کراچی (اسپورٹس رپورٹر) کورنگی نیشنل فٹ بال کلب کے زیر اہتمام کلب کے صدر مرحوم زاہد قریشی کی یاد میں منعقدہ تعزیتی اجلاس سے خطاب کرتے ہوئے کورنگی نیشنل فٹ بال کلب کے جنرل سیکریٹری ماسٹر نجم الحسن نے کہاکہ مرحوم زاہد قریشی نیشنل کورنگی فٹ بال کلب سمیت دیگر کلبوں کے لئے گراں قدر خدمات انجام دیئے انہوں نے لانڈھی کورنگی کے نوجوانوں کو صحت مند سرگرمیوں کی طرف راغب کیا اور فٹ کے فروغ کے لئے اپنی زندگی کا طویل حصہ گزارا ان کی گران قدر خدمات پر فٹ بال سے وابستہ حلقے مرحوم زاہد قریشی کو خراج تحسین پیش کرتے ہیں
تعزیتی اجلاس میں کورنگی نیشنل فٹ بال کلب کے عہدیداروں نے مرحوم زاہد قریشی کو فٹ بال کے فروغ کے حوالے سے گراں قدر خدمات پر انہیں خراج تحسین پیش کرتے ہوئے حکومت سندھ ،بلدیہ عظمیٰ کراچی ،اور ضلع میونسپل کارپوریشن کورنگی سے مطالبہ کیا ہے کہ نیشنل کورنگی فٹ بال کلب کے صدر مرحوم زاہد قریشی کے نام سے فٹ بال اسٹیڈیم کو منسوب کیا جائے۔
