لالہ موسیٰ کی خبریں 6/11/2013

Posted on December 7, 2013 By Majid Khan سٹی نیوز

بلدیاتی انتخابات ہی نہیں حلقہ کی عوام کے دل جیتیں گے،ڈاکٹر آصف محمود
لالہ موسیٰ (محمد بلال احمد بٹ) راہنما پاکستان مسلم لیگ (ن) ڈاکٹر آصف محمود نے اپنے بیان میں کہا ہے کہ بلدیاتی انتخابات ہی نہیں حلقہ کی عوام کے دل جیتیں گے ، حلقہ بھر سے عوام نے ہمیشہ ہمیں بے پناہ محبتیں دی ہیں ، ہم ان محبتوں کیلئے اہل حلقہ کے مشکور ہیں اور یقین دلاتے ہیں کہ ہمارا حلقہ تعمیر و ترقی ، عوامی فلاح و بہبود اور خوشحالی کے لحاظ سے مثال ہوگا ۔ انہوں نے کہا کہ ہم نے ہمیشہ بے لوث عوامی خدمت کی ہے اور بلدیاتی انتخابات کا مشن بھی محض عوامی خدمت کیلئے ہے ، ہمارا ہر امیدوار عوامی ووٹ کی طاقت سے کامیاب ہو کر عوامی مسائل کو عوام کی دہلیز پر حل کروائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آزاد امیدوار برائے جنرل کونسلر خواجہ خلیل الرحمن وارڈ نمبر 11 سے موسٹ فیورٹ امیدوار بن گئے
لالہ موسیٰ (محمد بلال احمد بٹ ) آزاد امیدوار برائے جنرل کونسلر خواجہ خلیل الرحمن وارڈ نمبر 11 سے موسٹ فیورٹ امیدوار بن گئے ، انکی دن بدن بڑھتی عوامی مقبولیت اور جوق در جوق معززین کی حمایت سے انکے مخالفین بوکھلاہٹ کا شکار ہو گئے ۔ جبکہ اہل علاقہ پر عزم ہیں کہ خواجہ خلیل الرحمن کو بھاری اکثریت سے کامیاب کروائیں گے ۔ اس سلسلہ میں ایک عوامی سروے میں شہریوں میں خواجہ خلیل الرحمن کو اپنی پسندیدہ شخصیت ظاہر کرتے ہوئے انتخابات میں انکی مکمل حمایت اور کامیاب کروانے پر اتفاق ظاہر کیا ہے ۔ وارڈ نمبر 11 سے عوامی جوش و جذبے کے مطابق 30جنوری کو جیت خواجہ خلیل الرحمن کی ہی ہوگی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کامیابی کے بعد حلقہ کی عوام محرومیوں کا ازالہ کریں گیل،علی بھٹی
لالہ موسیٰ (محمد بلال احمد بٹ ) سادات گروپ کے نامزد امیدوار برائے کونسلر وارڈ نمبر 17 علی بھٹی نے کہا کہ کامیابی کے بعد حلقہ کی عوام محرومیوں کا ازالہ کریں گے ، ہم نے بے لوث عوامی خدمت کا جذبہ دل میں ابھار کر میدان سیاست میں قدم کر رکھا ہے ، انشاء اللہ کامیابی ہمارا ہی مقدر بنے گی ۔ انہوں نے کہا کہ حلقہ کی عوام ، مساوات برادری اور معززین علاقہ کی جانب سے جوق در جوق میری حمایتوں کا سلسلہ عوام کی مجھ سے محبت کا منہ بولتا ثبوت ہے ، میں شہریوں کے اس خلوص کو کبھی فراموش نہیں کرونگا ۔ کامیاب ہو کر علاقہ کی تقدیر بدل دیں گے ۔
۔۔۔۔۔۔۔۔۔۔
مہر سجاد فضل حسین کی کامیابی آسمانوں پر لکھی جا چکی ہے،مہر مبین علی آرائیں
لالہ موسیٰ (محمد بلال احمد بٹ ) مہر سجاد فضل حسین کی کامیابی آسمانوں پر لکھی جا چکی ہے ، قسمت ہمیشہ بے لوث اور نڈر نوجوانوں پر مہربان ہوتی ہے ، ہم نے بے لوث عوامی خدمت کا نعرہ لگایا ہے ، اسے پورا کر کے عوام کی محرومیوں کا ازالہ کریں گے ۔ ان خیالات کا اظہار سابق امیدوار صوبائی اسمبلی حلقہ پی پی 112 مہر مبین علی آرائیں نے اپنے بیان میں کیا۔ انہوں نے مزید کہا کہ مہر سجاد فضل حسین ایک نڈر ، بیباک ، جرات مند اور بے داغ کی شخصیت ہیں ، وہ دل میں دکھی انسانیت کا درد رکھتے ہیں ۔ انشاء اللہ 30 جنوری مہر فضل سجاد حسین کی کامیابی کا د ن ہوگا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چوہدری ثاقب ولایت گجر کی کامیابی کیلئے دن رات کوشاں ہیں،حافظ سید علی حیدر شاہ،محمد قاسم،رضوان اللہ
لالہ موسیٰ (محمد بلال احمد بٹ ) چوہدری ثاقب ولایت گجر کی کامیابی کیلئے دن رات کوشاں ہیں ، وارڈ نمبر 7 سے انکی کامیابی روز روشن کی طرح عیاں ہے۔ ان خیالات کا اظہار حافظ سید علی حیدر شاہ ، محمد قاسم ، رضوان اللہ نے اپنے مشترکہ بیان میں کیا۔ انہوں نے مزید کہا کہ موجودہ حالات میں تبدیلی کیلئے چوہدری ثاقب ولایت گجر جیسی نوجوا ن اور جرات مند قیادت کی ضرورت ہے ، انکی کامیابی کیلئے کوئی کسر اٹھا نہ رکھیں گے گھر گھر جا کر انکی انتخابی مہم چلا رہے ہیں انشاء اللہ30 جنوری کا سورج انکی کامیابی کی نوید لیکر ابھرے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوازش علی شیخ ایڈووکیٹ کی قیادت میں تحریک انصاف کے پلیٹ فارم سے بھرپور کامیابی حاصل کریں گے،شیخ اختشام افضل
لالہ موسیٰ(محمد بلال احمد بٹ) وارڈ نمبر 17لالہ موسیٰ میں پاکستان تحریک انصاف بھرپور کامیابی حاصل کرے گی۔نوازش علی شیخ ایڈووکیٹ کی قیادت میں تحریک انصاف کے پلیٹ فارم سے بھرپور کامیابی حاصل کریں گے۔ان خیالات کا اظہار امیدوار جنرل کونسلر وارڈ نمبر 17شیخ احتشام افضل نے کیا انہوں نے کہاکہ مخالفین بو کھلاہٹ کا شکار ہیں اور ووٹوں کے اندراج دوسری وارڈوں میں کروا رہے ہیں۔انہوں نے کہا کہ تحریک انصاف لالہ موسیٰ سے ہر وارڈ پر اپنے امیدوار سامنے لائی ہے اور میونسپل کمیٹی لالہ موسیٰ کا چیئرمین بھی انشاء اللہ پاکستان تحریک انصاف کا ہی ہو گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نیشنل ہائی ویز اینڈ موٹر وے پولیس کے حکام کی سٹی ڈگری کالج لالہ موسیٰ میں روڈ سیفٹی سے متعلق بریفینگ
لالہ موسیٰ (محمد بلال احمد بٹ) نیشنل ہائی ویز اینڈ موٹر وے پولیس کے حکام کی سٹی ڈگری کالج لالہ موسیٰ میں روڈ سیفٹی سے متعلق بریفینگ۔ ڈی ایس پی بیٹ 8گجرات ناصر حیات ہنجرا نے شرکاء بریفنگ کو ٹریفک قوانین اور روڈ سیفٹی سے متعلق اہم معلومات سے آگاہ گیا ۔ جبکہ انسپکٹر چوہدری بہادر خاں ، سب انسپکٹر سید عمران عباس جعفری بھی انکے ہمراہ تھے ۔ انہوں نے بریفینگ کے دوران موٹر سائیکل سواروں کیلئے سٹی ایریا میں انتہائی سست رفتار سے چلنے ، دوسے زائد افراد بٹھا کر سفر نہ کرنے اور سڑک کے انتہائی بائیں جانب چلنے جیسی باتوں پر انتہائی زور دیا تاکہ سفر کو محفوظ بنایا جا سکے ۔ اس موقع پر پرنسپل کالج محمد مدثر جنجوعہ نے موٹر وے پولیس کی کارکردگی کو سراہتے ہوئے خراج تحسین پیش کیا اور کہا ک اس طرح کے بریفینگ پروگرام منعقد کرنے سے عوام میں ٹریفک قوانین کے بارے میں شعور اجاگر ہو رہا ہے جوکہ شہریوں کیلئے انتہائی فائندہ مند ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہمارا مقصدطلباء کو تعلیم کے زیور کے آراستہ کر کے عزت دار شہری بنانا ہے،سینئر ٹیچر محمد یونس
لالہ موسیٰ (محمدبلال احمد بٹ ) ہمارا مقصدطلباء کو تعلیم کے زیور کے آراستہ کر کے عزت دار شہری بنانا ہے ، گورنمنٹ پاکستان ہائی سکول کے اساتذہ نے ہمیشہ طلباء کی ذہنی صلاحیتوں کا اجاگر کرنے کی بھرپور کوشش کی ہے یہی وجہ ہے کہ ہمارے ادارے کا تعلیمی معیار روز روشن کی طرح عیاں ہے ۔ ان خیالات کا اظہار گورنمنٹ پاکستان ہائی سکول لالہ موسیٰ کے سینئر ٹیچر محمد یونس نے اپنے بیان میں کیا ۔ انہوں نے مزید کہا کہ ہم اپنے ہیڈ ماسٹر چوہدری مقصود کی زیر نگرانی انکی مدبرانہ قیادت میں اپنے فرائض منصبی کی ادائیگی میں بہتر سے بہتر کاوشیں کر رہے ہیں ۔ انشاء اللہ ہم گورنمنٹ پاکستان ہائی سکول کے تعلیمی معیار کو مزید بلند کرنے کیلئے اپنی شبانہ روز محنت جاری رکھیں گے اور اس ادارے کا ہر طالبعلم معاشرے کی اصلاح اور ملک و قوم کی عزت و ترقی میں اپنا اہم کردار ادا کرے گا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کمیٹی دفتر کی واٹر سپلائی ٹربائین خراب ہونے کی بناء پر ماڈل ہائی سکول ، غلہ منڈی اور قاضیاں واٹر سپلائی ٹربائین کے اوقات کار بڑھا دئیے گئے ہیں
لالہ موسیٰ (محمد بلال احمد بٹ ) کمیٹی دفتر کی واٹر سپلائی ٹربائین خراب ہونے کی بناء پر ماڈل ہائی سکول ، غلہ منڈی اور قاضیاں واٹر سپلائی ٹربائین کے اوقات کار بڑھا دئیے گئے ہیں جس سے کمیٹی دفتر ٹربائین سے منسلکہ علاقوں میں پانی کی فراہمی یقینی ہو جائے گی ۔ CO بلدیہ لالہ موسیٰ شیخ وجاہت صدیقی نے بتایا کہ واٹر سپلائی ٹربائین کے بش ختم ہوجانے پر تبدیل کئے جاتے ہیں جوکہ لاہور سے ملیں گے جبکہ بش تبدیل ہونے میں کچھ دن لگ سکتے ہیں ۔ دیگر ٹربائینوں کے اوقات بڑھانے سے پانی کا پریشر بہتر ہوگا اور کمیٹی روڈ و ملحقہ علاقوں میں پانی کی فراہمی یقینی ہوگی ۔ انہوں نے کہا کہ TMA ملازمین کی ہر ممکن کوشش ہوگی کہ جلد از جلد ٹربائین کو درست کر لیا جائے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خصوصی بچوں کے عالمی دن کے موقع پر آشیانہ سپیشل چلڈرن سکول میں پر وقار اور خصوصی تقریب منعقد ہوئی
لالہ موسیٰ (محمد بلال احمد بٹ ) خصوصی بچوں کے عالمی دن کے موقع پر آشیانہ سپیشل چلڈرن سکول میں پر وقار اور خصوصی تقریب منعقد ہوئی ، جس کے مہمان خصوصی چوہدری طاہر زمان کائرہ اور ڈاکٹر عرفان احمد صفی تھے ۔ مہمانان اعزاز میں شیخ وجاہت صدیقی ، عطاء اللہ چیمہ ، ملک محمد نعیم اور ہیڈ ماسٹر محمد اقبال شامل تھے ۔ آشیانہ کی پرنسپل مس ثوبیہ شریف اور فنانس سیکریٹری نعمان شریف نے خصوصی بچوں کے حوالہ سے آشیانہ کے کردار پر روشنی ڈالی ۔ جبکہ اس موقع پر سکول کے بچوں نے ملی نغموں ، مزاحیہ خاکوں ، نظموں اور میزک پر پرفارم کیا ۔جسے شرکاء اور والدین نے خوب سراہا اور دل کھول کر داد دی سکول کے طلباء میںانعامات بھی تقسیم کئے گئے ۔ اس موقع پر چوہدری طاہر زمان کائرہ ، ڈاکٹر عرفان احمد صفی ، محمد اشرف منہاس ، اظہار احمد نے اپنے خطاب میں خصوصی بچوں کے کردار پر روشنی ڈالی ۔اس موقع پر چوہدری طاہر زمان کائرہ نے سکول کیلئے مستقلاً 5ہزار روپے ماہانہ دینے کا اعلان کیا جبکہ محمد اشرف منہاس نے 5ہزار روپے کا عطیہ بھی دیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وارڈ نمبر 9لالہ موسیٰ کسی کی ذاتی جاگیر نہیں ہے،غلام عباس بھٹہ امیدوار برائے جنرل کونسلر وارڈ نمبر9
لالہ موسیٰ(محمد بلال احمد بٹ ) وارڈ نمبر 9لالہ موسیٰ کسی کی ذاتی جاگیر نہیں ہے۔وارڈ نمبر 9محلہ قصبہ سے پاکستان تحریک انصاف بھرپور کامیابی حاصل کرے گی ۔ان خیالات کا اظہار پاکستان تحریک انصاف لالہ موسیٰ کے راہنما امیدوار برائے جنرل کونسلر وارڈ نمبر 09غلام عباس بھٹہ نے کیا انہوں نے کہا کہ لالہ موسیٰ سمیت حلقہ پی پی112کی تمام یونین کونسلز میں پاکستان تحریک انصاف کے امیدوار بلدیاتی انتخابات میں حصہ لے رہے ہیں۔پاکستان تحریک انصاف کے راہنما نوازش علی شیخ ایڈووکیٹ کی قیادت میںحلقہ پی پی 112کے تمام کارکن متحد ہیں اور تحریک انصاف کے کارکن اپنے امیدواروں کی کامیابی کیلئے بھرپور محنت کر رہے ہیں۔انہوں نے مزید کہا کہ لالہ موسیٰ سے چیئر مین انشا ء اللہ پاکستان تحریک انصاف کا ہی ہو گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ کو مثالی شہر بنائیں گے۔لا لہ موسی سے روایتی سیاست کا خاتمہ کر دیں گے،سہیل نواز خان
لالہ موسیٰ(محمدبلال احمد بٹ ) لالہ موسیٰ کو مثالی شہر بنائیں گے۔لا لہ موسی سے روایتی سیاست کا خاتمہ کر دیں گے۔ان خیالات کا اظہار پاکستان تحریک انصاف لالہ موسیٰ کے صدر سہیل نواز خان نے کیا انہوں نے کہا کہ وارڈ نمبر 15سے بھرپور الیکشن مہم چلا رہے ہیں اور انشاء اللہ کامیابی حاصل کریں گے۔انہوں نے کہا کہ پاکستان تحریک انصاف میونسپل کمیٹی لالہ موسیٰ کے لئے ایک با اختیار چیئرمین سامنے لائے گی جوذاتی مفادات سے بالا تر ہو کر صرف لالہ موسیٰ کی بہتری اور خوشخالی کیلئے کام کرے گا۔وارڈ نمبر 15میں مخالفین نے لوگوں کے شناختی کارڈ اکٹھے کئے ہیں تا کہ ووٹوں کا اندارج تبدیل کیا جاسکے ۔مخالفین جو بھی کر لیں ہر قسم کی دھاندلی کا مقابلہ کریں گے اور غلط ووٹر اندراج کو الیکشن کمیشن میں چیلنج کریں گے۔پاکستان تحریک انصاف پوری تیاری کے سا تھ بلدیاتی الیکشن میں حصہ لے گی۔
۔۔۔۔۔۔۔۔۔۔
تمام دکانداران شاپس ایکٹ 1969 کے تحت اپنی رجسٹریشن کروائیں،رانا سہیل لیبر انسپکٹر
لالہ موسیٰ (محمد بلال احمد بٹ ) لیبر انسپکٹر رانا سہیل نے میڈیا سے گفتگو کرتے ہوئے کہا کہ اکثر کاروباری اداروں نے اپنی رجسٹریشن نہیں کروائی اور نہ ہی شاپس ایکٹ1969 ء کے مطابق گورنمنٹ پالیسی کے تحت ملازمین کو تنخواہ ادا کی جا رہی ہے تمام کاروباری اداروں کو مطلع کیا جاتا ہے کہ شاپس ایکٹ 1969 کے تحت اپنی رجسٹریشن کروائیں ، ملازمین کو حکومتی پالیسی کے تحت تنخواہ ادا کریں اور انکا مکمل ریکارڈ رکھیں جبکہ ہفتہ وار ناغہ پر بھی سختی سے عمل درآمد کروانے کی کوشش کی جائے گی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہم چوہدری جعفر اقبال کو پارلیمانی سیکریٹری دفاع مقرر ہونے پر مبارکباد پیش کرتے ،ملک شبیر
لالہ موسیٰ (نامہ نگار ) ہم چوہدری جعفر اقبال کو پارلیمانی سیکریٹری دفاع مقرر ہونے پر مبارکباد پیش کرتے ہیں ، ہم امید کرتے ہیں کہ وہ اپنے فرائض کو احسن انداز میںانجام دیتے ہوئے اپنی صلاحیتوں کا لوہا منوائیں گے ۔ ان خیالات کا اظہار ملک فروٹ چاٹ لالہ موسیٰ کے ایم ڈی ملک شبیر نے اپنے بیان میں کیا ۔ انہوں نے مزید کہا کہ چوہدری جعفر اقبال کو اتنی اہم ذمہ داری ملناانکی سیاسی صلاحیتوں اور سمجھ بوجھ کامنہ بولتا ثبوت ہے ہم امید کرتے ہیں کہ وہ انتخابات میں اپنے کئے گئے وعدوں کو پورا کرتے ہوئے حلقہ کو ہر لحاظ سے مثالی اورخوشحال بنائیں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وارڈ نمبر 12سے تاریخی کامیابی حاصل کریں گے ، علاقہ کی عوام ہمیں جو محبتیں دے رہی ہے اسے کبھی فراموش نہیں کرسکتے،خواجہ خلیل الرحمن
لالہ موسیٰ (محمدبلال احمد بٹ ) وارڈ نمبر 12سے تاریخی کامیابی حاصل کریں گے ، علاقہ کی عوام ہمیں جو محبتیں دے رہی ہے اسے کبھی فراموش نہیں کرسکتے ۔ ان خیالات کا اظہار آزاد امیدوار برائے جنرل کونسلر وارڈ نمبر 12 خواجہ خلیل الرحمن نے اپنے بیان میں کیا ۔ انہوںنے مزید کہاکہ ہم حقیقی تبدیلی اور عوامی خوشحالی کا سنہرا خواب لیکر میدان عمل میں آئے ہیں،ہم بلند
ارادوں اور پختہ سوچ کے مالک ہیں ہمارا مقصد اقتدار نہیں بلکہ خدمت بذریعہ اقتدار ہے ۔انہوں نے ایک سوال کے جواب میں بتایا کہ مختلف سیاسی جماعتوں اور دھڑوں کے نمائندے مجھے ٹکٹ کی آفر کر رہے ہیںلیکن تاحال میں نے اسکا کوئی حتمی فیصلہ نہیں کیا ہمیشہ اپنے دوستوںاور ساتھیوں کو ساتھ لیکر زندگی کا سفر طے کیا ہے یہ فیصلہ بھی ساتھیوں کی مشاورت کے بعد ہی کروںگا لیکن 30جنوری کو ہماری کامیابی یقینی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محلہ گوشت مارکیٹ میں گھر کے باہر سے موٹر سائیکل چور
لالہ موسیٰ (محمد بلال احمد بٹ ) محلہ گوشت مارکیٹ میں گھر کے باہر سے موٹر سائیکل چوری ، تفصیل کے مطابق گزشتہ دنوں محلہ گوشت مارکیٹ گلی شیخ سرور والی کے رہائشی شیخ محمد یٰسین نے اپنی نئی ٹویو موٹر سائیکل گھر کے باہر کھڑی کی تھوری دیر بعد واپس آیا تو موٹرسائیکل غائب تھی مدعی شیخ محمد یٰسین کا کہنا ہے کہ پولیس کو درخواست دیے ایک ہفتہ گزر چکا ہے لیکن پولیس مقدمہ درج کرنے کیلئے ٹال مٹول کر رہی ہے ۔ ڈی پی او گجرات فوری نوٹس لے کر مقدمہ درج کروائیں ۔

by Majid Khan

Nasir Mehmood - Chief Editor at GeoURDU.com