لالہ موسی کی خبریں 2.7.2013
Posted on July 3, 2013 By Geo Urdu سٹی نیوز
چوہدری محمد اشرف دیونہ MPAاور چوہدری محمد افضال دیونہ کی کاوشوں سے ماجرہ کے دوگرپوں میں راضی نامہ
لالہ موسیٰ(محمد بلال احمد بٹ) چوہدری محمد اشرف دیونہ MPAاور چوہدری محمد افضال دیونہ کی کاوشوں سے ماجرہ کے دوگرپوں میں راضی نامہ کردیا چوہدری مہندی خاں، چوہدری دلاور دیرینہ دشمنی چلی آرہی تھی جسے چوہدری محمد اشرف دیونہ اور چوہدری افضال دیونہ کی کاوشوں سے راضی نامہ کرا دیا گیا اور اس موقع پر دونوں گروپوں ایک دوسرے کو فی سبیل اللہ معاف کردیا اور ایک ساتھ چلنے کا عہد کیا راضی نامہ میں اہم کردار ادا کرنے والوں میں چوہدری اشرف دیونہ، چوہدری گلزار، چوہدری افضال دیونہ، چوہدری شہزاد دیونہ، چوہدری فیصل اقبال چھنی، چوہدری رضا ممتاز، چوہدری غلام چاہڑہ، چوہدری اعجاز چھنی، چوہدری اعجاز احمد رنیاں، چوہدری سرور و دیگر شامل تھے اس موقع پر چوہدری دلاور خاں اور چوہدری مہندی خاں نے خطاب کرتے ہوئے کہا کہ ہم ان تمام لوگوں کے مشکور ہیں جنہوں نے ہماری دیرینہ دشمنی کو دوستی میں تبدیل کردی اور انشاء اللہ ہم دونوں گروپ آپس میں بھائی چارے اور اتفاق سے رہنے کا اعلان کرتے ہیں اور ایک دوسرکے تمام رنجش کو معاف کرتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
الیکشن2013 نے وفاق کو نقصان پہنچایا اور صوبائیت کو ہوا دی ہے موجودہ حکومت سے بہتری کی کوئی امید نہیں،چوہدری ندیم اصغر کائرہ
لالہ موسیٰ(محمد بلال احمد بٹ)مرکزی راہنما پاکستان پیپلز پارٹی ،سابق تحصیل ناظم کھاریاں چوہدری ندیم اصغر کائرہ نے اپنے بیان میں کہا ہے کہ الیکشن2013 نے وفاق کو نقصان پہنچایا اور صوبائیت کو ہوا دی ہے۔ پیپلز پارٹی نے جمہوریت کی بقا کے لیے ان نتائج کو تسلیم کیا اور ہم نے احتجاج کی سیاست نہیں اپنائی۔انہوں نے کہا کہ ملک میں اس وقت دہشت گردی ہو رہی ہے بلوچستان پھر دہشت گردی کے نشانے پرکراچی میں بدامنی ہے لیکن اس کا مقصد یہ نہیں ہے کہ ہم کہہ دیں کہ بلوچستان حکومت ناکام ہوگئی ہے یا وفاقی وزیر داخلہ کی پالیسیاں غلط ہیں ہم یہ سمجھتے ہیں کہ دہشت گردی کا سامنا کر نے کے لیے ہم سب کومل کرآگے بڑھنا ہوگا۔انہوں نے کہا کہ مسلم لیگ ن کے قائدین صبح و شام کشکول توڑنے کا راگ الاپتے رہے ہیں موجودہ حکومت نے مہنگائی میں بے پناہ اضافہ کر دیا ہے لیکن پھر بھی آئی ایم ایف کے پاس جانا باعث تشویش ہے موجودہ حکومت سے بہتری کی کوئی توقع نظر نہیں آ رہی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہم وزیراعلیٰ پنجاب میاں شہباز کے ساتھ کندھے سے کندھا ملا کر کھڑے ہیں،چوہدری محمد اشرف دیونہ ایم پی اے
لالہ موسیٰ(محمد بلال احمد بٹ)راہنما مسلم لیگ ن ایم پی اے حلقہ پی پی112چوہدری محمد اشرف دیونہ نے اپنے بیان میں کہا ہے کہ حکومت معیشت کی بہتری کیلئے ہر ممکن قدم اٹھائے گی،اب وقت آگیا ہے کہ ہر پاکستانی وطن کی ترقی اور خوشحالی کیلئے اپنا کردار ادا کرے،انہوں نے کہا کہ مسلم لیگ ن کی حکومت گزشتہ وفاقی حکومت کی طرح وسائل کا بے دریغ استعمال نہیں کریگی، پاکستان وسائل صرف اور صرف عوام کی فلاح و بہبود کے لئے استعمال ہونگے، انہوں نے کہا کہ پنجاب حکومت اور میرے قائد میاں شہباز شریف پنجاب کو انشاء اللہ پوری دنیا میں رول ماڈل بنا نے کا عزم رکھتے ہیں اور ہم ان کے شانہ بشانہ ہر موقع پر ان کا تن دھن سے ساتھ دیں گے اور ان کے کندھے سے کندھا ملا کر کھڑے ہو کر ملک و قوم کی خدمت کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوا زشریف نے مشرف کے خلاف کارووائی کا اعلان کر کے قوم کے دل جیت لئے ہیں،سیف الرحمن بھٹی راہنما مسلم لیگ ن ضلع گجرات
لالہ موسیٰ(محمد بلال احمد بٹ)سابق امیدوار صوبائی اسمبلی حلقہ پی پی112،راہنما مسلم لیگ ن سیف الرحمن بھٹی نے اپنے بیان میں کہا ہے کہ وزیراعظم نواز شریف نے دو دفعہ آئین توڑنے پر مشرف کے خلاف آرٹیکل 6 کے تحت کاروائی اعلان کر کے نئی تاریخ رقم کی ہے جس سے مسلم لیگ ن کا گرا ف بہت اوپر چلا گیا ہے انہوں نے کہا کہ انشاء اللہ میاں نواز شریف اور میاں شہباز شریف ملک کو ترقی کی صحیح سمت پر گامزن کرنے میں کامیاب ہو جائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پنجاب ٹیچرز یونین ضلع گجرات کے نمائندہ وفد نے صدر چوہدری سرفراز احمد کی قیادت میں ڈی سی او گجرات سے ان کے دفتر میں ملاقات کی
لالہ موسیٰ(محمد بلال احمد بٹ)پنجاب ٹیچرز یونین ضلع گجرات کے نمائندہ وفد نے صدر چوہدری سرفراز احمد کی قیادت میں ڈی سی او گجرات سے ان کے دفتر میں ملاقات کی اس موقع پر چیئر مین جوائنٹ ایکشن کمیٹی کے صدر محمد انور بھٹی،ایس ای ایس ضلع گجرات کے صدر یاسین وڑائچ، جنرل سیکرٹری ریاض حیدر،آصف اقبال گوندل سمیت دیگر عہدیدار بھی موجود تھے وفد نے ڈی سی او گجرات کو ضلع بھر کے ٹیچرز کے مسائل سے آگاہ کیا،ڈی سی او گجرات آصف بلال لودھی نے ٹیچروں کے تمام مسائل منظور کرتے ہوئے احکامات جاری کئے،ڈی سی او گجرات نے کہا کہ جو اساتذہ فوت ہو چکے ہیں ان کے بچوں کو نوکریاں دی جائیں گی،سینارٹی لسٹ کی تیاری اور ان سروس پرموشن پر فوری عمل درآمد کیا جائے انہوں نے یہ بھی کہا کہ چار سال سے زائد اے ای او تعینات رہنے والوں کے تبادلے ہونگے اس کے علاوہ ٹیچروں کے سروس کارڈ کیلئے جن افسران نے سو روپے فی کارڈ وصول کیا ہے وہ واپس کریں اور سروس کارڈ دفتر ڈی سی او آفس میں متعلقہ کلرک سے 75 روپے میں حاصل کیا جا سکتاہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
موجودہ حکمرانوںنے ٹیکس لگا کر ملک میں مہنگائی کا طوفان کھڑا کر دیا ہے،ملک ناصر علی سابق امیدوار صوبائی اسمبلی
لالہ موسیٰ(محمد بلال احمد بٹ)سابق امیدوار صوبائی اسمبلی ملک ناصر علی نے کہا ہے کہ موجودہ حکمرانوںنے ٹیکس لگا کر ملک میں مہنگائی کا طوفان کھڑا کر دیا ہے،غریب عوام پہلے ہی دو وقت کی روٹی کو ترس رہے ہیں اور حالیہ جنرل سیلزٹیکس سے مہنگائی میں اضافہ اور غریب بھوکے مارنے کے مترادف ہے،انہوں نے کہا کہ جنرل سیلز ٹیکس آئی ایم ایف کے دباو میں آکر کیا گیا ہے عوام نے مہنگائی ٹیکس کو واپس لینے کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصالحتی کمیٹی کے عہدیداران اور ممبران خوف و خدا رکھتے ہوئے انصاف کریں،ایس ایچ او محمد یوسف تارڑ
لالہ موسیٰ(محمد بلال احمد بٹ)تھانہ صدر لالہ موسیٰ کے ایس ایچ او محمد یوسف تارڑ نے گذشتہ روز اپنے علاقہ کی مصالحتی کمیٹی کے عہدیداروں اور ممبران سے ملاقات کی ایس ایچ او نے کہا کہ مصالحتی کمیٹی کے عہدیداران اور ممبران خوف و خدا رکھتے ہوئے انصاف کریں اور سچ کا ساتھ دیں،مصالحتی کمیٹی کے عہدیداروں پر بھاری ذمہ داری عائد ہوتی ہے پولیس ان کے ساتھ ہر ممکن تاون کرے گی انہوںنے کہا کہ گائوں اور علاقوں میں معمولی نوعیت کے لڑائی جھگڑے مصالحتی کمیٹی فوری حل کرے اور لوگوں کو انصاف دے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پولیس چوکی جاتریہ کے قیام سے علاقہ میں امن و امان کی صورتحال بہتر ہوئی ہے
لالہ موسیٰ(محمد بلال احمد بٹ)پولیس چوکی جاتریہ کے قیام سے علاقہ میں امن و امان کی صورتحال بہتر ہوئی ہے،چوری اور ڈکیتی کی وارداتوں میں خاطر خواہ کمی واقع ہوئی ہے تھانہ صدر لالہ موسیٰ کے ایس ایچ او محمد یوسف تارڑ نے پولیس چوکی جاتریہ کا دورہ کیا اس موقع پر احسن نسیم بٹ چوکی انچارج نے کارکردگی رپورٹ پیش کی، معززین جاتریہ زمان جاتریہ،چوہدری محمد عارف سمیت معززین کی کثیر تعداد نے ایس ایچ او کو بتایا کہ پولیس چوکی کے قیام سے جرائم میں کمی واقع ہوئی ہے اور ہم چوکی کے قیا م پر مطمئن ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عالمی شہرت یافتہ لوک موسیقی گلوکار عالم لوہار کی 34ویں برسی لالہ موسیٰ میں منائی گئی
لالہ موسیٰ(محمد بلال احمد بٹ)عالمی شہرت یافتہ لوک موسیقی گلوکار عالم لوہار کی 34ویں برسی لالہ موسیٰ میں منائی گئی، لالہ موسیٰ کے صحافیوں اسد اللہ انصاری،گلزار احمد نوشی،شکیل وڑائچ،طارق منہاس،الطاف سلیمی،محمد انور انصاری سمیت دیگر صحافیوں نے ان کی قبر پر فاتحہ خوانی کی اس موقع پر صحافیوں نے عالم لوہار کی فنی صلاحیتوں اور لوک موسیقی کے حوالے سے ان کو زبردست الفاظ میں خراج
تحسین پیش کیا اب ان کے بیٹے عارف لاہور بھی اپنے والد کے نقش قدم پر چلتے ہوئے دنیا بھر میں گلوکاری اور لوک موسیقی کے حوالے سے پاکستان کا نام روشن کر رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رمضان المبارک کی آمد سے پہلے ہی لالہ موسیٰ شہر کے دکانداروں اور تاجروں نے کھانے پینے کی اشیاء کی قیمتوں میں اضافہ کر دیا ہے
لالہ موسیٰ(محمد بلال احمد بٹ)رمضان المبارک کی آمد سے پہلے ہی لالہ موسیٰ شہر کے دکانداروں اور تاجروں نے کھانے پینے کی اشیاء کی قیمتوں میں اضافہ کر دیا ہے،لوگوں کے روز مرہ استعمال کی چیزوں گھی، چینی، مرچ، مصالحے، بیسن، دودھ دہی، گوشت سبزی، فروٹ، مشروبات وغیرہ میں من مانی کرتے ہوئے اضافہ کر دیا ہے،لوگ مہنگائی کے ہاتھوں پہلے ہی پریشان ہیں اور اب دکانداروں نے ماہ رمضان سے پہلے اضافہ کر کے مزید لوگوں کی پریشان میں اضافہ کر دیا ہے
