لالہ موسی کی خبریں 21.08.2013
Posted on August 22, 2013 By Tahir Webmaster سٹی نیوز
ٹی او آر کھاریاں، سی او لالہ موسیٰ کی تجاوزات کمیٹی کے ہمراہ ایس ایچ او تھانہ سٹی سے ملاقات
لالہ موسیٰ(محمد بلال احمد بٹ)ٹی او آر کھاریاں،سی او لالہ موسیٰ کی تجاوزات کمیٹی کے ہمراہ ایس ایچ او تھانہ سٹی سے ملاقات،ت جاوزات ہٹانے کے لئے عملہ پولیس بھر پور تعاون کرے گا،ٹی ایم اے کے اہلکاروں کے ہمراہ وپلیس نفری بھی ہو گی،مزاحمت،رکاوٹ،بدتمیزی پر پولیس کاروائی کرے گی،ٹی ایم اے کے اہلکار سوموار سے تجاوزات کے خلاف مہم کا آغاز کریں گے،صبح ساڑھ نو بجے مین بازار میں ہر قسم کی چنگ چی ،ریڑھے کے داخلہ پر ماڈل سکول بیریئر تک سخت سے پابندی ہو گی، جبکہ بازار میں تھڑوں کے لیے تین فٹ جگہ دی جائے گی،تجاوزات کے خلاف مہم صرف مین بازار نہیں پورے شہر میں پھیلائی جائے گی،ایس ایچ او سٹی انسپکٹر ناصر بٹ سے ملاقات کرنے والوں میں ٹی او آر کھاریاں نوید اشرف وڑائچ،سی او بلدیہ شیخ وجاہت صدیقی ممبران کمیٹی سیٹھ قدیر،معظم بٹ،حاجی اختر برنالہ،نعیم اشرف،حاجی گلزار پسوال،عمران رزاقی،سیٹھ طفیل و دیگر شامل تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اداکارہ” میرا” ناروے کے دورہ پراور ممتاز سماجی سیاسی وکاروباری شخصیت شیخ طارق محمود کی مہمان ہیں
لالہ موسیٰ(محمد بلال احمد بٹ)اداکارہ میرا ناروے کے دورہ پراور ممتاز سماجی سیاسی وکاروباری شخصیت شیخ طارق محمود کی مہمان ہیں شیخ طارق محمود کے قریبی دوست نے میرا سے شادی کی خواہش کا اظہار کر دیا، اداکارہ میرا آج کل ایک فلم کی شوٹنگ کے سلسلہ میں اوسلو میں شیخ طارق محمود کی مہمان ہیں اس سلسلہ میں شیخ طارق محمود نے بتایا کہ انکے لالہ موسیٰ میں مقیم ایک اعلیٰ سرکاری افسر دوست نے میرا کے ساتھ دوسری شادی کا اظہار کیا گیا ہے جبکہ میرا نے انکارکرتے ہوئے کہا ہے کہ ابھی وہ پاکستان انڈسٹری کی بقاء کے لیے جدوجہد کرنا چاہتی ہیں اور میری خواہش ہے کہ پاکستان کی فلم انڈسٹری کا مقام دنیا میں اونچا ہو،جشن آزادی پاکستان کے حوالہ سے ممتاز سیاسی و سماجی شخصیات آج کل ناروے کے دورے پر ہیں اور شیخ طارق محمود خاندانی روایات نبھاتے ہوئے انکی میزبانی کر رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پنجاب حکومت کی ڈینگی مکائو مہم اور پولیو مہم عروج پر
لالہ موسیٰ(محمد بلال احمد بٹ)پنجاب حکومت کی ڈینگی مکائو مہم اور پولیو مہم عروج پر ،ہیلتھ مراکز پر مریض خوار ڈاکٹرز اور معاون عملہ بھی بی ایچ یو پر موجود نہیں ہوتا ایم ایس صاحبان بھی نمبر بنانے وقت سے پہلے ہی مطلوبہ جگہ پر پہنچ جاتے ہیں،جبکہ نواحی دیہاتوں کے مریض گھنٹوں انتظامیہ کے بعد مجبوراً پرائیویٹ ہسپتالوں کا رخ کرتے ہیں جہاں ان کی قصائیوں کی طرح کھال اتاری جاتی ہے عوامی حلقوں نے مطالبہ کیا ہے کہ وزیراعلیٰ کا ڈینگی مکائو پروگرام ضروری ہے تو اس کی میٹنگ شام کے اوقات میں رکھی جائیں دن بھر ہیلتھ مراکز دیہی مراکز صحت پر محکمہ صحت کا پورا عملہ حاضر ڈیوٹی ہونا چاہیے تاکہ عوام کو بنیادی صحت کی سہولیات پہنچانے کا وعدہ کسی حد تک پورا ہو سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مستحق بچوں کی امداد کیلئے سماجی تنظیم المدد چیریٹی نے مبینہ طور پر اپنا معیار مقرر کر لیا
لالہ موسیٰ(محمد بلال احمد بٹ)مستحق بچوں کی امداد کیلئے سماجی تنظیم المدد چیریٹی نے مبینہ طور پر اپنا معیار مقرر کر لیا،ان بچوں کی امداد کی جاتی ہے جو اسی فیصد نمبر حاصل کریں،عوامی حلقوں کا کہنا ہے کہ اصل میں وہ بچے امداد کے مستحق ہوتے ہیں جو غریب گھروں کے ہیں اور انتہائی نامساعد حالات میں تعلیم حاصل کر رہے ہیں انہیں کتب کی فراہمی کر کے معاشرے کاکارآمد شہری بنانے میں مدد کی جائے اسی فیصد نمبروں کی شرط نہں ہونے چاہیے ایسے ذہین بچوں کی سرپرستی تو حکومت کو کرنی چاہیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات چیمبر آف کامرس کے سالانہ انتخابات شاہین گروپ نے صدر فرنیچر ایسوسی ایشن لالہ موسیٰ مہر طارق سعید کو ایسوسی ایٹ کلاس کیلئے اپنا امیدوارنامزد کر دیا
لالہ موسیٰ(محمد بلال احمد بٹ)گجرات چیمبر آف کامرس کے سالانہ انتخابات شاہین گروپ نے صدر فرنیچر ایسوسی ایشن لالہ موسیٰ مہر طارق سعید کو ایسوسی ایٹ کلاس کیلئے اپنا امیدوارنامزد کر دیا،اس موقعہ پر صدر شاہین گروپ حاجی ناصر محمود،محمد جاوید بٹ،ایگزیکٹو ممبر میاں احسان الٰہی سمیت شاہین گروپ کے عہدیداران ایگزیکٹو ممبران بھی موجود تھے لالہ موسیٰ میں صحافیوں سے گفتگو کرتے ہوئے مہر طارق سعید نے کہا کہ شاہین گروپ کی قیادت نے مجھ پر جس اعتماد کا اظہار کیا ہے اس پر پورا اترتے ہوئے بھر پور کامیابی حاصل کروں گا،اور کامیابی کے بعد حاجی ناصر محمود،محمد جاوید بٹ کی قیادت میں لالہ موسیٰ کی بزنس کمیونٹی کے مسائل ترجیحی بنیادوں پر حل کروں گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مہر طارق سعید کو ایسوسی ایٹ کلاس کی قیادت کی طرف سے مہر طارق سعید کو ایسوسی ایٹ کلاس کیلئے امیدوار نامزد کرنے کے فیصلہ کا خیر مقدم کرتے ہیں،میاں احسان الٰہی
لالہ موسیٰ(محمد بلال احمد بٹ)ایگزیکٹو ممبر گجرات چیمبر آف کامرس میاں احسان الٰہی نے شاہین گروپ کی قیادت کی طرف سے مہر طارق سعید کو ایسوسی ایٹ کلاس کی قیادت کی طرف سے مہر طارق سعید کو ایسوسی ایٹ کلاس کیلئے امیدوار نامزد کرنے کے فیصلہ کا خیر مقدم کرتے ہوئے کہا کہ مہر طارق سعید کا شمار لالہ موسیٰ کے سلجھے اور ہر دل عزیز کاروباری افراد میں ہوتا ہے انکی بھر پور انتخابی مہم چلا کر انکو کامیابی سے ہمکنار کریں گے،انہوں نے کہا کہ شاہین گروپ کی قیادت نے لالہ موسیٰ کو دوسری سیٹ دے کر جس محبت کا اظہار کیا ہے اس پر ہم قیادت کے تہہ دل سے مشکور ہیں انشاء اللہ مہر طارق سعید کی سیٹ جیت کر قائدین کوگفٹ کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رحمن میڈیکل کمپلیکس ملک ہسپتال مین بازار میں ڈبل پاور ڈاپلر کلر الٹرا سائونڈ کے افتتاح کے موقع پر تقریب آج مورخہ22اگست بروز جمعرات دو پہر دو بجے منعقد ہو گی
لالہ موسیٰ(محمد بلال احمد بٹ)رحمن میڈیکل کمپلیکس ملک ہسپتال مین بازار میں ڈبل پاور ڈاپلر کلر الٹرا سائونڈ کے افتتاح کے موقع پر تقریب آج مورخہ22اگست بروز
جمعرات دو پہر دو بجے منعقد ہو گی،قاری محمد اصغر درس قرآن دیں گے،جبکہ سابق ہیڈ ماسٹر گورنمنٹ ماڈل ہائی سکول لالہ موسیٰ ملک محمد یاسین افتتاح کریں گے ،ملک ہسپتال کے ایم ڈی ڈاکٹر آصف اقبال ملک نے شہری جمہوری اتحاد کے ممبران بھی افتتاحی تقریب میں شریک ہونگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ کے ممبران اسمبلی کی شہر کی صفائی کے لیے بنائی گئی کمیٹی کا اجلاس آج صبح دس بجے دفتر بلدیہ لالہ موسیٰ میں منعقد ہو گا
لالہ موسیٰ(محمد بلال احمد بٹ)لالہ موسیٰ کے ممبران اسمبلی کی شہر کی صفائی کے لیے بنائی گئی کمیٹی کا اجلاس آج صبح دس بجے دفتر بلدیہ لالہ موسیٰ میں منعقد ہو گا چیف آفیسر بلدیہ نے بتایا کہ صفائی کمیٹی لالہ موسیٰ میں صفائی کی صورتحال بہتر بنانے کے لیے تجاویز اور عملی اقدمات کے لیے لائحہ عمل طے کرے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹریفک حادثہ میں زخمی ہونے والا کریم پورہ کا رہائشی نوجوان ہسپتال میں دم توڑ گیا
لالہ موسیٰ(محمد بلال احمد بٹ)ٹریفک حادثہ میں زخمی ہونے والا کریم پورہ کا رہائشی نوجوان ہسپتال میں دم توڑ گیا،تفصیل کے مطابق محلہ کریم پورہ کا رہائشی نوجوان شہباز احمد ولد مرزا عارف بیگ مینجر (ر)نیشنل بینک لالہ موسیٰ کے موٹر سائیکل کا گزشتہ روز گاڑی سے حادثہ ہو گیا تھا جسے شدید زخمی حالت میں ہسپتال میں داخل کروا دیا گیا تھا گذشتہ روز زخموں کی تاب نہ لاتے ہوئے دم توڑ گیا،متوفی کو سینکڑوں سوگواروں کی موجودگی میں سپرد خاک کر دیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ضلعی صدر پاکستان سنی تحریک صاحبزادہ پیر سید مبشر حسین شاہ آستانہ عالیہ شکریلہ شریف کی صاحبزادی کی روح کے ایصال ثواب کے لئے ختم قل کا اہتمام آستانہ
عالیہ شکریلہ شریف میں کیا گیا
لالہ موسیٰ(محمد بلال احمد بٹ)ضلعی صدر پاکستان سنی تحریک صاحبزادہ پیر سید مبشر حسین شاہ آستانہ عالیہ شکریلہ شریف کی صاحبزادی کی روح کے ایصال ثواب کے لئے ختم قل کا اہتمام آستانہ عالیہ شکریلہ شریف میں کیا گیا،تلاوت کلام پاک کی سعادت قاری عبدالعزیز نقشبندی نے حاصل کی،صاحبزادہ پیر سید مبشر حسین شاہ نے خصوصی خطاب کیا،اختتامی دعا میں صاحبزادہ پیر محمد اختر حسین اشرفی صدر سنی اتحاد کونسل لالہ موسیٰ،صاحبزادہ غلام مرتضی طیب،صدر سنی تحریک لالہ موسیٰ محمد شہباز قادری،مرزا محمد عتیق،مولانا اکرام چشتی،عبدالمنان بھٹہ،احمد رضا،محمد سلیمان،محمد ناظم سمیت ضلع بھر سے پاکستان سنی تحریک کے عہدیداران کاکارکنان نے قافلوںکی صورت میں شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صدر پریس کلب جلالپورجٹاں اور چیف ایڈیٹر گردش ایام محمد ایوب بٹ کو سنگین نتائج کی دھمکیوں پر زور مذمت کرتے ہیں،لالہ موسیٰ کے صحافیوں کا مذمتی موقف
لالہ موسیٰ(محمد بلال احمد بٹ)صدر پریس کلب جلالپورجٹاں اور چیف ایڈیٹر گردش ایام محمد ایوب بٹ کو سنگین نتائج کی دھمکیوں پر زور مذمت کرتے ہیں ان خیالات کا اظہار جنرل سیکرٹری لالہ موسیٰ پریس کلب لالہ موسیٰ خالد مجید بٹ ،مینجنگ ایڈیٹر گردش ایام ملک ناصڑ،ریذیڈنٹ ایڈیٹر منشاء بٹ،چیف ایڈیٹر ڈیلی جلا وطن محمد بلال احمد بٹ،صحافی ذیشان شیخ، سینئر صحافی ملک سراج اشرفی،راجہ عبدالرحمان ودیگر نے اپنے جاری مذمتی بیان میں کیا انہوں نے کہا کہ ہم تن من دھن سے محمد ایوب بٹ کے ساتھ ہیں اور ڈی پی او گجرات سے پر زور مطالبہ کرتے ہیں کہ کرپٹ پولیس فراست چٹھہ کے خلاف قانونی کاروائی کر کے کیفرکردار تک پہنچایا جائے تاکہ آئندہ کوی بھی پولیس محکمہ میں موجود کالی بھیڑیں ایسی جرات نہ کر سکے۔مشترکہ بیانات میں صحافیوں نے کہا کہ اگر ہماری داد رسی نہ کی گئی تو ہم احتجاجی دائرہ کارکو وسیع کریں گے۔
