لالہ موسیٰ کی خبریں 29/1/2014
Posted on January 30, 2014 By Geo Urdu سٹی نیوز
الیکشن کمیشن کو اپنی آہنی ذمہ داری پوری کرتے ہوئے بلدیاتی الیکشن کی تاریخ کا اعلان کر دینا چاہیے
لالہ موسیٰ (محمد بلال احمد بٹ) الیکشن کمیشن کو اپنی آہنی ذمہ داری پوری کرتے ہوئے بلدیاتی الیکشن کی تاریخ کا اعلان کر دینا چاہیے ۔ قومی اور صوبائی اسمبلی کیلئے ضمنی الیکشن ہو سکتے ہیں تو بلدیاتی الیکشن کرانے میں کیا دشواری ہو سکتی ہے ۔ پنجاب میں کروڑوں عوام گزشتہ ستمبر سے بلدیاتی نمائندے منتخب کرنے کے لئے بیتاب ہیں تاکہ ان کے مقامی مسائل حل ہو سکیں لیکن الیکشن کمیشن کی مسلسل خاموشی سے عوام میں مایوسی پیدا ہو رہی ہے جس کا نتیجہ شدید احتجاج کی شکل میں بھی ظاہر ہو سکتا ہے ۔ عوامی حلقوں نے الیکشن کمیشن سے مطالبہ کیا ہے کہ پنجاب میں بلدیاتی انتخابات کیلئے تاریخ کا جلد اعلان کیا جائے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰTMAکی نا اہلی چکر محلہ میں گندگی اور گندے پانی کی وجہ سے اہل علاقہ کی زندگی اجیرن
لالہ موسیٰ(محمد بلال احمد بٹ )لالہ موسیٰTMAکی نا اہلی چکر محلہ میں گندگی اور گندے پانی کی وجہ سے اہل علاقہ کی زندگی اجیرنDCO گجرات اہل علاقہ کو ریلیف دلانے کیلئے اپنا کردار ادا کریں اور TMAلالہ موسیٰ کے عملے کے خلاف سخت کاروائی کریں ان خیالات کا اظہار ایک سروے کے دوران چکر محلہ کے متعدد افراد نے صحافیوں سے گفتگو کرتے ہوئے کیا انہہوں نے مزید کہا کہ چکر محلہ میں نالے کی صفائی نہ ہونے کی وجہ سے گندا پانی بدھوکالس روڈ پر کھڑا ہو جاتا ہے جس کی وجہ سے اہل علاقہ کو آمد رفت میں شدید پریشانی کا سامنا ہے جبکہ گندگی کے ڈھیروں اور تعفن نے اہل علاقہ کو ایک عذاب میں مبتلا کر رکھا ہےTMAلالہ موسیٰ کا عملہ صفائی کسی کو نظر نہیں آتا ہے اس موقع پر لوگوں نےDCO گجرات سے پر زور اپیل کی ہے کہ وہ اہل علاقہ کو گندگی اور ھندے پانی سے نجات دلائیں اور غفلت کے مرتکبTMAلالہ موسیٰ کے ملازمین کے خلاف سخت کاروائی کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تھانہ سٹی لالہ موسیٰ کے سامنے سے روز نامہ تصویر وطن کے ہاکر ساجد کا سائیکل نامعلوم چور چوری کر کے فرار ہو گے
لالہ موسیٰ(محمد بلال احمد بٹ ) تھانہ سٹی لالہ موسیٰ کے سامنے سے روز نامہ تصویر وطن کے ہاکر ساجد کا سائیکل نامعلوم چور چوری کر کے فرار ہو گے تفصیل کے مطابق ساجد سکنہ لیاقت آباد کالونی اپنا سائیکل کلاسیک ایڈ کے سامنے کھڑا کر کے اوپر اخبار دینے گیا واپس آیا تو نامعلوم چور سائیکل اخبار سمیت چوری کر کے فرار ہو گیا تھا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دلانوالہ پولیس چوکی نے دوران گشت130گرام چرس برآمد کر کے ملزم کے خلاف مقدمہ درج کر لیا
لالہ موسیٰ(محمد بلال احمد بٹ)دلانوالہ پولیس چوکی نے دوران گشت130گرام چرس برآمد کر کے ملزم کے خلاف مقدمہ درج کر لیا تفصیل کے مطابق مجاہد عباس پولیس چوکی دلانوالہ نے دوران گشت عدنان علی ولد نزیر علی قوم ترکھان سکنہ محلہ قطب آباد گجرات سے دوران گشت ایک سوتیس گرام چرس برآمد کر کے ملزم کے خلاف مقدمہ درج کر کے تفتیش شروع کر دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہم ڈاکٹر جاوید ریاض کی قیادت میں حلقہ کی تقدیر بدل کر دکھا ئیں گے،مرزا محمد رفیق
لالہ موسیٰ (محمد بلال احمد بٹ) ہم ڈاکٹر جاوید ریاض کی قیادت میں حلقہ کی تقدیر بدل کر دکھا ئیں گے ، ہم باوفا لوگ ہیں ہمیشہ ساتھیوں کیساتھ وفا کی ہے ، علاقہ کی عوام کیساتھ محبتوں اور خلوص کا رشتہ ہے ۔ ان خیالات کااظہار مرزا محمد رفیق امیدوار برائے کونسلر وارڈ نمبر 2 نے اپنے بیان میں کیا ۔ انہوں نے مزید کہا کہ ہم نے ہمیشہ عوامی مفادات کی سیاست کی ہے ، انشاء اللہ بلدیاتی الیکشن میں شہری ورکر اتحاد لالہ موسیٰ کا سارا پینل بھرپور کامیاب ہو گا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکر محلہ کے نوجوانوں کے وفد نے گورنمنٹ ایلمنٹری سکول ریلوے کالونی کادورہ کیا
لالہ موسیٰ (محمد بلال احمد بٹ ) گزشتہ روز چکر محلہ کے نوجوانوں کے وفد نے گورنمنٹ ایلمنٹری سکول ریلوے کالونی کادورہ کیا ۔ رانا اسرار کی قیادت میں دورہ کرنے والے وفد نے ہیڈ ماسٹر سید فیاض انور شاہ سے ملاقات کی ۔ اس موقعہ پر سینئر ٹیچر محمد الیاس بٹ بھی موجود تھے ۔ وفد نے مختلف کلاسوں کے طلباء سے سوالات اور گارڈن اور کلاسوں کا معائنہ کیا اور خصوصاً سپورٹس کیلئے طلباء کو ملنے والی سہولیات پر اطمینان کا اظہار اور ڈسپلن کو سراہا اور ہیڈ ماسٹر سید فیاض انور شاہ کی انتظامی صلاحیتوں اور معیار تعلیم کی تعریف کی ۔ وفد میں رانا اسرار احمد ، شہزاد احمد ، محمد عباس ، عدنان طارق ، مرزا عامر سہیل ، حامد کھوکھر شامل تھے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیر اعلیٰ پنجاب میاں شہباز شریف کی زیر نگرانی منعقد وزیر اعلیٰ یوتھ فیسٹیول 2014 ء کے ادبی مقابلہ جات ضلع کی سطح پر ہونے والے مقابلے گورنمنٹ اسلامیہ ہائی سکول گجرات میں منعقد ہوئے
لالہ موسیٰ (محمد بلال احمد بٹ ) وزیر اعلیٰ پنجاب میاں شہباز شریف کی زیر نگرانی منعقد وزیر اعلیٰ یوتھ فیسٹیول 2014 ء کے ادبی مقابلہ جات ضلع کی سطح پر ہونے والے مقابلے گورنمنٹ اسلامیہ ہائی سکول گجرات میں منعقد ہوئے جس میں گورنمنٹ ایکسلینٹ ماڈل سکول ملحقہ گورنمنٹ کالج فار ایلمنٹری ٹیچرز بوائز لالہ موسیٰ کے طالب عالم نعمان علی کلاس 8 نے کوئیز مقابلے میں اول پوزیشن حاصل کی جبکہ انگریزی مضمون نویسی کے مقابلہ میں ضلع کی سطح پر گل شیر 8کلاس نے تھرڈ پوزیشن حاصل کر لی ۔ اس شاندار کامیابی پر ہیڈ ماسڑ محمد امین نے کہا کہ یہ کامیابی پرنسپل مسز فرح نوید ملک کی ذاتی دلچسپی کی وجہ سے ملی ہے ۔ بچوں کی حوصلہ افزائی بھی ہوئی ہے ۔ یہ بچے ڈویژن اور صوبہ کی سطح پر بھی کامیابی حاصل کریں گے اور اپنے اداروں کو نام روشن کریں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
الیکشن ہوں یا نہ ہوں عوام سے ہمارا کبھی نہ ٹوٹنے والا تعلق ہے،شہزاد دلبر
لالہ موسیٰ (محمد بلال احمد بٹ ) الیکشن ہوں یا نہ ہوں عوام سے ہمارا کبھی نہ ٹوٹنے والا تعلق ہے ۔ مسلم لیگ ن کے پلیٹ فارم سے شہری ورکر اتحاد عوامی خدمت کا فریضہ سر انجام دے رہا ہے ۔ سرپرست راہنما مسلم لیگ ن سابق تحصیل ناظم کھاریاں ڈاکٹر جاویدریاض چوہدری کی قیادت میں خدمت کا مشن جاری رکھے ہوئے ہیں ۔ ان خیالات کا اظہار ممتاز سیاسی و سماجی شخصیت سینئر نائب صدر مسلم لیگ ن سٹی لالہ موسیٰ شہزاد دلبر نے ایک ملاقات میں کہا ۔ انہوں نے مزید کہا کہ ہم میاں برادران کے حکم پر ڈاکٹر جاوید ریاض چوہدری کی قیادت میں علاقہ کے عوام کے مسائل حل کراتے ہوئے ترقی کی بلندیوں پر
پہنچا کر دم لیں گے اور مسلم لیگ ن کو مزید منظم فعال متحرک بنانے کیلئے اپنی تمام تر صلاحتیں بروئے کار لائیں گے ۔ شہزاد دلبر نے مزید کہا کہ تعلیم ، صحت اور کھیلوں کے فروغ اور ریکارڈ رترقیاتی کاموں کیلئے مسلم لیگ ن کی حکومت تمام وسائل بروئے کار لاتے ہوئے جدوجہد کر رہی ہے ۔ انشاء اللہ ہم اپنے قائدین کے منشور کے مطابق ڈاکٹر جاوید احمد ریاض کی قیات میں عوامی خدمت کے اس مشن کی خاطر کسی قربانی سے دریغ نہ کرتے ہوئے تن من دھن قربان کر دیں گے ۔
