لالہ موسیٰ کی خبریں 28/3/2014

Posted on March 28, 2014 By Majid Khan سٹی نیوز

دو مزدہ ٹرکوں کے تصادم میں ٹرک ڈرائیور موقع پر جاں بحق
لالہ موسیٰ(محمد بلال احمد بٹ ) دو مزدہ ٹرکوں کے تصادم میں ٹرک ڈرائیور موقع پر جاں بحق تفصیلات کے مطا بق تھانہ صدر کی حدود میں واقع لالہ موسیٰ فلو ملز کے نددیک ٹرک نمبر ایل ا ی ایس نمبر 7392اور L E S نمبر7018 رات کے پچھلے پہر
آپس میں ٹکرا گئے ھس کے نتیجے میں ڈرائیور جو کہ رمضان ولد خادم سکنہ کوٹکی آزاد کشمیر کا رہائشی بتا یا جاتا ہے موقع پر ہی دم توڑ گیا صدر پولیس نے متوفی کی نعش کو ٹراما سینٹر لالہ موسیٰ میں پہنچا دیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تیز رفتار ٹرین کی سائیڈ لگنے سے 12سالہ بچی شدید زخمی
لالہ موسیٰ(محمد بلال احمد بٹ)تیز رفتار ٹرین کی سائیڈ لگنے سے 12سالہ بچی شدید زخمی،تفصیل کے مطابق محلہ کریم پورہ لالہ موسیٰ کے رہائشی جہانگیر بٹ کی صاحبزادی12سالہ کائنات ریلوے لائنوں کے ساتھ کھیل رہی تھی کہ پشاور سے کراچی جانے والی ٹرین عوام ایکسپریس کی سائیڈ لگنے سے بری طرح زخمی ہوکر کومہ میںچلی گئی ٹراما سنٹر سے ابتدائی طبی امداد کے بعد تشویشناک حالت میں لاہور ریفرکر دیا گیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
راہنما مسلم لیگ ن خادم لالہ موسیٰ میاں نعمان عارف اور انکی ٹیم نے”اپنی مدد آپ کے تحت” نکاسی آب کا مسئلہ حل کر دیا
لالہ موسیٰ(محمد بلال احمد بٹ)راہنما مسلم لیگ ن خادم لالہ موسیٰ میاں نعمان عارف اور انکی ٹیم نے”اپنی مدد آپ کے تحت” نکاسی آب کا مسئلہ حل کر دیا،اس سلسلہ میں محلہ حاجی پورہ کی ممتاز سیاسی سماجی شخصیت میاں نعمان عارف اور انکے ساتھیوں مرزا یاسر مسعود،جاوید بھٹی،مرزا یوسف و دیگر نے اپنی مدد آپ کے تحت محلہ حاجی پورہ میں پلیوں،سیوریج،نالہ وغیرہ بنوا کر محلہ حاجی پورہ میں عرصہ دراز سے نکاسی آب کا مسئلہ حل کر دیا عوامی حلقوں نے نکاسی آب کا مسئلہ ہونے پر میاں نعمان عارف اور انکی ٹیم کوخراج تحسین پیش کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ یونین آف جرنلسٹس کا تعزیتی اجلاس کنوینئر ڈاکٹر عرفان احمد صفی کی صدارت میں منعقد ہوا
لالہ موسیٰ(محمد بلال احمد بٹ)لالہ موسیٰ یونین آف جرنلسٹس کا تعزیتی اجلاس کنوینئر ڈاکٹر عرفان احمد صفی کی صدارت میں منعقد ہوا جس میں معروف صحافی چوہدری محمد سرور کے سسر اور صحافی مجاہد نوری کے بھائی کی وفات پر اظہار افسوس اور مرحومین کیلئے اجتماعی فاتحہ خوانی کی گئی،اجلاس میں محمد رفیع بھٹی،عطاء اللہ چیمہ،افضال احمد طاہر،اسد اللہ انصاری،ڈاکٹر جمال الدین،سید علی رضوان شاہ،مرزا محمد اکرم،ملک شبیر حسین،نصر اللہ مجید،جمیل احمد طاہر،حاجی تاج نسیم،عبدالرزاق بٹ،جمیل احمد چوہدری،عبداللطیف نجمی،شیخ محمد حسین،خالد مجید بٹ،نثار احمد بٹ،انور انصاری،راشد منصور راشد،محمد بلال احمد بٹ،شفاقت علی مرزا،رضوان جانی،میاںکامران اشرفی،قاری شبیر شاہد،خورشید احمد ندیم،ذیشان شیخ،ذوالفقار بھٹو شریک تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محمدی ویلفیئر سوسائٹی کے بیس ویں فری آئی کیمپ کی افتتاحی تقریب آج بروز جمعہ شام سات بجے سول ہسپتال لالہ موسیٰ میں منعقد ہوگی
لالہ موسیٰ(محمد بلال احمد بٹ)محمدی ویلفیئر سوسائٹی کے بیس ویں فری آئی کیمپ کی افتتاحی تقریب آج بروز جمعہ شام سات بجے سول ہسپتال لالہ موسیٰ میں منعقد ہوگی،سوسائٹی کے صدر نعیم اشرف چوہدری اور جنرل سیکرٹری حاجی ارشدمحمود النور نے بریفننگ دیتے ہوئے بتایا کہ بیس ویں فری آئی کیمپ کی او پی ڈی میں3500مریضوں نے چیک اپ کروایا جن میں سے 525داخل کئے گئے جبکہ گذشتہ رات تک 350سے زائد مریضوں کے آپریشن کر دیئے گئے سوسائٹی کے ذمہ داران نے بتایا کہ مریضوں کی بڑھتی ہوئی تعداد اور بقیہ ہونے والے آپریشن کے پیش نظر کیمپ کو ایک دن بڑھانا پڑے گا،اور اختتامی تقریب کے بعد آپریشن کے بعد مریضوں کو ادویات اور لینز فراہم کرنے کے بعد معائنہ کی اگلی تاریخ دے دی جائے گی،انہوںنے کہا کہ اختتامی تقریب میں سماجی و سیاسی شخصیات شرکت کریں گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سول سوسائٹی کے تعاون سے اپنی مدد آپ کے تحت سپیشل ایجوکیشن سنٹر لالہ موسیٰ میں کام شروع
لالہ موسیٰ(محمد بلال احمد بٹ)سول سوسائٹی کے تعاون سے اپنی مدد آپ کے تحت سپیشل ایجوکیشن سنٹر لالہ موسیٰ میں کام شروع،گذشتہ روز سینئر نائب صدر مرکزی انجمن تاجران لالہ موسیٰ حاجی اختر علی برنالہ نے سنٹر کے گرائونڈ میں ٹریکٹر چلوا کر اسکے خوب صورت بنانے کے کام کا آغاز کر دیا گیا ہے، جبکہ جنگل بنے ہوئے گرائونڈ میں خود رو جڑی بوٹیاں اور جھاڑیاں بھی صاف کر دی گئی ہیں،اس موقع پر سابق ناظم لالہ موسیٰ ڈاکٹر عرفان احمد صفی بھی موجود تھے،حاجی اختر علی برنالہ نے بتایا کہ دو،تین یوم تک مسلسل ٹریکٹر سے گرائونڈ صاف کر دیا جائے گا اور اس میں خوبصورت ٹریک بنانے اور جھولے فراہم کرنے کے منصوبے پر کام شروع ہے،انہوں نے کہا کہ لالہ موسیٰ کی سول سوسائٹی سنٹر کو ایک اعلیٰ معیار کا ادارہ بنانے میں بھر پور تعاون کرے گی،حاجی اختر برنالہ کیچڑ میں کود کدال چلا کر گرائونڈ کی صفائی کرتے رہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
امید ویلفیئر فائونڈیشن لالہ موسیٰ میں یتیم بچوں کی کفالت کے لیے ہر ممکن اقدامات کرے گی
لالہ موسیٰ(محمد بلال احمد بٹ)امید ویلفیئر فائونڈیشن لالہ موسیٰ میں یتیم بچوں کی کفالت کے لیے ہر ممکن اقدامات کرے گی،لالہ موسیٰ کے بیس خاندانوں کے85یتیم بچوں کی کفالت پر ماہانہ تیس ہزار روپے خرچ کر رہے ہیں،امید ویلفیئر فائونڈیشن کے صدر خادم حسین نے صحافیوں سے گفتگو کرتے ہوئے بتایا کہ امید ویلفیئر فائونڈیشن کا تعارفی اجلاس آج بروز جمعہ 2:30بے کمانڈر شہزاد میونسپل لائبریری کے توقیر شہید ہال میں منعقد ہو گی جس میں سوسائٹی کے عہدیداران و ممبران شرکت کریں گے انہوں نے بتایا کہ فائونڈیشن ایک لاکھ 34 ہزار روپے کا سکول یونیفارم لالہ موسیٰ کے سرکاری پرائمری سکولوں میں تقسیم کر چکی ہے جبکہ دو انتہائی سیریس مریضوں کا علاج بھی کروایا جا رہا ہے،انہوں نے مزید سماجی حضرات سے فائونڈیشن کے ساتھ تعاون کرنے کی اپیل کی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اے سی کھاریاں میاں اقبال مظہر نے اخبارات میں لالہ موسیٰ کی واٹر سپلائی ٹربائنوں کی خرابی کا نوٹس لے لیا
لالہ موسیٰ(محمد بلال احمد بٹ)اے سی کھاریاں میاں اقبال مظہر نے اخبارات میں لالہ موسیٰ کی واٹر سپلائی ٹربائنوں کی خرابی کا نوٹس لے لیا،سخت احکاامت پر واٹر سپلائی برانچ نے تینوں ٹربائنیں درست کروا دیں،لالہ موسیٰ میں واٹر سپلائی ٹربائنوں کے حوالہ سے اے سی کھاریاں میاں اقبال مظہر نے بتایا کہ کمیٹی دفتر،ٹربائن اور لوڈ ہونے سے میٹر جل گیا محکمہ واپڈا کی میٹر کی عدم فراہمی پر ٹربائن نہ چل سکی ،گیپکو کے اعلیٰ حکام سے رابطہ کر کے بعد میٹر مہیا ہونے پر ٹربائن چلوا دی گئی ہے،گوشت مارکیٹ ٹربائن کی شافٹ ٹوٹنے سے ٹربائین کام کرنا چھوڑ گئی تھی اسکی دوسری مرتبہ شافٹ تبدیل کر کے چلوا دیا گیا ہے،قاضیاں ٹربائن گذشتہ روز ہی فنکشنل کر دی گئی تھی اے سی کھاریاں میاں اقبال مظہر نے کہا ہے کہ ٹی ایم اے افسران کو ہدایت کی گئی ہے کہ واٹر سپلائی کی شکایات ملنے پر فوراً ایکشن لیا جائے اور عوام کو پانی کی فراہمی میں کوئی تعطل نہ آنے پائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوہدری جعفر اقبال اور چوہدری اشرف دیونہ کی وساطت سے حلقہ بھر میں ماحول سر سبز بنانے کیلئے شجر کاری مہم جاری ہے،سیٹھ محمد طفیل
لالہ موسیٰ (محمدبلال احمد بٹ ) پاکستان مسلم لیگ ن کے راہنما و کوارڈی نیٹر بلدیہ لالہ موسیٰ سیٹھ محمد طفیل نے کہا کہ چوہدری جعفر اقبال MNA اور چوہدری اشرف دیونہ MPA کی وساطت سے حلقہ بھر میں ماحول سر سبز بنانے کیلئے شجر کاری مہم جاری ہے ۔ TMA کھاریاں تحصیل میں 50 ہزار سے زائد پودے لگا کر ماحول خوبصورت بنانے کی کوشش کر رہی ہے ۔ سیٹھ محمد طفیل نے کہا کہ ممبران قومی و صوبائی اسمبلی کی جانب سے بلدیہ لالہ موسیٰ میں پودوں کی پہلی کھیپ پہنچ چکی ہے اور تعلیمی اداروں، بنیادی مراکز صحت و ہسپتالوں میں شجر کاری مہم کا آغاز کر دیا گیا ہے ۔ لالہ موسیٰ میں بیوٹیفیکیشن پلان تیار کیا جا رہا ہے۔ جی ٹی روڈ کے دونوں اطراف پودے لگا کر شہر کی خوبصورتی بڑھائیں گے ۔ انہوں نے کہا کہ TMA ملازمین کی حاضری کو یقینی بنایا گیا ہے اور غیر حاضر ملازمین کے خلاف کارروائی کی جا رہی ہے ۔ 24 مارچ سے لالہ موسیٰ میں ہفتہ صفائی مہم کا بھرپور انداز میں آغاز کیا جا رہا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شیخ عبدالرحمن کی وفات سے لالہ موسیٰ شہر ایک مخلص دوست ، ہمدرد انسان اور اچھے تاجر سے محروم ہو گیا ہے،حاجی اختر علی برنالہ
لالہ موسیٰ (محمد بلال احمد بٹ ) مرکزی انجمن تاجران لالہ موسیٰ کے سینئر نائب صدر حاجی اختر علی برنالہ نے کہا ہے کہ شیخ عبدالرحمن کی وفات سے لالہ موسیٰ شہر ایک مخلص دوست ، ہمدرد انسان اور اچھے تاجر سے محروم ہو گیا ہے ۔ شیخ عبدالرحمن مرحوم یاروں کا یار تھا جس نے اپنی ساری زندگی دنیا والوں کو خوش اور راضی کرنے میں گزار دی ۔ ہم اسکے اہل خانہ کے غم میں برابر کے شریک ہیں ۔ وہ ہمارے خاندان کا ایک فرد تھا اسکے ملزمان کو کیفر کردار تک پہنچانے کیلئے مرکزی انجمن تاجران بالخصوص دوست احباب بھرپور جدوجہد کریں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ میں بجلی کی لوڈشیڈنگ کیساتھ گیس کی لوڈشیڈنگ بھی شدت اختیار کر گئی
لالہ موسیٰ (محمد بلال احمد بٹ ) لالہ موسیٰ میں بجلی کی لوڈشیڈنگ کیساتھ گیس کی لوڈشیڈنگ بھی شدت اختیار کر گئی ۔ بالخصوص بجلی کی بندش کے ساتھ سوئی گیس بھی فوراً بند ہو جاتی ہے جسکی وجہ سے عوام شدید پریشانی اور اذیت میں مبتلا ہو گئے ہیں ۔ لالہ موسیٰ میں سوئی گیس کی بہتری اور گیس پریشر ٹھیک کرنے کے تمام دعوے اخباری بیانات تک محدود ہیں ۔عوام کا کہنا ہے کہ اگر اس نارمل موسم میں بجلی اور گیس کی بندش کا یہ عالم ہے تو آنے والے دنوں میں جب گرمی کا زور بڑھے گا تو لوڈشیڈنگ کی کیا حد ہوگی اسکا کسی کے پاس جواب نہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محلہ قصبہ میں لڑکی کے بھائی نے دولہا کو گولیوں سے چھلنی کر دیا
لالہ موسیٰ (محمدبلال احمد بٹ ) محلہ قصبہ میں لڑکی کے بھائی نے دولہا کو گولیوں سے چھلنی کر دیا ۔ پنڈ دادنخان سے آئی بارات دلہن کی ڈولی کی بجائے دولہے کی لاش لیکر واپس گئی ۔ پولیس تھانہ سٹی لالہ موسیٰ نے زیر دفعہ 148-149-302 ت پ مقدمہ درج کر کے تفتیش کا آغاز کر دیا ہے ، ملزمان موقع سے فرار ہوگئے ۔ تفصیلات کے مطابق مبینہ طور پر گزشتہ روز مقبول احمد ولد محمد حنیف قوم بلوچ سکنہ اتھر تحصیل پنڈدانخان ضلع جہلم بارات کے ہمراہ محلہ قصبہ لالہ موسیٰ آئے تاکہ لڑکی کو رخصت کر ا کر نئی زندگی کا آغاز کیا جائے لیکن سابقہ رنجش کی بناء پر لڑکی کے بھائی ملزم عبدالباسط ولد کامران ساکن محلہ قصبہ لالہ موسیٰ قوم بلوچ نے 30 بور پسٹل سے فائر کر کے دولہا مقبول احمد ولد محمد حنیف کو قتل کر دیا جبکہملزمان حاجی عرفان ، شہباز ، عثمان ، فیصل ، ارمغان ولد فیروز خان مومی ، گوشی ولد محمد عرفان قوم بلوچ سکنہ محلہ قصبہ نے قاتل کی معاونت کی ۔ پولیس اطلاع ملنے پر DSP اور SHO تھانہ سٹی کی سربراہی میں موقع پر پہنچی لیکن ملزمان موقع سے فرار ہو چکے تھے ۔ پولیس تھانہ سٹی لالہ موسیٰ نے مدعی عہد محمد کی درخواست پر زیر دفعہ 148-149-302 ت پ کے تحت مقدمہ کر لیا ہے ۔ سب انسپکٹر خالد حسین بوکن تفتیشی آفیسر مقرر کر دئیے گئے ہیں جبکہ لاش کو پوسٹ مارٹم کے بعد ورثاء کے حوالے کر دیا گیا ہے ۔ پولیس نے ملزمان کیخلاف کارروائی کا آغا ز کر دیا ہے یاد رہے کہ مقبول ولد محمد حنیف عمر تقریبا ً 34 سال نے کورٹ میرج کی تھی جسکی رخصتی کیلئے وہ لالہ موسیٰ آیا تھا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کسی بے گناہ کی جان لینے کا درس نہیں دیتا ،علامہ سید ایاز ظہیر ہاشمی
لالہ موسیٰ ( محمد بلال احمد بٹ) اسلام کسی بے گناہ کی جان لینے کا درس نہیں دیتا ۔ بندوق کے زور پر شریعت کی من پسند تشریح کو ہر گز جہاد کا نام نہیں دیا جا سکتا ۔ امن سے دوری ہمارا سب سے بڑا مسئلہ ہے ۔ بازار اور تفریح گاہیں خوف کی علامت بن چکی ہیں ۔ امن کا دیا روشن ہونے پر بین الاقوامی سرمایہ کار پاکستان کا رخ کریں گے ۔ یہ بات قومی امن کمیٹی برائے بین المذاہب ہم آہنگی کے مرکزی چیئرمین علامہ سید ایاز ظہیر ہاشمی نے صحافیوںسے خصوصی گفتگو میں کہی ۔ انہوں نے کہا کہ انہوں نے کہا کہ شان رسالت ، شان اہل بیت ، شان صحابہ ، شان اولیا کی پاسداری سے فرقہ واریت کا مکمل خاتمہ ہو چکا ہے ، اس وقت ملک پاکستان کو ہر چیز سے بڑھ کر پر امن ماحول کی ضرورت ہے جس کیلئے ہم سب کو مل کر کوشش کرنا ہوگی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
زیور تعلیم میں سب سے اہم پہلو دینی تعلیم کا ہے جس میں صبح قرآن کی تلاوت ، احادیث اورتعلیم قرآن کا شعور ضروری ہے،چوہدری جعفر اقبال
لالہ موسیٰ (محمد بلال احمد بٹ ) حکومت تعلیم کی طرف خصوصی توجہ دے رہی ہے ، اس کیلئے حلقہ بھر کے سکولوں میں سٹاف کی کمی ، فرنیچر و دیگر سہولیات کی کمی کو دور کرنے کیلئے فنڈز منظور کروائے ہیں ۔ یہ بات وفاقی پارلیمانی سیکریٹری دفاع چوہدری جعفر اقبال نے صحافیوںسے گفتگو کرتے ہوئے کہی ۔ انہوں نے کہا کہ ہمارا مقصد بچوں کو سو فیصد سکول میں لیکر جا کر تعلیم کے زیور سے آراستہ کرنا ہے ۔ زیور تعلیم میں سب سے اہم پہلو دینی تعلیم کا ہے جس میں صبح قرآن کی تلاوت ، احادیث اورتعلیم قرآن کا شعور ضروری ہے جس سلسلہ میں لالہ موسیٰ شہر میں ایک ماڈل سکول کی منظوری ہو چکی ہے جس پر جلد کام شروع کیا جائے گا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان تحریک انصاف صحیح معنوں میں عوامی فلاحی جماعت ہے ،نوازش علی شیخ ایڈووکیٹ و دیگر راہنما پی ٹی آئی
لالہ موسیٰ(محمدبلال احمد بٹ) پاکستان تحریک انصاف صحیح معنوں میں عوامی فلاحی جماعت ہے ۔تحریک انصاف ضلع گجرات کے کارکنان تھر کے عوام کیلئے عملی اقدامات میں مصروف ہیں۔تھر کے عوام کیلئے ریلیف فنڈ جمع کرنا اور پانی کی فراہمی کے منصوبے پر کام کرنا انتہائی قابل تحسین ہے۔محترمہ تاشفین صفدر،مرزا عثمان اقبال،محسن جاوید بٹ اور PTIضلع گجرات کی تمام ٹیم کی کارکردگی کو صوبائی سطح پر بھی سراہا گیاہے۔ان خیالات کا اظہار ممبر صوبائی کونسل پاکستان تحریک انصاف پنجاب نوازش علی شیخ ایڈووکیٹ،کوآرڈینیٹر حلقہ پی پی 112چوہدری اصغر علی اکبر،حاجی چوہدری رفیق احمد دھامہ،صدر تحریک انصاف لالہ موسیٰ سہیل نواز خان،طاہر رفیق بٹ آف شاہ سر مست اور دیگر نے کیا انہوں نے کہا کہ پی ٹی آئی کے ضلعی صدر چوہدری محمد الیاس ،ناصر احمد چھپر،میاں مبین حیات،چوہدری ساجد یوسف چھنی ،راجہ نعیم نواز،الحاج افضل گوندل،مہر امتیاز،پی ٹی آئی ڈنگہ،پی ٹی آئی کوٹلہ سمیت ضلع بھر کے کارکنوں اور قائدین نے تھر کے عوام کیلئے عملی طور پر قدم اٹھاتے ہوئے کام کا آغاز کیا اور پورے ضلع میں کیمپ لگائے گئے جس میں ضلع گجرات کے عوام نے دل کھول کر تھر کے عوام کی امداد کے لئے فنڈ دیا۔انہوں نے کہا کہ تھر کے عوام کیلئے پانی کا مسئلہ حل کرنے کیلئے ٹیم تھر میں پہنچ کر عملی طور پر کام کر رہی ہے ۔انہوں نے کہا کہ حکمرانوں کی بے حسی اور غفلت کی وجہ سے تھر اور چولستان میں مسلسل قیمتی جانوں کا ضیاع ہو رہا ہے۔انہوں نے کہا کہ پاکستان تحریک انصاف تھر کے عوام کے ساتھ ہے اور قحط زدہ علاقے کو مسائل سے نکالنے کے لئے ہر ممکن اقدامات کئے جا رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محلہ قصبہ نظام پورہ کی واٹر ٹربائین فوری طور پر مرمت کروائی جائے ،غلام عباس بھٹہ امیدوار برائے سابق کونسلر
لالہ موسیٰ(محمدبلال احمد بٹ) محلہ قصبہ نظام پورہ کی واٹر ٹربائین فوری طور پر مرمت کروائی جائے ۔عوام پانی کی عدم فراہمی سے بری طرح متاثر ہیں اگریہی صورتحال رہی تو عوام احتجاج پر مجبور ہو جائیں گے۔ان خیالات کا اظہار پاکستان تحریک انصاف لالہ موسیٰ کے راہنما و امیدوار برائے کونسلر غلام عباس بھٹہ نے کیا انہوں نے کہا کہ محلہ قصبہ نظام پورہ کی واٹر ٹربائین گزشتہ چار روز سے خراب ہے۔TMAلالہ موسیٰ کے افسران اور عملہ کی غفلت سے عوام پانی کی سہولت سے محروم ہیںانہوں نے کہا کہ محلہ قصبہ بھی تھر کا منظر پیش کرنے لگ گیا ہے چار دنوں سے خراب موٹر ٹھیک نہ ہونے سے عوام کافی مایوس ہو چکے ہیں۔انہوں نے کہا کہ خادم اعلیٰ پنجاب کی ٹیم لالہ موسیٰ میں بالکل ناکام ہو چکی ہے آئے روز واٹر ٹربائین خراب ہو جاتی ہیں اور لوگوں کو کئی کئی دن تک پریشانی کا سامنا کرنا پڑتا ہے۔

by Majid Khan

Nasir Mehmood - Chief Editor at GeoURDU.com