لالہ موسی کی خبریں 14.09.2013
Posted on September 15, 2013 By Tahir Webmaster سٹی نیوز
لالہ موسیٰ:ویلڈن ایس ایچ او تھانہ سٹی ناصر بٹ، خبر پر ایکشن، تعمیر بنک میں لوگوں کا سونا رکھوا کر قرضے دلوانے والا بنک فراڈ کا مرکزی ملزم اسلام پورہ لالہ موسیٰ کا طارق سنیارا ڈرامائی انداز میں گرفتار
لالہ موسیٰ(محمد بلال احمد بٹ)ویلڈن ایس ایچ او تھانہ سٹی ناصر بٹ، خبر پر ایکشن،تعمیر بنک میں لوگوں کا سونا رکھوا کر قرضے دلوانے والا بنک فراڈ کا مرکزی ملزم اسلام پورہ لالہ موسیٰ کا طارق سنیارا ڈرامائی انداز میں گرفتار،تفصیلات کے مطابق گذشتہ روز گردش ایام میں جعلی گولڈ رکھ کر لون لینے کی خبر شائع ہو ئی جس پر تھانہ سٹی پولیس نے کاروائی کرتے ہوئے اسلام کے رہائشی طارق سنیارے کو گرفتار کر لیا۔ اہم انکشافات کی توقع کی جا رہی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ: مارکیٹ کمیٹی ہمیشہ سے غلہ منڈی لالہ موسیٰ سے سوتیلی ماں جیسا سلوک کر رہی ہے،ملک محمد اصغر طارق
لالہ موسیٰ(محمد بلال احمد بٹ)لالہ موسیٰ کے مشہور سیاسی سماجی کاروباری شخصیت ملک محمد شفیع مجاہد کے لخت جگر مشہور بزنس مین جنرل سیکرٹری ہردوغلہ منڈی لالہ موسیٰ ملک محمد اصغر طارق نے صحافیوں سے گفتگو کرتے ہوئے کہا کہ غلہ منڈی لالہ موسیٰ میں بیت الخلاء نہ ہونے سے باہر سے آنے والے کاروباری حضرات کو مسائل کا سامنا کرنا پڑتا ہے انہوں نے مارکیٹ کمیٹی کے چیئر مین سے مطالبہ کیا کہ جلد از جلد غلہ منڈی لالہ موسیٰ میں بیت الخلاء بنائی جائیں انہوں نے کہا مارکیٹ کمیٹی ہمیشہ سے غلہ منڈی لالہ موسیٰ سے سوتیلی ماں جیسا سلوک کر رہی ہے اگر مارکیٹ کمیٹی نے غلہ منڈی میں مسائل کے حل کے لئے اقدامات نہ اٹھائے تو جلد از جلد انجمن تاجران غلہ منڈی پہلے کی طرح بڑا احتجاج کرے گی اور اس احتجاج کا دائرہ کارپورے ضلع تک جائے گا،انہوں نے کہا کہ ڈی سی او گجرات اپنے ذاتی دلچسپی لیتے ہوئے غلہ منڈی لالہ موسیٰ کوحل کروائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ: چکوڑی شیر غازی ڈکیتی کے ملزمان کے قریب پہنچ گئے ،ساجد سوہل انسپکٹر صدر لالہ موسیٰ
لالہ موسیٰ(محمدبلال احمدبٹ)ایس ایچ او تھانہ صدر لالہ موسیٰ انسپکٹر ساجد سوہل نے ایک ملاقات میں گفتگو کرتے ہوئے کہا کہ چکوڑی شیر غازی ڈکیتی کے ملزمان کے قریب پہنچ گئے ہیں،جلد مزمان کو گرفتار کر کے مال مسروقہ برآمد کرائیں گے انہوں نے کہا کہ پولیس اپنے فرائض سے غافل نہیں عوام کے جان و مال کا تحفظ ہماری ترجیح ہے،میں نے اپنے ماتحت عملہ کو سختی سے ہدایت کر رکھی ہے کہ گشت کا نظام موثر بنایا جائے اور سماج دشمن عناصر سے کسی قسم کی رعایت نہ کی جائے انہوں نے کہا کہ عوام کی تجاویز پر امن و امان کو یقینی بنایا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ:لالہ موسیٰ شہر اور گردونواح میں آوارہ اور خارش زدہ کتوں کی یلغار ،شہری پریشانی میں مبتلا
لالہ موسیٰ(محمد بلال احمد بٹ)لالہ موسیٰ شہر اور گردونواح میں آوارہ اور خارش زدہ کتوں کی یلغار ،شہری پریشانی میں مبتلا،اس سلسلہ میں ملنے والی تفصیلات کے مطابق لالہ موسیٰ شہر اور گردونواح میں آوارہ اور خارش زدہ کتوں نے عوام کی ناک میں دم کر رکھا ہے،بعض کتوں کے جسم پرتو کیڑے بھی پڑے ہوئے ہیں جو عوام کو کاٹنے کے ساتھ ساتھ مختلف بیماریاں پھیلانے کا باعث بن رہے ہیں اس سلسلہ مین ٹی ایم اے حکام کا کہنا ہے کہ آوارہ کتوں کو تلف کرنے کی ذمہ داری محکمہ صحت کی ہے جبکہ محکمہ صحت کے حکام بھی کافی عرصہ سے اپنی ذمہ داری پوری کرنے سے قاصر ہیں،عوامی حلقوں نے ڈی سی او گجرات سے پر زور مطالبہ کیا ہے کہ آوارہ کتوں کو تلف کرنے کیلئے اقدامات کئے جائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ:نشہ نہ ملنے کی وجہ سے یا۔۔۔۔۔؟خواص پور کا نشئی بازار میں گر کر دم توڑ گیا
لالہ موسیٰ(محمد بلال احمد بٹ)نشہ نہ ملنے کی وجہ سے یا۔۔۔۔۔؟خواص پور کا نشئی بازار میں گر کر دم توڑ گیا،اس سلسلہ میں بتایا جاتا ہے کہ نواحی گائوں خواص پور کا رہائشی انتظار حسین ولد نذر حسین،مین بازار لالہ موسیٰ میں چلتے ہوئے گر کر دم توڑ گیا بتایا جاتا ہے کہ متوفی نشی اور نشہ آور ٹیکوں کا عادی تھا، پولیس نے ضروری کاروائی کے بعد نعش ورثاء کے حوالے کر دی یہاں یہ امر قابل ذکر ہے کہ لالہ موسیٰ شہر میں اکثر میڈیکل سٹوروں پر کھلے عام نشہ آور ٹیکے کھلے عام فروخت ہو رہے ہیں،اخبارات میں نشاندہی کے باوجود ضلعی انتظامیہ نوٹس نہیں لے رہی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ:انجمن حقوق نوجوانان کا اجلاس زیر صدارت صدر انجمن حقوق نوجوانان خالد مجید بٹ منعقد ہوا
لالہ موسیٰ(محمد بلال احمد بٹ)انجمن حقوق نوجوانان کا اجلاس زیر صدارت صدر انجمن حقوق نوجوانان خالد مجید بٹ منعقد ہوا،اجلاس میں عہدیداران کی بھر پور شرکت،سرپرست انجمن حقوق نوجوانان شیخ امجد،جنرل سیکرٹری فیضان بٹ دھامہ،سینئر نائب صدر ٹھیکیدار ارشد،نائب صدر رمیض جاوید،نائب صدرملک عمیر خزانچی وقار بٹ،ملک علی،ذیشان شیخ،پیر حیدر شاہ،علی بٹ دھامہ،شیخ عرفان،منیر
قریشی،ملک فیضان،شاہد بٹ دھمہ و دیگر نے بھر پور شرکت کی اجلاس میںآئندہ بلدیاتی انتخابات کے حوالہ سے غور و فکر،اجلاس میں طہ پایا کہ آئندہ انجمن حقوق نوجوانان بلدیاتی انتخابات میں شہر کے نمائندوں کو کامیاب کروائیں گے جو شہر کے مسائل ہنگامی بنیاودں پر حل کروائیں،اجلاس کے اہتمام پر سی او بلدیہ وجاہت صدیقی سے پر زور مطالبہ کیا ہے کہ مندربازار میں جلد سے جلد ڈینگی سپرے کروائیں مندر بازار میں مچھروں کی یلغار سے تاجروں کا جینا محال ہو گیاہے،جسکی وجہ سے ڈینگی کی بیماری لاحق ہونے کا خدشہ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ:آئندہ بلدیاتی انتخابات میں بھر پور حصہ لیں گے چوبیس گھنٹے پبلک سیکرٹریٹ پر عوامی خدمات میں مصروف ہیں،چوہدری اعجاز احمد میانہ چک
لالہ موسیٰ(محمد بلال احمد بٹ)آئندہ بلدیاتی انتخابات میں بھر پور حصہ لیں گے چوبیس گھنٹے پبلک سیکرٹریٹ پر عوامی خدمات میں مصروف ہیں،ان خیالات کا اظہار سابق صوبائی وزیر چوہدری اعجاز احمدآف میانہ چک نے کیا،انہوں نے کہا کہ بلدیاتی انتخابات کے حوالہ سے دوستوں اور ساتھیوں سے مشاورت جاری ہے انشاء اللہ ہر وارڈ سے ہمارے نمائندے بلدیاتی انتخابات میں حصہ لیں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ:منور وایت بٹ کی منگووال مشہور قتل کیس میں ضمانت کنفرم ہونے پر باگڑیانوالہ خاندان کو دل کی اتھاہ گہرائیوں سے مبارکباد پیش کرتے ہیں،چوہدری عدیل پرویز
لالہ موسیٰ(محمد بلال احمد بٹ)ممتاز سماجی سیاسی شخصیت ولایت خان بٹ باگڑیانوالہ کے فرزند ارجمند منور ولایت بٹ باگڑیانوالہ کی منگووال مشہور قتل کیس میں ضمانت کنفرم ہونے پر باگڑیانوالہ خاندان کو دل کی اتھاہ گہرائیوں سے مبارکباد پیش کرتے ہیں، ان خیالات کا اظہار نوجوان سماجی و کارباری شخصیت چوہدری عدیل پرویز نے ایک ملاقات میں گفتگو کرتے ہوئے کیا،انہوں نے کہا کہ منور ولایت بٹ بناگڑیانوالہ ہر دل عزیز عوامی راہنما ہیں ان کی ضمانت کنفرم ہونا حلقہ کے عوام کی دعائوں اور بے گناہی کا ثبوت ہے توقع ہے کہ منور ولایت بٹ باگڑیانوالہ منگووال اجتماعی قتل کیس سے جلد بری ہونگے،انہوں نے کہا کہ ہم باگڑیانوالہ خاندان کو مبارکباد پیش کرتے ہیں اور توقع رکھتے ہیں کہ منور ولایت بٹ اپنے بھائی امجد ولایت بٹ باگڑیانوالہ کے شانہ بشانہ اپنے والد محترم ولایت خان بٹ باگڑیانوالہ کے عوامی خدمت کے مشن کو جاری رکھیںگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ: صدر فرنیچر ایسوسی ایشن لالہ موسیٰ مہر طارق سعید کو ایگزیکٹو ممبر گجرات چیمبر آف کامرس منتخب ہونے پر دل کی اتھاہ گہرائیوں سے مبارکباد پیش کرتے ہیں،راجہ ایس وکٹر،مہر طارق محمود
لالہ موسیٰ(محمد بلال احمد بٹ )سابق ممبر ضلعی اسمبلی و سابق اقلیتی کونسلر بلدیہ لالہ موسیٰ راجہ ایس وکٹر ،ممتاز کاروباری شخصیت مہر طارق محمود ایم ڈی رائل فرنیچر نے اپنے مشترکہ بیان میں صدر فرنیچر ایسوسی ایشن لالہ موسیٰ مہر طارق سعید کو ایگزیکٹو ممبر گجرات چیمبر آف کامرس منتخب ہونے پر دل کی اتھاہ گہرائیوں سے مبارکباد پیش کرتے ہیں گجرات چیمبر آف کامرس کے پلیٹ فارم سے بزنس کمیونٹی کے مسائل کے حل کیلئے بھرپور کردار ادا کریں گے،انہوں نے مزید کہا کہ مہر طارق سعید عوامی خدمت کے جزبہ سے سرشار انسان ہیں اور وہ اپنی صلاحیتوں کے بل بوتے پر گجرات چیمبر آف کامرس میں لالہ موسیٰ کا نام روشن کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ: انصر محمود باجوہ نے گجرات چیمبر آف کامرس کے انتخابات میں شاہین گروپ کے کلین سویپ کرنے کی خوشی میں اپنے دفتر میں مٹھائی تقسیم کی
لالہ موسیٰ(محمد بلال احمد بٹ)گجرات چیمبر آف کامرس کے سابق ایگزیکٹو ممبر و ایم
ڈی ایور گرین ایئر ٹریولز ریلوے روڈ لالہ موسیٰ انصر محمود باجوہ نے گجرات چیمبر آف کامرس کے انتخابات میں شاہین گروپ کے کلین سویپ کرنے کی خوشی میں اپنے دفتر میں مٹھائی تقسیم کی گجرات چیمبر کے انتخابات کو ایک ہفتہ گزرنے کے باوجود تاحال انصر جاوید باجوہ کے دفتر مبارکباد دینے کیلئے آنے والے چیمبر ممبران،سیاسی سماجی کاروباری افراد کی مٹھائی سے تواضع جاری ہے،گذشتہ روز بھی ایم ڈی عائش ایکسپریس،بابر بھٹی،مہر احسان احمد،سید عرفان حیدر،ڈاکٹر حکیم اقبال تارڑ،چوہدری اعظم سندھاریہ،نعیم باجوہ،سید خادم حسین شاہ و دیگر نے انصر جاوید باجوہ کو شاہین گروپ کی کامیابی پر مبارکباد دی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گورنمنٹ ایلیمنٹری کالج برائے خواتین کوایلیمنٹری کالج (بوائز)میں ضم کرنا زیادتی ہے،مہر طارق سعید،اقبال بٹ دھامہ
لالہ موسیٰ(محمد بلال احمد بٹ)گورنمنٹ ایلیمنٹری کالج برائے خواتین کوایلیمنٹری کالج (بوائز)میں ضم کرنا زیادتی ہے،جسکی پر زور مذمت کرتے ہیں اور وزیراعلیٰ پنجاب سے مطالبہ کرتے ہیں کہ اس فیصلہ کو فی الفور واپس لیا جائے،ان خیالات کا اظہار ایگزیکٹو ممبر گجرات چیمبر آف کامرس مہر طارق سعید،سابق امیدوارناظم محمد اقبال بٹ دھامہ نے اپنے مشترکہ بیان میں کیا،انہوں نے کہا کہ ایک ای میل کے ذریعے لالہ موسیٰ کے عوام کے حق پر شب و خون مارا گیا ہے اگر کسی اور ضلع میں ایلیمنٹری کالج نہیں تھا تو حکومت کی ذمہ داری تھی وہاں کالج بناتی لیکن ایک وومن کالج کو بوائز کالج میں ضم کرنے سے مسائل پیدا ہونگے اور لالہ موسیٰ کے عوام بچوں بچیوں کی مشترکہ تعلیم ہر گز برداشت نہیں کریں گے انہوں نے کہا کہ اس فیصلے کو رکوانے کیلئے مقامی ایم این اے ،ایم پی اے بھی اپنا کردار ادا کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ:بجلی کی قیمتوں میں اضافہ در اصل حکومتی بھتہ خوری ہے،نوازش علی شیخ ایڈووکیٹ
لالہ موسیٰ(محمد بلال احمد بٹ)بجلی کی قیمتوں میں اضافہ در اصل حکومتی بھتہ خوری ہے۔آئی ایم ایف اور بجلی مہیا کرنے والی کمپنیوں کی ملی بھگت سے پاکستانیوں کو مہنگی بجلی دی جا رہی ہے۔ان خیالات کا اظہار پاکستان تحریک انصاف ضلع گجرات کے راہنما ٹکٹ ہولڈر حلقہ پی پی 112نوازش علی شیخ ایڈووکیٹ نے کیا انہوں نے کہا کہ پاکستان میں دو روپے یونٹ کے حساب سے بجلی کا بل وصول کیا جانا چاہیے کیونکہ پاکستان میں پچاس ہزار میگا واٹ سے زائد بجلی بنانے کی گنجائش موجود ہے۔جبکہ آئی ایم ایف اور بجلی کی کمپنیوں کی ملی بھگت سے پاکستانیوں کو مہنگی بجلی مہیا کی جا رہی ہے جو کہ در اصل بجلی کا بل نہیں بلکہ حکومتی سطح پر صارفین بجلی سے زبردستی بھتہ وصول کیا جا رہا ہے۔انہوں نے کہا کہ بجلی کی قیمتوں میں اضافے اور خود ساختہ لوڈشیڈنگ کے متعلق چیف جسٹس آف پاکستان جناب افتخار محمد چوہدری صاحب کو از خود نوٹس لینا چاہیے۔یا بصورت دیگر پاکستانی قوم کو ملی یکجہتی کا مظاہرہ کرتے ہوئے از خود دو روپے یونٹ کے حساب سے گھریلو، کمرشل اور انڈسٹریل بل ادا کرنا چاہیے۔
