خیبرایجنسی (جیوڈیسک) کی تحصیل لنڈی کوتل میں سیکیورٹی فورسز کے سرچ آپریشن کے دوران فائرنگ کے تبادلے میں ایک دہشتگرد ہلاک جبکہ 10 مشتبہ افراد کو گرفتار کر لیا گیا۔
قانون نافذ کرنے والے اداروں کی جانب سے لنڈی کوتل کے مختلف علاقوں میں سرچ آپریشن کیا گیا تاہم اس دوران دہشتگردوں نے اہلکاروں کو دیکھتے ہی فائرنگ کر دی جبکہ جوابی کارروائی میں ایک دہشتگرد ہلاک اور متعدد زخمی ہو گئے۔
اہلکاروں نے دہشتگردوں کے زیر استعمال 2 گاڑیوں کو بھی قبضے میں لے لیا جبکہ مختلف علاقوں میں شروع کیا جانے والا سرچ آپریشن مکمل کر لیا گیا۔ دوسری جانب پولیٹیکل انتظامیہ کے مطابق لنڈی کوتل کے مختلف علاقوں میں نافذ کیا گیا کرفیو اٹھالیا گیا جس کے بعد شہریوں کو گھروں سے نکلنے کی اجازت ہو گی۔
کوئٹہ کے نواحی علاقے کچلاک سے نامعلوم شخص کی لاش برآمد
راول پنڈی اسلام آباد میں وقفے وقفے سے بارش جاری
