محمد ریاض انصاری چیئر مین کریانہ ایسوسی ایشن مقامی ریسٹورنٹ میں منعقد ہوئی،تقریب کے مہمان خصوصی سابق ناظم ڈاکٹر عرفان احمد صفی،چیف آفیسر بلدیہ شیخ وجاہت صدیقی اور سابق کونسلر مہر محمد رشید تھے،تقریب میں ایسوسی ایشن چلانے کے لیے سات رکنی ایگزیکٹو کونسل کا اعلان کیا گیا،جو کہ ماہ جنوری میں انتخابات کروانے کے لیے ابتدائی کام مکمل کرے گی،جبکہ ایسوسی ایشن کے اغراض و مقاصد بھی پیش کئے گئے سات رکنی کمیٹی میں ملک محمد یامین،مہر ذوالفقار ،حاجی محمد اکرم،محمد آصف بٹ،غلام نبی،عبدالرحمن اور مہر غلام عباس شامل ہیں،اس موقع پر محمد ریاض انصاری،شیخ وجاہت صدیقی،ڈاکٹر عرفان احمد صفی اور مہر محمد رشید نے خطاب کرتے ہوئے کہا کہ ایسوسی ایشن کے تمام ممبران مبارکباد کے مستحق ہیں جو اپنے اختلافات بھلا کر مشترکہ مقصد کے لئے اکٹھے ہوئے ہیں،ممبران اپنے مسائل کے حل کے ساتھ ساتھ شہر میں صفائی اور تجاوزات کے خاتمہ کے لیے بھی جدوجہد کریں گے،ایسوسی ایشن نے طے کیا کہ جمعتہ المبارک کو بارہ بجے تمام دکانیں بند کر دی جائیں گیں،عیدین پر دو تعطیلات اور دس محرم کو بھی دکانیں بند رکھیں گے،جنازہ کے موقع پر دو گھنٹے کے لیے سب ممبر دکانیں بند کر دیںگے جبکہ مسائل کے لیے ایسوسی ایشن کا وفد ڈسٹری بیوٹرز سے ملاقات کرے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایدھی لالہ موسیٰ الحاج شیخ عبدالخلیل کے صاحبزادے شیخ خالد محمود کی جانب سے کمانڈر شہزاد میونسپل لائبریری کے لیے ہزاروں روپے مالیت کی کتب ٹی ایم او کھاریاں ملک شفقت منیر کے حوالہ
لالہ موسیٰ(محمدبلال احمدبٹ)ایدھی لالہ موسیٰ الحاج شیخ عبدالخلیل کے صاحبزادے شیخ خالد محمود کی جانب سے کمانڈر شہزاد میونسپل لائبریری کے لیے ہزاروں روپے مالیت کی درجنوں کتب ٹی ایم او کھاریاں ملک شفقت منیر کے حوالہ،شیخ خالد محمود اس سے قبل اپنی والدہ محترمہ کے ایصال ثواب کے لئے لائبریری میں الیکڑانک واٹر کولر بھی نصب کروا چکے ہیں،کتب حوالگی کی پروقار تقریب میں ٹی او آر انجینئر طارق محمود چوہدری،سی او لالہ موسیٰ شیخ وجاہت صدیقی،سابق ناظم ڈاکٹر عرفان احمد صفی،شاہد لطیف و دیگر موجود تھے،اس موقع پر ٹی ایم او ملک شفقت منیر نے کہا کہ ٹی ایم اے کے اس خوب صورت منصوبہ کا شمار ڈویثرن کی بہترین لائبریریوں میں ہوتا ہے،کتاب اور قاری کا ٹوٹا ہوا رشتہ جوڑنے کے لیے کمانڈر شہزاد میونسپل لائبریری نے اہم کردار ادا کیا ہے،انہوں نے لائبریری کو بہترین بنانے اور لائبریری کے تحت ہونے والی فکری نشست کے دوبارہ آغاز کا بھی اعلان کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یونیورسٹی آف گجرات کے طلبہ کے وفد کا لالہ موسیٰ کا مطالعاتی دورہ
لالہ موسیٰ(محمدبلال احمدبٹ)یونیورسٹی آف گجرات کے طلبہ کے وفد کا لالہ موسیٰ کا مطالعاتی دورہ،دفتر بلدیہ میں بریفننگ واٹر سپلائی ٹربائن اور ڈسپوزل سٹیشن کا وزٹ،دفتر بلدیہ میں چیف آفیسر بلدیہ شیخ وجاہت صدیقی،سب انجینئر محکمہ پبلک ہیلتھ انجینئرنگ،چوہدری محمد یونس،خاور رشید نے یونیورسٹی کے خصوصی پراجیکٹ پر آئے طلبہ و طالبات کو شہر میں آلودہ پانی،پینے کے صاف پانی،کلورینائزڈ سسٹم،نکاسی آب کے حوالے سے بریفننگ دی گئی،طلبہ و طالبات نے بلدیہ کی واٹر سپلائی ٹرائن کا وزٹ بھی کیا،اور بھمبر نالہ کے بند پر موجود ڈسپوزل سٹیشن کابھی معائنہ کیا، انہوں نے شہر کے کوڑے کو مناسب ٹھکانے نہ لگانے پر تشویش کا اظہار کیا گیا اور کہ حکومت کو کوڑے کے استعمال اور اسکو ضائع کرنے کے لئے مناسب اقدامات کرنے چاہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹی ایم اے کے تمام افسران بشمول ٹی ایم او اب ہر منگل کو لالہ موسیٰ اور ہر جمعرات کو ڈنگہ دفاتر میں بیٹھا کریں گے،ملک شفقت منیر ٹی ایم اوکھاریاں
لالہ موسیٰ(محمدبلال احمدبٹ)ٹی ایم اے کے تمام افسران بشمول ٹی ایم او اب ہر منگل کو لالہ موسیٰ اور ہر جمعرات کو ڈنگہ دفاتر میں بیٹھا کریں گے عوام کے مسائل حل کرنے کے لئے ہر ممکن اقدامات کریں گے عوام کو آسانیاں مہیا کرنے کی بھر پور کوشش کی جائے گی،ان خیالا ت کا اظہار ٹی ایم او کھاریاں ملک شفقت منیر نے لالہ موسیٰ میں صحافیوں سے گفتگو کرتے ہوئے کیا،انہوں نے کہا کہ ترقیاتی بجٹ کے نہ ہونے کے باوجود عوام کے بنیادی مسائل واٹر سپلائی،صفائی اور سٹریٹ لائٹ کی بہتری کے لیے ہر ممکن جدوجہد کی جائے گی،اور ان مسال کے حل کے لئے عوام کو ٹی ایم اے دفاتر کے چکر نہ لگانا پڑیں انکی ترجیح میں شامل ہو گا،انہوں نے کہاکہ ٹی ایم اے دفاتر کے چکرنہ لگانا پڑیں انکی ترجیح میں شامل ہو گا انہوں نے کہا کہ ٹی ایم اے کے تمام ملازمین اس مشین میں انکا ساتھ دیں گے اور ٹی ایم افسران کی سرپرستی میں تمام ملازمین اپنے فرائض ایمانداری دیانتدارانہ اورپیشہ وارانہ لگن سے انجام دیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بیس گھنٹے سیاست کے میدان میں حاضر ہیں،ہارجیت کھیل کاحصہ ہے، چوہدری نصراقبال آف سکھ چین
لالہ موسیٰ(محمدبلال احمدبٹ)چوبیس گھنٹے سیاست کے میدان میں حاضر ہیں، ہارجیت کھیل کاحصہ ہے،آئندہ بلدیاتی میں پوری طاقت کے ساتھ حصہ لے گے،ان خیالات کا اظہار سابق امیدوارقومی اسمبلی چوہدری نصراقبال اف سکھ چین نے کیا،انہوں نے کہاکہ بلدیاتی انتخابات کے حوالہ سے دوستوں اورساتھیوں کے ساتھ مشاورتجاری ہے انشاء اللہ ہروارڈسے ہمارے امیدواربلدیاتی انتخابات میں حصہ لیں گے، انہوں نے ایک سوال کے جواب میں کہاکہ ہماراکسی بھی پارٹی کے ساتھ کوئی رابطہ نہیں،بلکہ ہمارے امیدوارسکھ چین ہائوس کے کے پینل بلدیاتی انتخابات میں حصہ لیں گے۔
سیلاب متاثرین کے لئے افضلیہ ویلفیئر نیک آباد (مراڑیاں شریف) گجرات سے ڈاکٹر اور ایمبولینس روانہ کی جا رھی ھے
