شیخوپورہ (ڈاکٹر ایم ایچ بابر سے) خادم اعلیٰ پنجاب میاں محمد شہبازشریف کے رورل روڈ پروگرام کو مدنظر رکھتے ہوئے سیکرٹری ٹرانسپورٹ پنجاب اور ڈی سی او شیخوپورہ ارقم طارق کے احکامات کے تحت سیکرٹر ی آر ٹی اے ملک محمد طاہر نے سب انسپکٹرٹرانسپورٹ محمد اقبال ،موٹر وہیکل ایگزامینر احمد سعید کے ہمراہ ضلع بھر میں اوور چارجنگ ،اوور لوڈنگ ،ایل پی جی سیلنڈر اور نامکمل کاغذات والی گاڑیوں کے خلاف کارروائی کرتے ہوئے 399گاڑیوں کے چالان کئے ،139 گاڑیوں کو تھانوں میں بند کیا اور 505400 روپے جرمانہ کیا۔ وزیراعلیٰ پنجاب کے نعرہ سڑک بچائو ملک بچائو کو مد نظر رکھتے ہوئے سیکرٹری آر ٹی اے ملک محمد طاہر نے کہا کہ ضلع شیخوپورہ کی حدود میں کوئی گاڑی جو کہ حکومت پنجاب کے بنائے گئے قوانین کے خلاف اوور لوڈ پائی گئی تو اس کے خلاف سخت کارروائی ہوگی۔سیکرٹری ڈی آر ٹی اے ملک محمد طاہر نے مزید کہا کہ گورنمنٹ پنجاب نے گاڑیوں کی کمپیوٹرائزڈ فٹنس کی خاطر VICSسٹیشن کا قیام کیا ہے وِکس کا قیام گاڑیوں کی کمپیوٹرائزڈ چیکنگ کے حوالے سے وزیر اعلیٰ پنجاب میاں شہباز شریف کا اہم سنگ بنیاد ہے وہاں پر تمام ٹرانسپورٹرز اپنی گاڑیاں لے جا کر چیک کروائیںتاکہ کسی قسم کے ممکنہ حادثہ سے بچا جا سکے اور عوام کی جان و مال کی حفاظت کو یقینی بنایا جا سکے ۔ڈی سی او ارقم طارق نے گاڑیوں کی باقاعدہ چیکنگ پر انتظامیہ کو خوب سراہا ان کا کہنا تھا کہ عوام کی حفاظت اور سہولت کو ہمیشہ ترجیح دی جائے گی ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
Sheikhupura
شیخوپورہ(ڈاکٹر ایم ایچ بابر سے )محکمہ زراعت کے زیر اہتمام ایگریکلچر کمپلیکس میں بارش کے لئے نماز استسقاء ادا کی گئی جس میں ای ڈی او زراعت مشکور احمد سمیت محکمہ زراعت کے افسران ،فیلڈ سٹاف اور کاشتکاروں کی کثیر تعداد نے شرکت کی ۔ نماز استسقاء کے بعد باران رحمت کے لئے خصوصی دعا کی گئی اس موقع پر ای ڈی او زراعت مشکور احمد نے کہا کہ بارش نہ ہونے کے باعث موسم خشک ہے جس کی وجہ سے گندم کی فصل کاشت کرنے میں شدید دشواری کا سامنا کرنا پڑ رہا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی سی او ارقم طارق کی ہدائت پر ماحولیاتی آلودگی پھیلانے والی کئی فیکٹریاں سیل شیخوپورہ (حامد قاضی سے ) ماحولیاتی آلودگی جو انسانی زندگی کے لیئے زہر قاتل ہے اور حیاتیاتی نظام کو مفلوج کر کے رکھ دیتی ہے ۔ ایسے بہت سے امراض جو جانداروں کی زندگی کے خاتمہ کا سبب بن رہے ہیں انکی روک تھام کے لیئے ڈی سی او ارقم طارق کی ہدائت پر ماحولیاتی آلودگی پھیلانے والی فیکٹریوں کے خلاف کارروائی جاری ہے ۔ ڈسٹرکٹ آفیسر ماحولیات امتیاز رسول علوی کی سربراہی میں سینئر انسپکٹر ماحولیات عبدالستار اور محمد اکبر نے لاہور روڈ پر واقع پولی تھین بنانے والی ربانی پلاسٹک سمیت کئی فیکٹریوں کی تالہ بندی کرتے ہوئے ان فیکتریوں کو سیل کر دیا ہے ۔اور ان کے چالان بنا کر سول جج شیخوپورہ کی عدالت میں پیش کر دیئے ہیں ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قانون کی پاسداری کروانا میری اولین ترجیح ہے ۔ڈی ایس پی ٹریفک اعظم بسراء شیخوپورہ (حامد قاضی سے )ڈی ایس پی ٹریفک اعظم بسراء کا رکشوں اور موٹر سائیکلوں کے خلاف جناح پارک میں کریک ڈائون ۔ یاد رہے کہ ٩ بجے رات سے پہلے لاہورسرگودھا روڈ پر بتی چوک سے لے کر ایس پی چوک تک رکشوں کا داخلہ ممنوع ہے مگر یہ پھر بھی روڈ پر چڑھ دوڑتے ہیں انہوں نے عوامالناس کا پیدل چلنا دوبھر کر رکھا ہے ۔اعظم بسراء نے مزید کہا کہ یہ قانون کی پاسداری نہیں کرتے بعد میں ہمیں مورد الزام ٹھہراتے ہیں کہ پولیس غریب ماری کرتی ہے میری اب بھی ان سے درخواست ہے کہ برائے مہربانی قانون کی پاسداری کریں اور قانون کو اپنے ہاتھ میں نہ لیں اگر قانون شکنی کریں گے تو چالان بھی ہو گا اور رکشوں کو بند بھی کر دیا جائے گا ۔ کیونکہ قانون کی پاسداری کروانا میری اولین ترجیح ہے ۔
مستقبل پاکستان پارٹی ملک کے موجودہ نظام کو مکمل طور پر بدلنے کے لئے جدوجہد کر رہی ہے۔ روشن خٹک
سید امجد علی شاہ، احمد وسیم علوی اور دیگر کا ڈاکٹر عاصم، سنیٹر سعید غنی اور شہلا رضا کو مبارکباد
