لالہ موسی کی خبریں 26.08.2013
Posted on August 26, 2013 By Geo Urdu سٹی نیوز
لالہ موسیٰ:بھکر میں اہل سنت و الجماعت کابہیمانہ قتل درندگی ہے،مولانا عبداللہ اختر
لالہ موسیٰ(محمد بلال احمد بٹ)بھکر میں اہل سنت و الجماعت کابہیمانہ قتل درندگی ہے،ذمہ داران کو کیفرکردار تک پہنچایا جائے،ان خیالات کا اظہار ضلع گجرات کے ممتاز عالم دین سابق امیر جماعت علمائے اسلام گجرات ڈائریکٹر الفاروق اسلامک انسٹی ٹیوٹ مولانا عبداللہ اختر نے کی اانہوں نے کہا کہ اہل سنت والجماعت کے کارکنوں کو اغواء کر کے چنگیزی بربریت اور درندگی کی تاریخ دہرائی گئی، حکومت پاکستان میں نظام امن کی بحالی کیلئے سانحہ بھکر کے قاتلوں کو فی الفور گرفتار کر کے ہم اس سانحہ کی شدید مذمت کرتے ہیں،انسانیت کا قتل کسی بھی مذہب میں روا نہیں اور پاکستان میں ایک حریف ایک عرصہ سے اہل سنت کا قتل عام کر رہا ہے،حکومت پاکستان فی الفور اس سلسلہ کو بند کر کے نظام امن کو بحال کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ:دہشت گرد ملک اور قوم کے دشمن اور اسلام کے غدار ہیں،فرید القمر چشتی
لالہ موسیٰ(محمد بلال احمد بٹ)تحریک فدایان ختم نبوت کے سربراہ علامہ فرید القمر چشتی نے اپنے ایک بیان میں کہا ہے کہ دہشت گرد ملک اور قوم کے دشمن اور اسلام کے غدار ہیں، اسلام امن کا مذہب ہے ہمیشہ اپنے پیروکاروں کو امن کا درس دیا آج جو لوگ مذہب کے نام پر قتل عام کر رہے ہیں،ان کا یہ عمل قرآن و سنت کے صریح خلاف ہے،انہوں نے موجودہ حالات میں ملک ایسے سانحات کا متحمل نہیں ہے، حکومت پاکستان دہشت گردوں کو نکیل ڈالے دہشت گردی ایک ناسور ہے،اس کے خاتمہ کیلئے علماء کرام اپنی صفوں میں اتحا د پیدا کریں اور امت کو اخوت و مساوات ہمدردی کی تعلیم دیں تاکہ معاشرہ میں اسلامی تعلیمات کو فروغ ہو اور جہالت کا خاتمہ تاکہ ملک و قوم سکھ کا سانس لے سکیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ:ڈاکٹر محمد اعظم بٹ کی والدہ کی وفات پر ممتاز شخصیات کا اظہارافسوس
لالہ موسیٰ(محمد بلال احمد بٹ)ڈاکٹر محمد اعظم بٹ کی والدہ کی وفات پر ممتاز شخصیات کا اظہارافسوس،افسوس کرنے والوں میں سابق تحصیل ناظم ڈاکٹر جاوید احمد ریاض ،ڈاکٹر راجہ شہزاد علی، ڈاکٹرخالد اقبال، ڈاکٹر پرویز اقبال، الحاج نادر علی چوہدری،صوبیدار مشتاق احمد بٹ،مولانا محمد عبداللہ اختر،قاری شہزاد قمر،انکل محمد یوسف گل،بائو محمد جمیل،سیٹھ مشتاق احمد،سیٹھ ریاض احمد، احسان الرحمن بٹ، آغا عمر اعجاز بٹ،عمیر بٹ عمیر سٹیل ورکس،عمر فاروق بٹ،حاجی محمد شفیع،آغا اعجاز احمد بٹ،شیری بٹ،ڈاکٹر محمد اختر بٹ،مہر محمد امجد، چوہدری ارشد علی کسانہ،میاں محبت علی کسانہ،چیئر مین صاحبداد،چوہدری شاہدداد،محمد اختر بٹ،حافظ محمد عنصر،حاجی بشیر احمد دھیدڑ و دیگرافراد شامل ہیں، معززین علاقہ نے مرحومہ کے ایصال ثواب کے لئے قرآن خوانی اور لواحقین کے ساتھ اظہا رافسوس کے ساتھ صبروجمیل کی دعا کی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ: مہر طارق سعید کے خاندان کا ہمارے خاندان سے دیرینہ تعلق ہے انکی کامیابی کیلئے کسی قربانی سے دریغ نہیں کریں گے،سید نور الحسن شاہ
لالہ موسیٰ(محمد بلال احمد بٹ)سابق نائب ضلعی ناظم گجرات سید نور الحسن شاہ نے شاہین گروپ کے نامز امیدو برائے ایٹ کلاس مہر طارق سعید فرنیچر ز ایسوسی ایشن کی کامیابی کیلئے بھر پور کردار ادا کرنے کا عزم کرتے ہوئے مہر طارق سعید کی کامیابی کیلئے بھر پور کردار ادا کرنے کا اظہار کیا ہے،سید نور الحسن شاہ نے ضلع گجرات میں گجرات چیمبر آف کامرس سے تعلق رکھنے والے اپنے دوستوں ساتھیوں کو ہدایت کی ہے کہ مہر طارق سعید کو ووٹ دیکر بھاری اکثریت سے کامیاب کریں،انہوں نے مزید کہا کہ مہر طارق سعید کے خاندان کا ہمارے خاندان سے دیرینہ تعلق ہے انکی کامیابی کیلئے کسی قربانی سے دریغ نہیں کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ:بجلی کے بھاری بلوں نے عوام کی چیخیں نکال دیں،لوڈشیڈنگ کے باوجود بھاری بلوں نے عوام کو ذہنی مریض بنا دیا ہے
لالہ موسیٰ(محمد بلال احمد بٹ)بجلی کے بھاری بلوں نے عوام کی چیخیں نکال دیں،لوڈشیڈنگ کے باوجود بھاری بلوں نے عوام کو ذہنی مریض بنا دیا ہے،اس سلسلہ میں ملنے والی تفصیلات کے مطابق ماہ جولائی کے آنے والے بل اس قدر زیادہ ہیں کہ عوام بل دیکھتے ہی سکتے میں آگئے،جن لوگوں کے بل روٹین میں ایک ہزار سے ڈیڑھ ہزار روپے آتے ہیں انکو چار سے پانچ ہزار روپے بل ملے ہیںاوپر سے بل جمع کرانے میںصرف دو دن کا وقف دیا گیا ہے، جس سے گرمی اور مہنگائی کے ستائے ہوئے عوام سکتے میں آگئے ہیں،عوامی و سماجی حلقوں نے وفاقی وزیر پانی و بجلی خواجہ محمد آصف سے پر زور مطالبہ کیا ہے کہ عوام کو بھاری بلوں سے نجات دلائی جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ شہر میں بجلی و گیس کی اندھا دھند لوڈشیڈنگ سابق نمائندوں کی طرح موجودہ نمائندوں نے بھی لوڈشیڈنگ کا مسئلہ حل کرنے سے کنارہ کشی کر لی
لالہ موسیٰ(محمد بلال احمد بٹ)لالہ موسیٰ شہر میں بجلی و گیس کی اندھا دھند لوڈشیڈنگ سابق نمائندوں کی طرح موجودہ نمائندوں نے بھی لوڈشیڈنگ کا مسئلہ حل کرنے سے کنارہ کشی کر لی لالہ موسیٰ کے شہری مسیحا کے منتظر ،تفصیلات کے مطابق لالہ موسیٰ میں بجلی کے بند ہوتے ہی گیس بھی بند ہو جاتی ہے،لالہ موسیٰ میں بجلی کی لوڈشیڈنگ کا دورانیہ سولہ گھنٹے تک پہنچ چکا ہے،بجلی اور گیس کی لوڈشیڈنگ کے ستائے ہوئے لالہ موسیٰ کے شہریوں نے سابق نمائندوں سے جان چھڑائی تو آسمان سے گرا کھجور میں اٹکا والا حساب بن گیا،اب حالت یہ ہے کہ لالہ موسیٰ کی عوام بجلی اور گیس سے بے حال دن بدن شدید گرمی سے جھلستے رہے لیکن منتخب عوامی نمائندے عوام کے ان مسائل سے بے خبر ہیں گیس کی پراپر فراہمی تو درکنار لالہ موسیٰ کے بازاروں سے سیاسی بنیادوں پر گیس کے میٹر اتروانے کا بھی انکشاف ہوا ہے،گیس کے میٹر اتروانا یاسی انتقام کا شاخسانہ ہے یا عوام کی رہی سہی کسر نکالنا بہرحال یہ بہت بڑا المیہ ہے،لالہ موسیٰ کے شہری عوامی حلقوں نے اعلیٰ حکام سے اپیل کی ہے کہ دیگر مسائل کے ساتھ ساتھ لالہ موسیٰ میں بجلی اور گیس کی لوڈشیڈنگ کا مسئلہ حل کیا جائے اور سیاسی بنیادوں پر اتروائے گئے گیس کے میٹروں کو دوبارہ لگوایا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ: عوامی مسائل دہلیز پر حل کرنے کیلئے بلدیاتی انتخابات کا بروقت انعقاد بہت ضروری ہے،چوہدری غلام عباس بانیاں
لالہ موسیٰ(محمد بلال احمد بٹ)موضع دھڑ کی ممتاز سیاسی سماجی شخصیت چوہدری غلام عباس بانیاں نے اپنے ایک بیان میں کہا ہے کہ عوامی مسائل دہلیز پر حل کرنے کیلئے بلدیاتی انتخابات کا بروقت انعقاد بہت ضروری ہے،انہوں نے کہا کہ ہم ڈنکے کی چوٹ پر بلدیاتی الیکشن لڑیں گے کیونکہ عوامی خدمت ہمار انصب العین ہے دوستوں کا بھر پور اعتماد حاصل کرکے شاندار کامیابی حاصل کی جائے، حکومت سپریم کورٹ کی ہدایات پر عمل درآمد کرواتے ہوئے بلدیاتی انتخابات کی حتمی تاریخ کا جلد از جلد اعلان کرے اور پھر وقت مقررہ پر کروائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ:عوام کی بے لوث خدمت میری زندگی کا مشن ہے،ملک شبیر
لالہ موسیٰ(محمد بلال احمد بٹ)عوام کی بے لوث خدمت میری زندگی کا مشن ہے بلدیاتی انتخابات میں حصہ لے کر علاقہ کی تعمیر وترقی اور عوامی مسائل کے حل کیلئے اہم کردار ادا کروں گا،ان خیالات کا اطہار ملک شبیر ملک فروٹ چاٹ والوں نے اپنے ایک بیان میں کیا،انہوں نے کہا کہ انشاء اللہ کونسلر منتخب ہو کر سٹریٹ لائٹس گلیوں کی تعمیر اور شہر کی خوبصورتی میری ترجیحات میں شامل ہے،بلدیاتی انتخابات میں حصہ لینے کیلئے بھر پور تیاری کر رکھی ہے،انشاء اللہ بھاری اکثریت سے کامیابی حاصل کروں گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ: محمد تنویر ڈار دھامہ بلدیاتی انتخابات میں کامیاب ہو کر علاقہ کے عوام کی تمام محرومیوں کا ازالہ کریں گے،ڈاکٹر زاہد بٹ دھامہ،غلام محی الدین بٹ دھامہ
لالہ موسیٰ(محمد بلال احمد بٹ)امیدوار جنرل کونسلر محمد تنویر ڈار دھامہ بلدیاتی انتخابات میں کامیاب ہو کر علاقہ کے عوام کی تمام محرومیوں کا ازالہ کریں گے،ان کی بھاری اکثریت سے کامیاب ہی ہمارمشن ہے،اور اس کے لیے ہم ڈور ٹو ڈور ان کی انتخابی مہم چلائیں گے،ان خیالات کا اظہار ڈاکٹر زاہد بٹ دھامہ اور غلام محی الدین بٹ دھامہ نے اپنے مشترکہ بیان میں کیا،انہوں نے کہا کہ محمد تنویر ڈار دھامہ ایک باکردار مخلص اور عوامی خدمت کاجذبہ رکھنے والے عوامی نمائندے ہیں اس لئے ان کی کامیابی علاقہ اور عوام کے لیے نیک شگون ثابت ہو گی اور وہ علاقہ اور عوام کو درپیش دیرینہ مسائل کے حل کیلئے اپنی تمام تر صلاحتیوں کو بروئے کار لائیں گے انہوں نے کہا کہ بلدیاتی الیکشن کا اعلان ہوتے ہی علاقہ کے نوجوان ان کی انتخابی مہم کا بھر پور طریقے سے آغاز کریں گے ڈار برادران اور ان کے خاندان نے ہمیشہ علاقہ کے عوام کے دکھ درد میں شرکت کی ہے اور لوگوں کے ساتھ ان کاگہرا تعلق ہے ان کے خاندان کی رفاعی اور سماجی خدمات بھی محمد تنویر ڈار دھامہ کی کامیابی میں اہم کردار ادا کریں گی ہم ان کی الیکشن اپنا الیکشن سمجھ کر لڑیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ کے متعدد نجی ہسپتال موت بانٹنے لگے
لالہ موسیٰ(محمد بلال احمد بٹ)لالہ موسیٰ کے متعدد نجی ہسپتال موت بانٹنے لگے،ان ٹرینڈ عملہ ،ڈاکٹروں کی عدم دلچسپی اور لاپرواہی سے مریض دم توڑنے لگے،اللہ کی رضا اور وقت پورا ہو گیا کہ رسمی جملے متاثرین کا دکھ درد اور غم دور کرنے کے لئے ناکافی ہیں لالہ موسیٰ کے اکثرنجی ہسپتالوں میں آپشن اور اسکے بعد ہونے والے عوامی کو مانیٹر کرنے کا کوئی نظام موجود نہیں ہے،ہسپتالوں کے مالکان کا آپریشن کے بلائے گئے ڈاکٹروں کے واپس جانے کے بعد مریضوںکو خدا کے سہارے چھوڑ دیا جاتا ہے،ان ٹرینڈ سٹاف اور ڈسپنسروں اور ہسپتال مالکان کی عدم دلچسپی سے مریضوں کی ہلاکتوں میں اضافہ ہو گیا ہے اور روزانہ کی بنیاد پر نجی ہسپتالوں میں اموات پر پردہ ڈالنے کی کوشش کی جا رہی ہے،عوامی حلقوں نے ڈی سی اواور محکمہ صحت سے مطالبہ کیا ہے کہ وہ نجی ہسپتالوں میں ہونے والی اموات کی چھان بین کی جائے اور ہسپتالوں میں آپریشن کے بعد ڈاکٹروں کی موجودگی کو یقینی بنایا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تھانہ صدر لالہ موسیٰ نے گذشتہ رات پکڑے جانے والے منشیات فروشوں کے خلاف مقدمات درج کرلئے ہیں
لالہ موسیٰ(محمد بلال احمد بٹ)تھانہ صدر لالہ موسیٰ نے گذشتہ رات پکڑے جانے والے منشیات فروشوں کے خلاف مقدمات درج کرلئے ہیں،پولیس کے مطابق ملزم شوکت بٹ 1130 گرام چرس اور رقم وٹک ایک ہزار روپے،ملزم عرفان موفی سکنہ چکوڑی شیر غازی سے 120 رقم وٹک 1210 روپے،الطاف کمہار سکنہ چک سروانی سے 110 گرام چرس، 110 گرام ہیروئن اور تیس بور پسٹل برآمد کر کے مقدمات درج کر لئے ہیں، دریں اثناء معلوم ہوا ہے کہ پولیس نے مبینہ طور پر اپنی گاڑی تلے کچے جانے اور بعد ازاں دم توڑنے والے محمد خان بھٹی کی ہلاکت چھپانے کیلئے میڈیا کو تھانہ سٹی اور صدر کے علاقوں میں الجھائے رکھا اور رات گئے تک صحافیوں کو تفصیلات فراہم کرنے میں لیت و لعل سے کام لیا جاتا رہاجبکہ بعض ذرائع کے مطابق پولیس نے مک مکا کی وجہ سے موقعہ سے پکڑی گئی منشیات کی صحیح مقدار کی بجائے نصف بھی نہ رہنے دی۔
