لیہ : تعلیمات رسول پرعمل کرنے سے ہی ہمارا فائدہ ہے۔ ان خیالات کااظہارعلامہ عبدالعزیزطاہرسراجوی نے جامع مسجدضیاء القرآن محلہ شیخانوالہ میںمنعقدہ محفل میلاد مصطفی سے خطاب کرتے ہوئے کیا۔منظور حسین مہتابی، عمران احمدخان، عبدالرشیدخان اوردیگرنعت خوانوںنے ہدیہ نعت پیش کیا۔علامہ عبدالعزیزطاہرسراجوی نے خطاب کرتے ہوئے کہا کہ زندگی کے تمام شعبوں سے وابستہ افرادکے لیے نبی کریم کے اسوہ ء حسنہ میں کامل راہنمائی موجودہے۔رسول پاک نے ہی حقوق اللہ اورحقوق العبادکی امت مسلمہ کوتعلیم دی۔انہوںنے خطاب کرتے ہوئے کہا کہ ہمیں میلادمنانے کے ساتھ ساتھ تعلیمات مصطفی پربھی عمل کرناچاہیے۔تعلیمات مصطفی پرتب ہی عمل ہوگاجب دل میں حب رسول ہوگی۔محفل میلادمصطفی میں زندگی کے مختلف شعبوں سے تعلق رکھنے والے افرادنے کثیرتعدادمیں شرکت کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لیہ : تنظیم آئمةالمساجدجماعت اہلسنت کاماہانہ اجلاس جامع مسجدمدنی ٹی ڈی اے کالونی میںمنعقدہوا۔اجلاس کی صدارت مولانامنورحسین باروی نے کی۔اجلاس میں تنظیمی امورپرتفصیلی غوروخوض کیاگیا۔اجلاس میں وفاقی ،صوبائی حکومتوں ،سول سوسائٹی اورمعاشرہ کی سرکردہ شخصیات کی توجہ آئمة المساجدکے مسائل کی طرف دلائی گئی۔اجلاس میں شریک آئمة المساجدنے کہا کہ ہماری بھی ضروریات ہوتی ہیں۔انہوںنے کہا کہ آئمةالمساجدکوجتناوظیفہ دیا جاتا ہے اس سے زیادہ تودفاتراوردکانوںمیں ہرماہ چائے پی جاتی ہے۔ہزاروں روپے تنخواہ اوردیگرمراعات لینے والے بھی چھٹیاںکرتے ہیں۔جبکہ قلیل وظیفہ لینے والے امام مسجدایک نمازنہ پڑھاسکے توبازپرس شروع ہوجاتی ہے کہا جاتا ہے کہ چھٹی کرنی ہے توبندہ دے کرجائو۔اجلاس میںمطالبہ کیاگیا کہ آئمة المساجدکی کم سے کم تنخواہیں بیس ہزارروپے کی جائیں۔اجلاس میں مولانامظفرحسین باروی، قاری عبدالمجیدطاہر،حافظ حقنوازسمیت آئمةالمساجدنے کثیرتعدادمیں شرکت کی۔
باغ : بے قابو ٹرک سکول میں جا گھسا، 4 طالبعلم جاں بحق
تحصیل میہڑ میں 2 سگے بھائیوں سمیت 3 نوجوان طلبا اغوا
