لالہ موسی کی خبریں 24.09.2013
Posted on September 25, 2013 By Tahir Webmaster سٹی نیوز
لالہ موسیٰ: صاحبان اقتدار نے 100دنوں میں عوام کی چیخیں نکلوا دیں،چوہدری ندیم اصغر کائرہ
لالہ موسیٰ(محمد بلال احمد بٹ)سابق تحصیل ناظم کھاریاں ندیم اصغر کائرہ نے اپنے بیان میں کہا ہے کہ صاحبان اقتدارنے 100دنوں میں عوام کی چیخیں نکلوا دیں،انہوں نے کہا کہ حکمرانوں نے جب سے اقتدار سنبھالا ہے انکے اقدامات سے عوام مہنگائی کے
بوجھے تلے دبتے چلے جا رہے ہیں،مہنگائی بے روزگاری بدامنی لاقانونیت قتل و غارت گری نقطہ عروج پر پہنچ گئی ہے،بجلی گیس پیٹرولیم مصنوعات کی شرح میں اسی شرح سے اضافہ ہوتا رہا تو موجودہ اور آنے والے بجلی گیس کے بل ادا کرنے کی عوام می سکت نہیں رہے گی،60فیصد آبادی خط غربت سے نیچے زندگی گزار رہی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ: پشا ور میں ہو نے والے خو د کش دھما کے حیو انیت کا واضع عکس ہیں ہم اس کی پر زور مذمت کر تے ہیں،سیف الرحمن بھٹی سابق ٹکٹ ہولڈر حلقہ پی پی112
لالہ موسیٰ (محمد بلال احمد بٹ ) پاکستان مسلم لیگ (ن) کے رہنما و سابق ٹکٹ ہو لڈر حلقہ پی پی 112 سیف الرحمن بھٹی نے کہا ہے کہ پشا ور میں ہو نے والے خو د کش دھما کے حیو انیت کا واضع عکس ہیں ہم اس کی پر زور مذمت کر تے ہیں اور امنی مسیحی برا دری کے غم میں بر ا بر کے شریک ہیں۔ میاں محمد نواز شریف ملک کو در پیش دہشت گردی جیسے چیلنجز سے نکا لنے کے لیے خصوصی اقدا ما ت کر رہے ہیں ۔ امن و اما ن کی فو ری بحا لی کے لیے میا ں بردارا ن کی کا وشیں جلد رنگ لا ئیں گی۔ انہو ں نے کہا کہ آل پا ر ٹی کا نفرنس بلا نا اس با ت کی واضع دلیل تھی کہ ہما ری قیا دت ملکی وسیع مفا دات کی خا طر سب جما عتو ں کو سا تھ لے کر چلنا چا ہتی ہے۔اسی لیے آل پا رٹی کا نفرنس کے تما م مثبت نکا ت پر تما م پا رٹیو ں نے اعتما د کا اظہا ر کر تے ہو ئے اتفا ق کیا ہے۔۔ ان خیالات کا اظہا رانھوں نے حلقہ کے مختلف علاقوں سے ملاقات کیلئے آئے وفود سے گفتگو کے دوران کیا ۔ انھوں نے کہا کہ ہمیں ضلع گجرات کو حقیقی معنوں میں مسلم لیگ (ن) کا گڑھ بنانا ہے لہذا تمام یونین کونسلوں کی سطح پر ورکر بھر پور طریقے سے بلدیا تی الیکشن کی تیاری جار ی رکھیں ۔ ہم نے ہر صو رت قیا دت کو گجرا ت میں واضع بر تر ی کے ساتھ جیت کر بلدیا ت کا تحفہ دینا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ:شیعہ علماء کونسل تحصیل کھاریاں کے علماء کرام کا پیٹر سن چرچ لالہ موسیٰ کا دورہ
لالہ موسیٰ(محمد بلال احمد بٹ) شیعہ علماء کونسل تحصیل کھاریاں کے علماء کرام کا پیٹر سن چرچ لالہ موسیٰ کا دورہ ،جعفریہ یوتھ کے نوجوانوں نے سانحہ پشاور میں ہلاک ہونے والوں کی یاد میں شمعیں روشن کیں۔اس موقع پر شیعہ علما ء کونسل تحصیل کھاریاں کے سرپرست اعلیٰ علامہ سید حسنین کاظمی کی قیادت میں علماء کے وفد نے پیٹرسن چرچ کے پادری ہارون اجمل سے سانحہ پشاور میں جان بحق ہو نے والے افردا کی تعزیت کی اور افسوس کا اظہار کرتے ہوئے کرسچن کمیونٹی کے لوگوں سے خطاب کرتے ہوئے کہا کہ دہشت گردوں کا کوئی مذہب نہیں نہ جانے یہ لوگ کون سے اسلام کی خدمت کر رہے ہیںپاکستان میں دہشت گردی کے حالیہ واقعات پاکستان کو بدنام کرنے کی سازش ہیں۔اس میں کوئی شک نہیں کے غیر ملکی طاقتیں پاکستان کو نا کام کرنے کیلئے دہشت گردوں کی سرپرستی کر رہی ہیں لیکن سوچنے کی بات یہ کہ خود کش بم بار امریکہ اور انڈیا سے نہیں آ رہے بلکہ یہاں کے لوگ ہی ہیں جو یہ کام کرتے ہیں حکومت اور ایجنسیاں سب جانتی ہیں کے دہشت گردوں کی فیکٹریاں کہا ں ہیںاور کون لوگ ہیں جو خود کش بمبار پال رہے ہیںجب یہ سلسلہ شروع ہوا تھا تو شیعان حیدر قرار نے اسی وقت کہہ دیا تھا کہ ان دہشت گردوں اور انکی سرپرستی کرنے والوں کو آہنی ہاتھوں سے نمٹا جائے ۔آج حکومت دہشت گردوں سے مذاکرات کر رہی ہے اور خطرناک دہشت گرد رہا کئے جا رہے ہیں۔لیکن پہلے قوم کو یہ بتایا جائے کہ ان دہشت گردی کے واقعات میں ہلاک ہونے والوں کے ورثا نے انکا خون معاف کیا ہے یا نہیں۔انہوں نے کہا کہ حکومت کی پہلے ہی قانون نافذ کرنے والے اداروں پر گرفت کمزور ہے ایسے واقعات سے دہشت گردوں کے حوصلے بلند ہونگے اور ملک خانہ جنگی کا شکار ہو جائے گا۔لہذا ضرورت اس امر کی ہے کہ ان دہشت گردوں کو کیفر کردار تک پہنچایا جائے۔پیٹر سن چرچ کے پادری ہارون اجمل نے اس موقع پر شیعہ علماء کونسل کے وفد کا شکریہ ادا کیا جبکہ یوتھ کے نوجوانوں نے پشاور سانحے میں جان بحق ہونے والوں کیلئے پیٹرسن چرچ میں شمعیں روشن کیں۔شیعہ علماء کونسل کے وفد میں سید ندیم عباس جعفری سابق تحصیل صدر،سید مخدوم حسین نائب صدر ضلع گجرات،سید اشتیاق حسین شاہ نائب صدر،ڈاکٹر میاں اعجاز احمد،سید جرار عباس،سید وسیم عباس اور سید کاظم نقوی شامل تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : نوازشریف کی قیادت میں مسلم لیگ (ن)کی حکومت دہشت گردی پرقابوپانے کیلئے عملی اقدامات کررہی ہے،چوہدری اشرف دیونہ
لالہ موسیٰ(محمد بلال احمدبٹ) مسلم لیگ (ن)کے راہنماء ممبرصوبائی اسمبلی حلقہ پی پی 112 چوہدری اشرف دیونہ نے کہاہے کہ میاں نوازشریف کی قیادت میں مسلم لیگ (ن)کی حکومت دہشت گردی پرقابوپانے کیلئے عملی اقدامات کررہی ہے جس کے مثبت اثرات جلدسامنے آنا شروع ہوجائیں گے ،پشاورمیں چرچ پرحملہ سے پوری قوم سوگوار ہے اوردکھ کی گھڑیوں میں مسیحی بھائیوں کے ساتھ کھڑی ہے ان خیالات کا اظہار انہوں نے مسیحی برادری کے زیراہتمام پشاورمیں گرجاگھرمیں خودکش حملہ کیخلاف احتجاجی ریلی کے شرکا ء سے خطاب کرتے ہوئے کیا ،انہوں نے کہاکہ مسلم لیگ (ن) اقلیتوں کو مساوی حقوق دینے پریقین رکھتی ہے اور ہماری حکومت نے یہ بات عمل سے ثابت کی ہے،دہشت گرد ملک وقوم کے دشمن ہیں ان کا کوئی ملک یا مذہب نہیں دہشت گردی کا مقابلہ کرنے کیلئے قومی اتحاد کی ضرورت ہے ،انہوں نے اس موقعہ پرموجود ڈی ایس پی ہیڈکوارٹر لالہ موسیٰ ملک منظوراحمداعوان،ایس ایچ اوسٹی اعجازاحمدبٹ کو ہدائت کی کہ مسیحی عبادت گاہوں کی سیکورٹی مزیدسخت کی جائے تاکہ سانحہ پشاورکی یاد دہرائی نہ جاسکے۔اس موقعہ پر سابق کونسلر حاجی شوکت محمود بٹ بھی انکے ہمراہ تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ:سابق ای ڈی اوہیلتھ کے بیٹے کا موٹرسائیکل اڑن چھو
لالہ موسیٰ(محمد بلال احمدبٹ) سابق ای ڈی اوہیلتھ کے بیٹے کا موٹرسائیکل اڑن چھو،تفصیل کے مطابق سابق ای ڈی او ہیلتھ گجرات ڈاکٹرخالدفیض کے بیٹے
شہریارخالد اپنا موٹرسائیکل ہنڈا125علی چک میں واقع سنوکرکلب کے باہرکھڑاکرکے اندرگئے تھوڑی دیربعد جب واپس آئے تو موٹرسائیکل غائب تھا شہریارخالد نے تھانہ صدر لالہ موسیٰ میں مقدمہ درج کرا دیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممبرصوبائی اسمبلی چوہدری محمداشرف دیونہ نے حاجی محمد حسین آف انگلینڈ کی وفات پر انکی رہائش گاہ پر جا کر اظہار تعزیت کیا
لالہ موسیٰ(محمد بلال احمد بٹ)ممبرصوبائی اسمبلی چوہدری محمداشرف دیونہ نے محکہ کریم پورہ کی ممتازشخصیت حاجی فضل حسین کھوکھر کے بھائی حاجی محمدحسین آف انگلینڈ کی وفات پر انکی رہائش گاہ پرجاکراظہارتعزیت کیا اور مرحوم کی روح کے ایصال ثواب کیلئے فاتحہ خوانی کی اس موقعہ پر سابق کونسلرحاجی شوکت محمود بٹ آف ریلوے روڈ ،چوہدری عمردیونہ بھی انکے ہمراہ تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ:پشاور کے گرجاگھرمیں خون کی ہولی قابل مذمت فعل ہے،مہر طارق سعید ایگزیکٹو ممبر چیمبر آف کامرس اینڈ انڈسٹری
لالہ موسیٰ(محمد بلال احمدبٹ) پشاور کے گرجاگھرمیں خون کی ہولی قابل مذمت فعل ہے،حکومت بیان بازی کے بجائے دہشت گردی کا نیٹ ورک توڑنے کیلئے عملی اقدامات کرے ان خیالات کا اظہار ایگزیکٹوممبر گجرات چیمبرآف کامرس اینڈ انڈسٹری مہرطارق سعید نے ایک ملاقات میں گفتگوکرتے ہوئے کیا،انہوں نے کہاکہ دہشت گردملک وقوم کے دشمن ہیں یہ کسی رعائت کے مستحق نہیں حکومت دہشت گردوں کا قلع قمع کرکے عوام کو تحفظ فراہم کرے انہوں نے کہاکہ کس قدرافسوسناک بات ہے کہ ملک میں عبادت گاہیں بھی محفوظ نہیں لوگ عبادت گاہوں میں جاتے ہوئے بھی گھبراتے ہیں،انہوں نے کہاکہ ہم مسیحی برادری کے دکھ میں برابر کے شریک ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ:شہیدجمہوریت چوہدری ظہورالٰہی شہید کی 32 ویں برسی آج منائی جارہی ہے
لالہ موسیٰ(محمد بلال احمد بٹ) شہیدجمہوریت چوہدری ظہورالٰہی شہید کی 32 ویں برسی آج منائی جارہی ہے ۔راہنما مسلم لیگ (ق)محمدحنیف حیدری کی قیادت میں کارکنوں نے چوہدری ظہورالٰہی شہیدکے مزار کو عرق گلاب سے غسل دیا،برسی کے حوالہ سے ظہورپیلس گجرات میں آج صبح نوبجے قرآن خوانی کی محفل منعقدہوگی اجتماعی دعا 10ہوگی ،برسی کی تقریب میں شرکت کیلئے چوہدری برادران گجرات پہنچ گئے ہیں ،برسی کی تقریب میں ارکان اسمبلی،ارکان سینٹ،سابق وفاقی،صوبائی وزرا،مسلم لیگ (ق) کے مرکزی صوبائی عہدیداران کی کثیرتعداد شرکت کی توقع ہے ،مسلم لیگی عہدیداران کی طرف سے چوہدری ظہورالٰہی شہید کے مزار پر پھولوں کی چادر چڑھائی جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ:حاجی خلیل احمدبٹ المعروف حاجی کالے خاں نے بلدیاتی الیکشن میں حصہ لیاتو بھرپورحمائت کریں گے،ملک محمد انور
لالہ موسیٰ(محمد بلال احمد بٹ)حاجی خلیل احمدبٹ المعروف حاجی کالے خاں نے بلدیاتی الیکشن میں حصہ لیاتو بھرپورحمائت کریں گے ان خیالات کا اظہار جنرل سیکرٹر ی مسلم لیگ لالہ موسیٰ ملک محمدانور نے ایک ملاقات میں کیا انہوں نے کہاکہ حاجی خلیل بٹ ایک متحرک اور ہردلعزیزشخصیت کے مالک انسان ہیں اگرسیدنورالحسن شاہ نے انہیں ٹکٹ دیاتووہ بھرپورکامیابی حاصل کریں گے ،انہوں نے کہاکہ آئندہ بلدیاتی انتخابات میں سادات گروپ بھرپور طریقے سے الیکشن میں حصہ لے گا اور انشاء اللہ تاریخی کامیابی سادات گروپ کا مقدربنے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ:سانحہ پشاور کیخلاف مسلم کرسچن اتحاد کا عملی مظاہرہ چیئرمین اے ٹی آئی عثمان عزیزقادری کی کاوشوں کا نتیجہ ہے ،چوہدری عرفان مہدی آف بدہوکالس
لالہ موسیٰ(محمد بلال احمد بٹ)سانحہ پشاور کیخلاف مسلم کرسچن اتحاد کا عملی مظاہرہ چیئرمین اے ٹی آئی عثمان عزیزقادری کی کاوشوں کا نتیجہ ہے ان خیالات کا اظہار ممتازسماجی ،سیاسی شخصیت چوہدری عرفان مہدی آف بدہوکالس نے ایک ملاقات میں کیا ،انہوں نے کہاکہ پشاورمیں ہونے والا واقعہ انتہائی افسوسناک ہے اس موقعہ پر پوری پاکستانی قوم مسیحی برادری کے ساتھ ہے۔انہوں نے حکومت سے پرزورمطالبہ کیاکہ دہشت گردوں کا نیٹ ورک توڑنے کیلئے سخت اقدامات کئے جائیں۔
