لالہ موسیٰ کی خبریں 7/11/2013

Posted on December 8, 2013 By Majid Khan سٹی نیوز

نوجوانوں کیلئے قرضہ سکیم کا آغاز کر کے میاں نواز شریف نے عوام کے دل جیت لئے ہیں،ڈاکٹر آصف محمود
لالہ موسیٰ (محمد بلال احمد بٹ ) نوجوانوں کیلئے قرضہ سکیم کا آغاز کر کے میاں نواز شریف نے عوام کے دل جیت لئے ہیں ، بے روزگار نوجوانوں کیلئے اپنی زندگی کو سنوارنے کا یہ موقع دے کر انہوں نے مخلصانہ قیادت ہونے کا ثبوت دیا ہے ۔ ان خیالات کا اظہار ممتاز راہنما پاکستان مسلم لیگ (ن) ڈاکٹر آصف محمود سابق نائب ناظم نے صحافیوں سے گفتگو کرتے ہوئے کیا ۔ انہوں نے مزید کہا کہ قرضہ سکیم میں پڑھے لکھے ہونے ، سود کی شرح میں اضافے جیسی شکوں کو ختم کر نا بھی مسلم لیگ (ن) کی حکومت کا قابل تحسین ہے ، انشاء اللہ عوام دیکھیں گے کہ پاکستان مسلم لیگ (ن) ملک و قوم کو ترقی کی شاہراہوں پر گامزن کر کے اسکا وقار و مرتبہ دنیا کے نقشے میں بلند کر دیں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مہنگائی میں 200گناہ اضافہ ہو چکا ہے جبکہ وفاقی و صوبائی حکومت کی طرف سے مہنگائی کو کنٹرول کرنے کی کوئی واضح پالیسی سامنے نہیں آئی،نوازش علی شیخ ایڈووکیٹ
لالہ موسیٰ(محمد بلال احمد بٹ ) پاکستان تحریک انصاف ضلع گجرات کے سینئر راہنما سابق امیدوار صوبائی اسمبلی حلقہ پی پی 112نوازش علی شیخ ایڈووکیٹ نے کہا کہ مہنگائی میں 200گناہ اضافہ ہو چکا ہے جبکہ وفاقی و صوبائی حکومت کی طرف سے مہنگائی کو کنٹرول کرنے کی کوئی واضح پالیسی سامنے نہیں آئی۔منافع خوروں اور ذخیرہ اندوزوں کو کوئی پوچھنے والا نہیں روزمرہ استعمال کی اشیاء عام آدمی کی پہنچ سے دور ہوچکی ہیں۔بڑھتی ہوئی مہنگائی اور بیروزگاری کی وجہ سے عوام خودکشیاں کر رہے ہیںانہوں نے کہا کہ غربت اور بیروزگاری کی وجہ سے چوری،ڈاکے اور راہزنی کی وارداتوں میں بھی اضافہ ہو چکا ہے۔عوام کی جان و مال کا تحفظ حکومت وقت کی ذمہ داری ہو تا ہے جس میں حکومت بالکل ناکام ہو چکی ہے۔انہوں نے کہا کہ پاکستان تحریک انصاف عوام کے حقوق کی جنگ لڑ رہی ہے۔اب وقت آ گیا ہے کہ عوام تحریک انصاف کا بھرپور ساتھ دیں تحریک انصاف عوام کو مسائل سے چھٹکارا دلانے کیلئے جدو جہد کر رہی ہے ۔ عوام اپنے حقوق کیلئے اٹھ کھڑے ہوں اور جھوٹے وعدے کرنے والے حکمرانوں کو مسترد کر دیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لالہ موسیٰ سروس روڈ پر تجاوزات کے خلاف اے سی کھاریاں اقبال مظہر کے زیر نگرانی گرینڈ آپریشن
لالہ موسیٰ (محمد بلال احمد بٹ ) لالہ موسیٰ سروس روڈ پر تجاوزات کے خلاف اے سی کھاریاں اقبال مظہر کے زیر نگرانی گرینڈ آپریشن چیف آفیسر لالہ موسیٰ وجاہت حفیظ صدیقی ٹی ایم اے عملہ اور پولیس نفری ہمارہ سروس روڈ پر پہنچا تو تجاوزت مافیا اور کھوکھے اور ریڑھیوں والوں نے اپنی دکانیں فٹ پاتھ سے پیچھے خود ہی ہٹا لیں جبکہ ٹی ایم اے عملہ کے ہمراہ کرین لائی گئی تاکہ پختہ تجاوزات کو بھی جڑ سے اکھاڑا جائے ۔ اے سی کھاریاں اقبال مظہر نے بلاتفریق تجاوزات مافیا کو جڑ سے اکھاڑ دیا ۔ سروس روڈ کیساتھ سرکاری پارکوں سے بھی تجاوزات ختم کرنے کے نوٹس جاری ۔ پارکوں کے اندر بنے ہوئے کھوکھے فوری طور پر بند کرا دئیے گئے ۔ تجاوزات مافیاں کیخلاف سخت ایکشن اور مقدمات درج کئے جائیں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محرر پولیس چوکی کھاریاں عنصر اقبا ل میکن کی والدہ کی وفات پر لالہ موسیٰ صحافی برادری کا اظہار افسوس
لالہ موسیٰ (محمد بلال احمد بٹ ) محرر پولیس چوکی کھاریاں عنصر اقبا ل میکن کی والدہ کی وفات پر لالہ موسیٰ صحافی برادری کا اظہار افسوس اور مرحومہ کی روح کے ایصال ثواب کیلئے دعائے مغفرت کی گئی ۔ اظہار افسوس کرنے والے صحافیوں میںممتاز نوجوا ن صحافی خالد مجید بٹ ،چیف ایڈیٹر ڈیلی جلا وطن ڈاٹ کام محمد بلال احمد بٹ ، عبدالرزاق بٹ ، ڈاکٹر عرفان احمد صفی ، حاجی تاج نسیم ، نصر اللہ مجید ، شفاقت مرزا ، یٰسین بٹ ، ملک شریف ، ذیشان شیخ سمیت دیگر نے فاتحہ خوانی کی اور کہا کہ ہم دعا گو ہیں کہ رب ذوالجلال مرحومہ کو جنت الفردوس میں بلند مقام عطا فرمائے اور لواحقین کو یہ صدمہ برداشت کرنے کا حوصلہ عطا فرمائے آمین ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ میں آٹے کی فروخت اندر کھاتے ” مہنگے داموں سیل شروع ” ۔ ذخیرہ اندوزی زور پکڑ گئی
لالہ موسیٰ (محمد بلال احمد بٹ) لالہ موسیٰ میں آٹے کی فروخت اندر کھاتے ” مہنگے داموں سیل شروع ” ۔ ذخیرہ اندوزی زور پکڑ گئی ۔ پنجاب حکومت کی جانب سے آٹے کا سرکاری ریٹ 780روپے فی 20کلو تھیلا مقرر کیا گیا ہے جبکہ اندرونے خانہ ذخیرہ اندوز سرکاری احکامات کو رد کرتے وئے 880/-روپے میں فروخت کر رہے ہیں ۔ بڑھتی ہوئی مہنگائی کیوجہ سے عوام پہلے ہی تنگ ہے اس پر ذخیرہ اندوزوں کے ایسے اقدامات سے عوام خودکشیوں پر مجبور ہو چکی ہے ۔ شہریو ں نے وزیر اعلیٰ پنجاب میاں شہباز شریف سے مطالبہ کیا ہے ہ پرائس کنٹرول کمیٹیوں کر متحرک کیا جائے اور ایسے ذخیرہ اندوزوں اور مہنگے داموں اشیاء خودرنی کی فروخت کرنے والے افراد کے خلاف سخت ایکشن لیا جائے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ رئیس پنجاب شیخ خالد محمود امیدوار برائے جنرل کونسلر وارڈ نمبر 10 سے موسٹ فیورٹ امیدوار بن گئے
(محمد بلال احمد بٹ ) رئیس پنجاب شیخ خالد محمود امیدوار برائے جنرل کونسلر وارڈ نمبر 10 سے موسٹ فیورٹ امیدوار بن گئے ، انکی دن بدن بڑھتی عوامی مقبولیت اور جوق در جوق معززین کی حمایت سے انکے مخالفین بوکھلاہٹ کا شکار ہو گئے ۔ جبکہ اہل علاقہ پر عزم ہیں کہ شیخ خالد محمود کو بھاری اکثریت سے کامیاب کروائیں گے ۔ اس سلسلہ میں ایک عوامی سروے میں شہریوں میں شیخ خالد محمود کو اپنی پسندیدہ شخصیت ظاہر کرتے ہوئے انتخابات میں انکی مکمل حمایت اور کامیاب کروانے پر اتفاق ظاہر کیا ہے ۔ وارڈ نمبر 11 سے عوامی جوش و جذبے کے مطابق 30جنوری کو جیت خواجہ خلیل الرحمن کی ہی ہوگی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لج پال پیر سیال ماہانہ محفل ذکر آج بروز اتوارساڑھے تین بجے جامع مسجد بلال میں ہو گی
لالہ موسیٰ(محمد بلال احمد بٹ)لج پال پیر سیال ماہانہ محفل ذکر آج بروز اتوارساڑھے تین بجے جامع مسجد بلال میں ہو گی بڑی تعداد میں عقیدت مند حضرات شریک ہونگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوہدری لیاقت علی(فورمین) باغانوالہ امریکہ میں رضائے الہی سے انتقال فرما گئے
لالہ موسیٰ(محمد بلال احمد بٹ)چوہدری لیاقت علی(فورمین) باغانوالہ امریکہ میں رضائے الہی سے انتقال فرما گئے ۔ انا للہ وانا الیہ راجعون ۔ جن کی نماز جنازہ مورخہ 9 دسمبر بروز سوموار دن گیارہ بجے باغانوالہ قبرستان میں ادا کی جائے گی۔ دوست احباب سے نماز جنازہ میں شرکت کی استدعا ہے۔

by Majid Khan

Nasir Mehmood - Chief Editor at GeoURDU.com